我係今年dse考生
,話說我中文成績真係差到一個點,做左咁多年人都未補過中文,因為我個人覺得中文冇得補,但係屋企人威逼之下,我都係屈服左.因為我都有補開現代,又見有精讀班報,咁報左文靜.
第一堂,見到MISS真係HI出嚟,點解同海報差咁遠,海報上面成個阿蟬咁樣,真人成個氣質女士(中文差唔識形容所以要補習).好記得第一堂係有明星睇,係個叫馬德鐘嘅明星,心諗唔係中伏下話,上堂搞埋曬啲無聊野
,原來佢係想借馬德鐘介紹寫作萬能KEY,(即係將馬德鐘個頭KEY落第啲明星到,例如:衛蘭),所謂寫作萬能KEY就係用同一個故事內容同結構無限KEY落唔同題目到(就好似馬德鐘咁) ,唔試唔知,一試又幾得,學校啲老師問我係唔係上網抄(佢地咁睇我
可知未補文靜之前中文係有幾差 雖然家下都唔係好好 )
講真,佢講野唔係太斯文,仲有少少麻甩,不過上都大部份時間都有互動冇悶場,而且有問必答,解釋又夠清楚,如何有咩唔明白,重可以係IG/FB問,真係勁方便.
以前成日覺得卷一好向左走向右走難,但佢就話唔關篇文事,係出卷題型有問題,一路解一路話HKEAA正港女,真係笑出嚟,返到去學校操卷,成績又真係好左唔少.卷一我不嬲最驚文言文,真係1999睇唔明,出到社會你老細都唔同你用之乎者也溝通啦下話,真係多舊魚.但佢話文言文唔係死背,係要用邏輯推理,之後啲TEST又真係用得返,真係幫我執左唔少分.
我份人都幾懶下,佢叫我地作文,我就係永遠唔會作,但係我見人地都交,自己唔交又真係幾畢碌,咁就交左篇學校作文俾佢,後尾先知自己都有好多不足之處,佢都會落左堂同我講返我篇文有咩唔得,邊到可以做得更好,文筆結構點先可以拎更多分.果一下都幾感動,睇得出係用心教
我都唔呃你地,佢份筆記薄過IPAD(唔係第啲補習老師咁,本野厚過千層麵)只不過可以學嘅野,佢上堂都一定有教,本野真係0廢話,精而簡.我個人認為補習係為左學技巧,如果你追求筆記嘅厚度,不如買雞精書自己煲咪重好,慳返幾皮.
身邊啲同學笑我狗公,挑,我睇佢地係唔抵得我中文好左.
如果有乜問題可以留言,我會盡快解答.
(文靜youtube channel:
)