念念已久嘅日本之旅終於踏出第一步，吾踏出第一步唔會知道好壞美醜，去完係想再去嘅。 在此好多謝花生巴打 青空巴打係上個post嘅分享，今次受惠甚多

行程計畫都頗為粗糙，主要交通思路係以仙台機場為基地，由遠至近，大海-內陸-大海嘅路線plan行程。 （Ps ：有唸過仙台入東京出，東京入東京出，但得6日，時間寶貴，吾捨得花時間，另外未去過東京，吾take risk了） 去岩手大致都幾係幾樣野 -山（行山/溫泉） -三陸沿岸海嘯遺構（相當豐富） -大地風光 落地後先作感冒，安全起見吾行山了（其實好off，可能係食薯條食損左喉嚨

）

旅行病

直播？

求其咬啲野

搭左幾次穿梭巴，我認為係「自私者」最著數，最早排隊，都係要係巴士度罰企等班後到/遲到人士….佢吾打爆巴士都吾會放車走，如果係咁，最優方案係在落閘之前一個字兩個字到達閘口便可

4.2小時到仙台機場，仙台機場比較細，仲細過高松機場，關口緊湊而有效率

十分震撼，行落地下，便係海嘯災害嘅永久展覽。三陸人世世代代同大自然嘅無常脾氣相處。

旅行病

唔知，一日兩日好轉好多。只係流鼻水

直播？

飛左香港lu

直播？

飛左香港lu

仲諗住叫你去遠野博物館睇呪術展

直播？

飛左香港lu

仲諗住叫你去遠野博物館睇呪術展

我有見到海報宣傳

支持

天公造美，天朗氣清，探索下機場，頂樓係免費觀景台，係個放空好去處。（我沒唸到咁快過關，出關時間比租車時間早左成2個鐘

）

仙台牛舌名不虛傳，超出期望，果碟醬攞來撈麥飯一流。 （其實我只係見到「期間限定」就揀左依個set

，有驚喜）

食飽就要起行，去租車counter，阿叔比左張飛我，好大張。等穿梭巴士來。等待期間，聽到隔離香港婦女團一行接近十人，租左4部車，果然大家樂於係日本洗錢。

巴士到，仲有隊日本人都係租車

想租部細車，but全部租曬，數落去最平係pirus2.0

部車無花無痕，頗有壓力

支持

同我交收嘅職員係個樸實阿叔，個feel有啲似日劇入邊果啲「靠得住」會係關鍵時刻前同主角講「甘巴爹」嘅路人角色，佢仔細同我確認部車嘅狀態，最後臨走前好誠懇咁祝我一路平安，依家唸起都令人動容。

仙台係片大平地，好正。由仙台揸去宮古，一炮過揸250km左右

到達第一個service area，入左岩手縣後，三陸復興道路果條高速公路，係極度少service area，要搵定地方補給/洗手間。

買罐咖啡看門口

一鼓作氣由仙台揸到去陸前高田市嘅道之站，借廁所同小休，依個道之站犀利，隔離係震災傳承館。

跟住一路揸去宮古，輔助駕駛真係有用，我著左定速同lane keep，可能太攰，中途有幾次真係瞌左下

，見到快速公路隔離有個停車地點，安全起見係果度訓左半個鐘再行。最後安全到達酒店。 酒店好好生意，停車位幾乎full曬，好吾容易搵到地方泊車，加上夜盲盲又攰，費時揸去便利店搵野食。

第一次係日本食杯麵，明白杯麵嘅寶貴之處

半夜懷疑發燒，醒左，食粒Panadol鎮壓之。

一覺到天光，沒燒，只有輕微感冒症狀，此刻已知行山無望。

此酒店包免費自助早餐，款式吾多，都唔係啲貴價野，味道不錯，食完有讚無彈。

第一站係去淨土之濱

依座橋好過癮

行少少山路

奇景便在眼前 緣景生情，淨土之濱嘅名同景色相得益彰，或許每個人心中都有片淨土

2000日紙搭艇仔遊半個鐘船河，同場有遊覽船搭，如二揀一，洗頭艇略優於遊覽船，前者同景物嘅距離更近。

遊客皆靜賞奇渚，依種體驗，唔係用錢就可以擁有。

船夫操艇技術一流，洞穴狹窄，人艇石不相撞。 去到戲肉「青之洞穴」，船夫亦興致勃勃介紹點青法，我忍俊不禁，流露些許不以為然之色，簡單來講我有啲「挑機」（事實我唸起萬宜水庫沿岸岩石洞穴奇珀壯麗，遠勝此穴

