翁靜晶的網上頻道《危險人物2.0》，在昨晚（10月7日）邀請年青時曾合作主持電視節目及影視劇的蔡楓華任嘉賓，二人40多年未見面，所以一碰面已甚激動，訪問過程中蔡楓華說話有條不紊，翁靜晶甚至稱蔡楓華記憶力比他更好。 二人回憶當年合作點滴外，蔡楓華並透露當年事業陷低潮，絕不是因為在《勁歌金曲》節目講「一剎那光輝唔代表永恆」導致，他強調從來沒有因為此句說話而被任何機構封殺，真正原因是唱片公司沒履行承諾，不出碟配合5場演唱會，令蔡楓華在1988年紅館演唱會泡湯。 蔡楓華近況︱為開騷得罪有勢力人士 多年後，張耀榮曾在電視公開承諾會再為蔡楓華開演唱會，結果卻得罪有勢力人士，蔡楓華稱：「香港有勢力人士就嚟搵我，你明白未？啲幫會人士嚟搵我，佢唔想呢件事發生，佢要保障佢轄下嘅人。」 翁靜晶追問原因：「即係其實有一班唱歌嘅歌星，就係黑社會所控制，如果有10場8場演唱會，就寧願佢哋去好過你去，係咪咁？」蔡楓華沒作評論，只稱：「你講到咁明顯，你驚唔驚呀？」翁靜晶回答：「我又唔使出去唱歌」蔡楓華表示：「我唔知，總之係咁。」 過去一直戴太陽眼鏡示人的他，在節目中罕有除下黑超展示眼部傷勢，他指一指自己右眼說2004年曾被打：「冇盲到，但係我做咗手術。」翁靜晶追問遭誰人毆打他，蔡楓華說：「黑社會囉，又係為咗紅館，因為我知小鳳姐唱唔晒，諗住搵張生（張耀榮），點知又俾人圍。（翁：有冇報警？）你真係問嚟都多餘。」 被封「四大癲王」影響深 翁靜晶指多年前的香港娛樂圈確實黑暗，蔡楓華再透露自己曾在美國被四支槍指住個頭，稱：「嗰次就唔係為咗錢，嗰次係有個女藝人唔知做乜鬼嘢，搞是搞非，煽動啲人、又蝕錢，就上嚟指住我話我有份，我話我冇份喎大佬！我嚟表演咋去大西洋城，就係咁囉，唔想講呢啲嘢喇。」翁靜晶疑問稱：「點解你成日俾人蝦？」蔡楓華表示因為自己是「斯文人」沒有「背景」。 另外，提到當年被傳媒封為「四大癲王」之一，甚至暗示他有不良嗜好，蔡楓華回應：「我唔埋班，但係唔代表我敵視你哋。每個人都有自己本身嘅嗜好，而家呢個蔡楓華真係，嫖賭飲蕩吹五樣都唔關我事。」 可是「四大癲王」此稱號對他影響甚大，蔡楓華甚至聲稱被打後報警求助卻不獲受理，他指當年遭30多人圍毆：「嗰時我住偏僻地方，佢哋搵個人嚟話：『蔡生，呢排有個男人嚟搵你，問你住喺邊。』」 他無奈續稱：「首先畀咗一個錯覺你，覺得屋企唔安全，嗰晚我喺澳門，去威尼斯人，唔係賭錢，係想去搵一個Entertainment manager，嗰晚我已經知道危險，因為我返嚟嘅時候，遇到啲的士司機架架都係嗰啲人，我上到去已經驚，就諗住上深圳避一避。」 蔡楓華再稱：「上嗰啲巴士，離開咗，後面有7、8個古惑仔喺度唱《絕對空虛》，跟住我一齊上，過咗關之後去到嗰個位，佢哋就響朵，話『我哋係邊度，你搵邊個同你做紅館呀？』我話『張耀榮先生，得唔得？』佢哋唔敢郁手，到我上咗的士，睇吓佢哋會唔會跟住我，冇吖，去一去桑拿地方，諗住睇吓有冇事，一出返嚟，30幾人等我！喺深圳出面等我，喺深圳打我！」

