這一則不是宜家傢俬的廣告，亦不是中傷宜家傢俬的謠言，我只不過想講一個故事，而故事的開端剛好就在宜家，僅此而已。 我是一個十九大學生，不是讀神科甚至不是讀水泡科，沒錯，我讀的是聞者傷心、生人勿近的痴線佬科。每次跟別人說起自己的學系，最多換來一句「第時做咩架？」的問候，其實我很清楚，他們真正想問的問題是：「你做乜勁呀？」。 因為家住得夠遠，我在學生宿舍的輪候計分表上可說是名列前茅，算是肯定可以上樓的學生。為了能夠融入校園生活，我上樓了，更和一個非常多言的BBA學生合宿，那小子，姑且叫他做阿俊。 「咦，你就係嗰條Philo拎？」阿俊剛玩完Ocamp，一身造型和髮色都非常奇特，大概在扮旺角長大的韓國仔吧。 「吓....？係.....係囉.....」面對阿俊自以為很吃得開的社交技巧，我不太忍心告訴他真相。 「得嘞唔使講嘢！一陣我地去宜家買嘢，買完嘢食餐飯賀賀佢！」阿俊傾力模仿90年代古惑仔的口吻，真想告訴他，其實鄭伊健都四張幾嘞。 我和阿俊去了宜家，結伴還有兩個阿俊的「兄弟」。既然一開始就打算融入校園生活，我暗下決心，要努力理解所謂的大學文化，絕對不可以恥笑這班自我感覺良好的大學生。 「係呢，Alex你讀咩架？」阿俊的友人問我，此獠名良庸，花名「金庸」。 「呢條咪Philo拎囉！」還未待我開口，阿俊已急不及待大大聲在宜家內吼叫出來，後來我才知道，不斷重覆他自以為好笑的對白，是阿俊其中一個攞你命三千的特點。 我尷尬一笑，偷偷轉彎走進燈飾架扮找貨品。目光掃過架上的檯燈，說起上來，我正需要個燈讓我晚上看書，看過價錢，我拿起了最便宜的一件。 宜家傢俬一向很受大學生歡迎，除了因為價錢便宜，更因為其設計較時尚，非常適合愛扮嘢的大學生。那日買了一堆日用品後，我們胡亂吃了個快餐，全程阿俊口沬橫飛吹噓自己Ocamp的威水史，我微笑虛應，心裡只在盤算合宿時打飛機應該如何安排。 回到宿舍房放下東西，阿俊接過電話便匆匆離開，說要去朋友房間劈酒，賀一賀入宿第一晚。我拒絕了阿俊的邀請，比起凡事賀一賀，我更想靜靜地在床上看一會書，作為一個偽文青，看村上春樹的書才是最好「賀一賀」的方法。我躺在床上翻開書本，同時伸手打開新買回來的檯燈，不過，燈沒有亮。 「搞咩呀......」我按了幾次開關都沒反應，不耐煩地拿起檯燈。 黑色的檯燈沒有貼標籤，但底下好像有些小字，我擦了擦底部，嘗試

