曾比特爆肌拍MV孖師妹親密互動
被亂入途人狂讚靚仔勁尷尬
Mike曾比特新歌《你所打的號碼暫時未能接通》，係今年第三首派台作品，今年創作產量少咗，Mike坦言近兩個月身體狀態未如理想，希望調理好啲再追自己寫歌。而MV就搵同公司師妹Vivian黎紜蔚任女主角，二人有唔少親密互動，拖手、掃街，Vivian仲搣師兄鼻頭添！勁sweet！
Mike大爆最難忘一幕係喺電梯內拍攝，講Vivian要拉Mike面前就嚟kiss嘅動作。點知拍其中一take時𨋢門突然打開，電梯外咁啱企咗兩個途人，場面勁尷。最搞笑係途人照入𨋢兼全程冇停口講嘢，其中一人仲望着Mike猛話：「你好靚仔喎！係咪日本人呀？」更堅稱Mike 非本地人，SLDPK呀！不過Mike而家操到手臂起晒筋，顏值滿滿，佢自己都沾沾話要行型男、靚佬路線呀！