右眼視力永久受損 他指因為這次事件令他有創傷性青光眼，導致右眼視力永久受損，因此長期戴太陽眼鏡，說：「用鐵蓮花插隻右眼，你知唔知？如果打低少少我呢度爆咗！」 翁靜晶問他當時有沒有立即去醫院，蔡楓華說自己先返香港再到屯門醫院縫針，稱：「我就即刻去咗醫院急救，嗰時啲CID擺明車馬，話蔡生唔適宜落口供，佢寫嘅全部都係大陸嗰一半，香港嗰一半佢冇嘅，跟住佢睇都唔睇，就俾返封信，我話係common assault（普通襲擊），我就寫返封信話唔係。」 蔡楓華表示因被當時被稱「四大癲王」，就算他述說自己遭遇也只被認為「你黐線㗎嘛！你講嘢我點會信？」他更透露曾去信保安局哭訴講自己經歷，案件才交到警務處，可是輾轉多輪，案件不了了之，說：「我要求佢重新開過，我話畀你聽我唔理嗰個係乜乜大哥，嗰班人有幾多勢力，我都要攞返個公道！」 翁靜晶聞言不禁心痛對方遭遇落淚，並承諾替他翻案，蔡楓華哽咽稱：「你都知我一定經過好多好多嘢，一定出過事，點會因為嗰啲咩剎那光輝永恆，點會係嗰啲咁嘅嘢？一定有事。」翁靜晶指他被黑社會逼害，他卻表示：「最好唔好搞，連累咗你……」並稱「呢班人惹唔過」。

兩個講野幾好睇 古天樂而家對眼咁係咪都係被黑社會打

又哭=.=好假的港女

怪錯了四大癲王

兩個講野幾好睇 古天樂而家對眼咁係咪都係被黑社會打

佢係拍三角無雙時，畀道具矛插親隻眼

翁靜晶追問原因：「即係其實有一班唱歌嘅歌星，就係黑社會所控制，如果有10場8場演唱會，就寧願佢哋去好過你去，係咪咁？」 月巴女馬嗰班？

30幾個打佢唔死

翁靜晶追問原因：「即係其實有一班唱歌嘅歌星，就係黑社會所控制，如果有10場8場演唱會，就寧願佢哋去好過你去，係咪咁？」 月巴女馬嗰班？

獸性？

人地落淚係因為你真係痴左呀 睇佢講D野都唔係有文有路咁 比人打應該係真嘅 不過就係果次打到short左

人地落淚係因為你真係痴左呀 睇佢講D野都唔係有文有路咁 比人打應該係真嘅 不過就係果次打到short左

睇完呢啲留言 就知道佢係講真話 就知道女俠點解會留淚

認真聽晒成個訪問 翁靜晶理解能力都幾高

蔡講野都幾1999 又或者我唔係行內人 根本聽唔明

翁靜晶追問原因：「即係其實有一班唱歌嘅歌星，就係黑社會所控制，如果有10場8場演唱會，就寧願佢哋去好過你去，係咪咁？」 月巴女馬嗰班？

獸性？

但佢訪問中提到既「小鳳姐唱唔晒」 我睇wiki資料 小鳳姐演唱會之後係倫伯開演唱會

不過我都覺得嗰個陳彬彬好有問題 無喇喇九唔搭八走出黎話咩燒裙 可能： 1，可能歐陽賣雪糕嗰陣串嘴有串過班𡃁妹佢地懷恨在心 2，陳彬彬要幫人夾口供 如果歐陽係變態 點解要咁辛苦打兩份工養家 仲要其中一份係鐵飯碗

好想知道翁知道陳敏儀咩內幕

蔡講到打佢既人控制成個娛樂圈咁誇張 龍五家族都未必有咁大勢力

走出嚟洗白自己，傻仔先信

好想知道翁知道陳敏儀咩內幕

蔡講到打佢既人控制成個娛樂圈咁誇張 龍五家族都未必有咁大勢力

盧敏儀先啱

30幾個打佢唔死

可能蔡楓華有金鐘罩8關功力，只要打唔仲佢罩門，就只傷不死

話唔黑真係有人信, 咁多強姦自殺

30幾個打佢唔死

可能蔡楓華有金鐘罩8關功力，只要打唔仲佢罩門，就只傷不死

三十幾人打 通常無三至四個人打咁傷

群毆

30幾個打佢唔死

可能蔡楓華有金鐘罩8關功力，只要打唔仲佢罩門，就只傷不死

三十幾人打 通常無三至四個人打咁傷

三十幾人係晒馬啫,求其打佢一身警告佢啫,要殺佢,就唔係打,係斬佢啦

好想知道翁知道陳敏儀咩內幕

蔡講到打佢既人控制成個娛樂圈咁誇張 龍五家族都未必有咁大勢力

個年代羊生都未插手呢行？ 最大可能龍五家啦？

李睿榮幾似蔡楓華

翁靜晶追問原因：「即係其實有一班唱歌嘅歌星，就係黑社會所控制，如果有10場8場演唱會，就寧願佢哋去好過你去，係咪咁？」 月巴女馬嗰班？

獸性？

但佢訪問中提到既「小鳳姐唱唔晒」 我睇wiki資料 小鳳姐演唱會之後係倫伯開演唱會

睇下之前之後果啲都有機會,唔一定係拎伯