Alex好似有d問題 話唔定係個自閉仔 燈神，條女 同班hallmate都係ff出黎

其實alex已經許左願

就係擁有一班朋友同女

好拎正呀

留名

Live左

留名

畀個標題吸引左

留名個先

永遠都係有個女神係度

三哥

唔覺唔覺又推到廿幾頁

「Sorry等咗好耐？」Monica穿著輕便的格子襯衣牛仔褲赴約， 我倆相約在大埔火車站人來人往的站前，行人不斷在我們身邊穿梭，畫面甚有王家衛的感覺， 「唔係呀，我都係啱啱到。」例牌的對白，兩人扭擰得像初次約會的初中生， 而事實上，這次的確是我第一次和Monica單獨約會。我們向著海濱公園走，沿途有一句沒一句地寒暄著，兩人都極力避開上次科學館的話題。 「係呢，妳建築系啲功課唔係話好多咩？」 「OK啦，不過遲啲Midterm就會好忙....」 「哦....咁樣....」 片刻沉默，我努力嘗試尋找話題，但偏偏腦袋似被灌了水，無奈下只得舉頭裝作找方向。 「係哩，其實我成日都好想知，哲學係讀咩架？」Monica主動給了我一次續命機會， 「呢個問題，我都答咗差唔多三十次。」我嘗試找一個最簡單易明的解釋方法， 「哦....咁....唔好意思.....」Monica低頭說， 「唔...唔係...我想話好...好多人都想知啫.....！」沒想到Monica以為我在怪責她，一定是我不笑的樣子太嚴肅了， 幸好，兩人終於走到海濱公園的入口處，周圍單車來往，我急忙拉過Monica免得她被撞。 「唔該....」Monica臉上緋紅，看得我一陣痴呆， 大埔海濱公園是香港面積最大的公園，隨了單車愛好者，海旁的大片大片草地常吸引情侶、家庭來野餐玩樂，此時雖不是假日，但草地上依然有很多放著風箏的孩子與父母。

「咦，睇嚟香港地都仲有好多人唔駛做喎！」我說，卻發覺Monica沒有回應， 回過頭，我看見Monica滿臉歡欣地看著漫天風箏，臉上表情猶如小女孩般雀躍可愛，我心頭一熱，拉著她的手腕向草地上走去。風箏遇上風加上草地和快樂的小孩，畫面要多浪漫有多浪漫。 「做正經嘢啦。」燈神毫無先兆地在我面前出現， 「嘩！！」我嚇得腳步一個踉蹌，失控衝前幾步， 草地上佈滿了放風箏的人，手中絲線有如無形殺器，我左一下右一下，幾個風箏的線頓時纏住了我的身體，我好像中了替身攻擊般立在草地上不能動彈。 「你有冇事呀？！」Monica吃驚走上來，嘗試幫我解開身上的絲線， 「唉...................」我仰天長嘆，看來燈神是不打算讓我有機會開心了， 說起上來，我的初戀也是被扼殺在襁褓之中，不過當年的兇手沒有別人，就是自己而已。懵懂少年初涉男女之事自然要幾番撞板，極度不懂向異性表達自己的我，撞起上來只會更兇狠更攞命。我半躺在草地上，嘗試用第三件素材的事沖淡不快的回憶。 在名單之上，第三件素材與先前兩件不同，除了出現地點和掉下機率，名字一欄平白無事多了一大段介紹，內容竟是如RPG遊戲的對白一樣。 「...Once upon a time，係大埔海濱公園入面有一個好懶惰嘅肥佬，每日準時都會霸住最大嗰塊草地中間嘅位置，唔到天黑都唔走，搞到百姓怨聲載道.....喂乜勁呀燈神？咁似小學雞潮文嘅？！」我收到名單時讀得媽聲連連，奈何燈神龜縮死都不出現， 據名單說，大埔肥佬佔了大草地最好的位置，兼且長相兇惡甚是煞風景，所以情侶家庭都會避開他到別處去。唯一的情報是，那肥佬從來都不跟陌生人主動說話，唯獨是樣貌娟好的少女搭訕，他才會答上一兩句。

「好串喎肥佬！」不知為何我想像到那畫面便心中有氣， 肥佬就像當年Gameboy寵物小精靈的卡比獸，霸佔了公共空間又不知有何企圖，最麻煩的是，第三件素材竟然是這隻醜版卡比獸身上珍藏的玉石。 「第三件素材竟然係要去偷嘢？！喂燈神，有冇搞錯呀！」我覺得這個有點玩得太離譜了， 被我再三指控後，燈神終於肯現身了，他看著我，做了那招牌的反白眼，然後竟又「嚓」一聲消失不見，氣得我在大學裡旁若無人地破口大罵。 第三件素材就是肥佬隨身攜帶的玉石，我要麼叫他送給我，要麼就想辦法偷過來，而不論我用哪種方法，我都需要Monica的幫忙。 「Hi...........你叫我點解釋呀..............」我在房內對著電話痛苦地自言自語。 ＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

留名

加速啦三哥

預計講埋今次呢件事, 故事將會進入一個非常重要嘅轉捩點, 嚟緊下個星期, 我仲準備咗另一個驚喜俾大家

好睇就留多啲言啦, 留言越多動力越大！