C 朗今場腳頭無靈。(Getty Images) 將第 6 度出戰世盃決賽周嘅 C 朗拿度，喺葡萄牙嘅正選地位再受質疑，佢喺周四 (11 日) 凌晨嘅熱身賽瘋狂失機，3 次黃金機會一一糟蹋。葡萄牙喺 C 朗離場後，尾段先至入波 2 比 1 險勝尼日利亞，唔少球迷同專家都表示，C 朗唔應該仲係葡萄牙嘅必然正選。 葡萄牙出發美國前最後一仗，喺主場強陣撲擊尼日利亞，隊長 C 朗喺 9 分鐘接應尼爾遜施美度妙傳，單刀姿態竟然射向柱邊。葡萄牙 23 分鐘由柏度尼圖先開紀錄，但轉個頭就因後防犯錯，被艾哥阿當斯追平。完半場前般奴右路靚傳中，C 朗無人看管下門前幾碼又頂空氣。 C 朗單刀射斜：https://x.com/CrewsMat10/status/2064801536996261924/video/1　 C 朗近門頂空氣：https://x.com/AnkurMessi_/status/2064808636325507531/video/1　 半場葡萄牙換走晒 9 個外場球員，只有 C 朗繼續留低，50 分鐘佢再迎超級良機，12 碼點面對龍門抽射竟然撻晒大 Q，只能露出尷尬笑容，C 朗亦喺 64 分鐘被換走。控制戰局嘅葡萄牙，75 分鐘由法蘭斯高干斯卡奧由右路殺入中間射遠柱得手，助葡萄牙贏 2 比 1。 C 朗門前撻 Q：https://x.com/CrewsMat10/status/2064817876859547951/video/1　 統計顯示 C 朗今場 4 次射門無一中龍，錯失 3 次黃金機會，而且連續第 8 場掂波次數低於對手門將，賽後唔少球迷、名宿都提出質疑，指 41 歲嘅 C 朗已經唔適合場場擔任正選，尤其葡萄牙陣中有唔少天才球員，如果 C 朗唔能夠令身邊隊友發光，就會成為球隊負累。 對於 C 朗今場獲得比其他隊友更多上陣時間，領隊馬天尼斯賽後解釋：「我哋係根據資料，預定好畀 C 朗 45 至 60 分鐘時間，最重要係畀球員提升狀態。呢兩場熱身賽，所有球員都得到需要嘅上陣機會，而且冇人受傷，我哋已經準備好迎接世盃。」

幸及早離場靠隊友險勝

C 朗門前撻 Q

e 球好正常，平時沙地就係 ed

C 朗單刀射斜

算係超沙地水準

8分鐘同49分鐘果兩球，真係畢到無眼睇，亂勁咁射，換咗美斯，過埋龍門都仲得。

C 朗近門頂空氣

隻獌玩 9 許姐

真係好心佢讓返個位出嚟，唔係葡萄牙入八強都成問題。

C 朗門前撻 Q

e 球好正常，平時沙地就係 ed

C 朗單刀射斜

算係超沙地水準

連續兩場黎料，上場隊友空晒唔傳仲以為好醒呃晒扣過對手，點之智利多兩人封位佢急急腳左腳射左去被龍門擋出

今場門前左腳炒波底，上半場又有球傳中炒波底比龍門沒收，當然唔少得單刀射出界

C 朗單刀射斜

算係超沙地水準

畢到

傳嘅已經好靚，自己推得閪

應該都成四張 咁都入選貪佢咩

真係好心佢讓返個位出嚟，唔係葡萄牙入八強都成問題。

場場出最好，對手只需頂字最後 20 分鐘

浪費隊友四年時間

好心佢做後備啦，反應慢左就係慢左，身邊機能跌就係跌，冇得唔認老

單刀射斜

門前空晒炒飛機

世界盃一定要正選

後備邊得架，佢成家加埋pr 團隊同埋班朗狗仔實嘈 梗係場場擺正選啦，贏唔到都係教練/隊友廢姐，唔關佢事 如果c 朗後備，輸波就係教練唔出c 朗攪到輸波

應該都成四張 咁都入選貪佢咩

吉祥物 同埋話晒最出名係佢

後備邊得架，佢成家加埋pr 團隊同埋班朗狗仔實嘈 梗係場場擺正選啦，贏唔到都係教練/隊友廢姐，唔關佢事 如果c 朗後備，輸波就係教練唔出c 朗攪到輸波

場場至少頭 69 分鐘

浪費隊友四十幾年時間

應該都成四張 咁都入選貪佢咩

吉祥物 同埋話晒最出名係佢

r sponsor?

死廢老阻住個地球轉

黑氣石 四十幾歲眼蒙呀

叫佢入返後備席 贏左就佢捧盃 酒店請食自助餐張單佢找數咪得囉

退落黎啦Hi 離開皇馬已經跌WATT 下下要俾波佢 圍住佢黎踢 off9

無眼睇