）

船夫好似棟篤笑入邊嘅黃子華，收到觀眾「回水」壓力，佢的確有辦法，佢不疾不徐向大家介紹水底嘅海膽（食得多海膽，難得聽到明海膽日語Uni），依個真係挽回場面，眾人嘖嘖稱奇，一則水質良好，清澈見底；二則真係好多海膽。我唸起香港海膽等生物因為眾所週知嘅原因….或許特軀正苦可以買啲海膽海蝦擺係破邊洲浪茄灣…. 係日本海膽產地中，宮古好似僅次於北海道。

興盡，回港。

Route inn 宮古？

Route inn 宮古？

一百分 方圓百里吾敢講，五十里內肯定No.1 青空巴打住過？

Route inn 宮古？

一百分 方圓百里吾敢講，五十里內肯定No.1 青空巴打住過？

上次三陸之旅，幾乎全程住route inn ，住左一晚淨土個溫泉酒店 呢間唔就腳，你揸車就好，我要係車站轉巴士過黎

follow 等我下次揸車過嚟行下先！

LM

Route inn 宮古？

一百分 方圓百里吾敢講，五十里內肯定No.1 青空巴打住過？

上次三陸之旅，幾乎全程住route inn ，住左一晚淨土個溫泉酒店 呢間唔就腳，你揸車就好，我要係車站轉巴士過黎

宮古依間的確吾方便！ 我同你一樣，除了一晚係北上市住左第間，Route-Inn真係掂，我覺得好過APA，前者所有野都好克制同足夠，仲有旅人之湯，後者果個apa老闆嘅個人風格太重

青空巴搭JR-brt-三陸鐵道反轉三陸都好正，我希望有機會都可試下

始終搭公共交通工具接觸到嘅人多好多

follow 等我下次揸車過嚟行下先！

獻醜！

希望對巴打有參考價值。

另外花生霸王巴打都有個post去岩手一圈，相當精彩。

LM

不愧海洋民族，十幾歲少年綁牛角迅速有致

之後會見到各種「熊出沒」警告，熊嘅形象各異，可能反映熊同各地人嘅衝突程度不一。

好多海膽

不禁幻想，如果死後世界存在，或許是這般模樣吧。 唸起有啲作品對另一個世界嘅想像都有海洋、海灘元素 死亡擱淺…加勒比海盜…Eva… 坐左係飄上岸嘅樹幹發呆一陣

（先文字後圖好d） 去左gift shop買左好多好靚嘅明信片 行返去停車場，這次循海邊小道走，沒走原路。路過啲細路伴隨鈴鐺聲，我先醒起依個係「熊鈴」，話比熊知有人類活動，熊或許會行開？但如果隻熊好廢搵唔到食，又好肚餓，鈴鐺會否變成開餐鈴鐺？

依架係遊覽船

張海報都吾算失實宣傳，我相信光線角度合適，應有圖中景象。不過個洞其實吾大。

不知不覺，已踏足4個國立公園

關於熊嘅告示 入邊右一節有趣，當熊發起衝鋒。一、在有效範圍內使用防熊噴霧。二、Lay flat on your stomach, belly and neck! Guard your neck with hands or luggage! （熊發現人吾係食譜便離開？定博隻熊傷人而唔係食人，所以盡量減低傷勢？ 不過我沒準備熊鈴或噴霧。我有個apps 「kumamap」 會根據各地新聞、通報，顯示熊出沒嘅足跡和預測概率性嘅活動範圍）

一路順風