原案: 鵝鑾鼻燈塔 作者:紫波 本波既FB專頁: http://www.facebook.com/ziborborr 前文: http://forum9.hkgolden.com/view.aspx?message=3949671 上回提要:何夕琛一行人因為睇閉路電視而卷入閉鎖空間,就在眾人齊集之後,佢地被告知自己參與左一場鬥智鬥力既殺人遊戲 必須於解謎逃生同殺人之間作出抉擇既佢地,命運將會何去何從?

殺人魔相當有嫌疑

究意佢係咩人呢

good ....

文plx

終於有文

推到有文

出文啦喂

出文啦喂

出文啦喂

毒拎連死都要死先

LM - 12

樓上快D完全手上ge工作黎出文啦

殺完人咪可以搶人匙卡用埋人地部電視

所以個「遊戲」咪得人驚囉

求推

律師一愣，說：「我唔係好明妳講咩。」　　　 　　「你個提案既主要目的只係搵一隻白老鼠受罰，從而印證遊戲既條款係唔係屬實。依家人已經死左，你可以放心參加遊戲喇。」 　　「（消音），妳呢番指控實在太過份。我完全唔可以接受妳既理據。」律師臉不紅氣不喘地回應。 　　在庭上跟人唇槍舌劍對他來說已經是家常便飯，就算動機被看穿，他沒有暴露出半分慌亂。 　　殺人魔猜到其背後的意圖，也可以推想出她的內心帶有幾分漆黑。 　　律師說：「我認為妳應該道歉。我咁樣做，係為左避免大家搞清楚件事既真相之前自相殘殺。」 　　「咁依家搞清楚啦。係唔係就可以殺人呢？」 　　「我覺得妳咁講太result-oriented。今次有人死的確同我所猜想既有出入，但如果結果係冇人死，你地一定會感激我既決定。你地之前明明都同意我既建議，依家先黎怪我？」 　　律師的反駁帶有幾分怒氣，聽來義正詞嚴。 　　「仲有，如果我係想害大家，我駛唔駛留係度陪大家一齊等死！我同大家一樣都係零分，同大家受罰既機率係均等架！」 　　「的確。為左令到機率均等……為左提升你存活既機率，你甚至令原本可以倖免於難既何夕琛都有死既可能。」 　　她又提及了何夕琛這個名字。 　　律師回想起她第一次出言干預的一幕，再跟她這番話串連起來，終於明白殺人魔一直跟自己作對的原因。 　　應該是，自己的策略令到何夕琛的生命受到威脅吧。 　　從他們相遇的反應來判斷，他們應該素未謀面。為什麼她會處處維護著那個人呢。 　　她和何夕琛，到底又有什麼關係呢。

未有文架

「考慮到呢度既人既生理需求，一日內你安排佢上兩次樓攞野食。第一次你限佢上樓三十分鐘，而第二次上樓果陣你就胃痛，掀動佢不安既情緒，局住加速搜尋……佢係Ｋ樓既總計時間絕對冇一個鐘，我相信你一早計好哂。」 　　律師苦笑：「第一次，係為左防止佢背叛，為左大局著想我覺得係必須既，而且想佢早Ｄ落黎報平安又有咩錯？第二次我個胃唔爭氣，呢個我可以道歉……不過我都唔想架。」 　　是的。第二次的胃痛是有點巧合，但眾人也可以理解。始終，律師也將近二十四小時沒有吃過像樣的食物。 　　殺人魔，卻自信滿滿：「你只係扮胃痛。」 　　律師心中暗暗吃驚，因為殺人魔所說的千真萬確。為了提升生存機率幾個巴仙，他會無所不用其極。 　　「喂……妳好囉喎。如果係現實，我一定告妳誹謗。」 　　「果時，你跪係度抱住個肚好似好辛苦咁樣，反應實在太過誇張。如果你話呢個係職業病，三日唔埋就痛成咁，我諗你離死不遠。就係呢點，我就知道你既計劃唔係出於好意。」 　　「你！」 　　律師百口莫辯。為了令何夕琛更迫切地找藥物才裝得如此痛苦，但他卻沒想到，浮誇的演技卻把陰謀暴露出來。 　　「吓……枉我地仲咁信佢。」「估唔到佢竟然咁陰濕……」 　　其他人開始竊竊私語，對律師的信任漸漸瓦解。 　　殺人麼的矛頭直指向律師，律師馬上衡量如今的形勢。他知道，要為自己的演技辯解應該吃力不討好，而且不夠高明。 　　既然是這樣的話，就直接自己的惡意暴露出來吧。 　　「對於胃痛既事我唔想再討論。你地認為我扮野又好，信我真係肚痛又好，我都冇所謂。當務之急，係思考跟住落黎應該點既方案。」律師說。 　　律師轉移焦點，但沒有人有異議。他的話不無道理，畢竟繼續批鬥他也不能解決任何問題。 　　「咁你有咩方法？」阿源問。 　　「我有一個提案。」律師說著的同時，眼神帶點狡黠。就在他說出提案之後，眾人嘩然，而殺人魔則冷眼看著那個驕傲的律師。 　　律師下一個佈局，令他露出了狐狸尾巴。

點解要扮蟹

推推推

點解要扮蟹

唔想毒拎留 o係 K 層咁耐，高分過佢囉