這一則不是宜家傢俬的廣告，亦不是中傷宜家傢俬的謠言，我只不過想講一個故事，而故事的開端剛好就在宜家，僅此而已。 我是一個十九大學生，不是讀神科甚至不是讀水泡科，沒錯，我讀的是聞者傷心、生人勿近的痴線佬科。每次跟別人說起自己的學系，最多換來一句「第時做咩架？」的問候，其實我很清楚，他們真正想問的問題是：「你做乜勁呀？」。 因為家住得夠遠，我在學生宿舍的輪候計分表上可說是名列前茅，算是肯定可以上樓的學生。為了能夠融入校園生活，我上樓了，更和一個非常多言的BBA學生合宿，那小子，姑且叫他做阿俊。 「咦，你就係嗰條Philo拎？」阿俊剛玩完Ocamp，一身造型和髮色都非常奇特，大概在扮旺角長大的韓國仔吧。 「吓....？係.....係囉.....」面對阿俊自以為很吃得開的社交技巧，我不太忍心告訴他真相。 「得嘞唔使講嘢！一陣我地去宜家買嘢，買完嘢食餐飯賀賀佢！」阿俊傾力模仿90年代古惑仔的口吻，真想告訴他，其實鄭伊健都四張幾嘞。 我和阿俊去了宜家，結伴還有兩個阿俊的「兄弟」。既然一開始就打算融入校園生活，我暗下決心，要努力理解所謂的大學文化，絕對不可以恥笑這班自我感覺良好的大學生。 「係呢，Alex你讀咩架？」阿俊的友人問我，此獠名良庸，花名「金庸」。 「呢條咪Philo拎囉！」還未待我開口，阿俊已急不及待大大聲在宜家內吼叫出來，後來我才知道，不斷重覆他自以為好笑的對白，是阿俊其中一個攞你命三千的特點。 我尷尬一笑，偷偷轉彎走進燈飾架扮找貨品。目光掃過架上的檯燈，說起上來，我正需要個燈讓我晚上看書，看過價錢，我拿起了最便宜的一件。 宜家傢俬一向很受大學生歡迎，除了因為價錢便宜，更因為其設計較時尚，非常適合愛扮嘢的大學生。那日買了一堆日用品後，我們胡亂吃了個快餐，全程阿俊口沬橫飛吹噓自己Ocamp的威水史，我微笑虛應，心裡只在盤算合宿時打飛機應該如何安排。 回到宿舍房放下東西，阿俊接過電話便匆匆離開，說要去朋友房間劈酒，賀一賀入宿第一晚。我拒絕了阿俊的邀請，比起凡事賀一賀，我更想靜靜地在床上看一會書，作為一個偽文青，看村上春樹的書才是最好「賀一賀」的方法。我躺在床上翻開書本，同時伸手打開新買回來的檯燈，不過，燈沒有亮。 「搞咩呀......」我按了幾次開關都沒反應，不耐煩地拿起檯燈。 黑色的檯燈沒有貼標籤，但底下好像有些小字，我擦了擦底部，嘗試

三哥

留名

嘔完之後，在極端的羞愧之下，我竟然昏了過去，還差點倒在自己的嘔吐物之中。幸好，金庸和阿俊及時捉住我，並把我帶到一邊休息，但到我醒來時，比賽已經完結。 「....點呀...？我地有冇羸...？」我一醒轉就急不及待問道， 金庸和阿俊對看，兩個面貌尷尬，看來已輸了九成。唉，苦了我對著女神又嘔又暈，結果竟然得個桔。 「餐券就贏唔到，但大會送返舊膠俾我地囉！」順風隨手一拋，恐龍頭骨模型頓時跌入我懷內， 「吓？！？！我地攞到恐龍頭骨呀？？YEAH！！！YES！！！」我手拿模型，忘我地跳起大叫， 「第二素材，GET！」又是一陣聲音響起， 三個友人目瞪口呆看著我，完全預計不到我的反應會是如此， 「等等，你唔好話我聽，你參加呢個比賽嘅目的係攞呢舊膠呀？」金庸雙眼睜得極大， 「係呀.....有咩問題........？」我猶在狂喜之中，沒意會到金庸背後的意思， 「Hi！！舊膠Gift Shop咪有得買囉！98蚊咋！早講啦我俾你啦！」順風意欲一頭撞進牆壁裡， 我連忙轉頭望向燈神，那條HiHi故意轉過頭不與我視線對上， 「呃.........Monica呢....... ？」我扯開話題，然後三人又露出剛才的尷尬神情，在我接連追問後，他們才吞吞吐吐地說出我昏倒後發生的事， 我不支昏倒後，五人中尚有戰鬥力的只剩順風和Monica，雖然三號隊也再倒下一人，但兩人鬥三人，敗局根本是無法避免的。不過，最後比數點算下來，我們只輸旁邊一分而已。

根據順風的形容，在他也快撐不住的時候，身旁的Monica突然看了倒地的我一眼，然後深深吸了一大口氣。接下來的事，順風說是他見過最駭人的「鯨吞」表演。 Monica一手抓起幾個麵包，奮力一捏狠狠地塞進嘴巴，再將幾條香腸撕成碎片，連環貫進看似嬌小的嘴唇，包括順風三人在內，連主持都看得目瞪口呆，Monica竟然以一小女子之身，力抗二號隊三個北方大漢。雖然最後仍然輸了，但Monica捨棄形象之舉仍羸得了現場所有掌聲。 「之後佢好似怕面對我地咁，一個人走咗...」順風說， 「其實佢一開始就咁做，我地好有可能已經羸咗，令佢有形象上顧慮嘅，好明顯係你。」金庸的話讓我聞之一呆， 「點估到呀，明明你表演得咁差，條女都係最緊張你。」連順風都插口道， 我心情起伏不定，除了得到第二樣素材外，最意想不到的是，嘔一嘔反而間接證實了，我的粉紅色校園生活尚有一絲曙光！ 得到了第二件素材後，我們回到校園，過了幾天平靜的上課日子，而在尋找第三件素材之前，我們幾個大男孩身上又發生了另一件事。話說某天夜裡，我正在宿舍房間內專心地看我的課堂閱讀，阿俊突然走了進來，一臉神神秘秘好似拍戲。 「Alex，過一過嚟金庸間房呀！」阿俊如此說，我只好放下書本隨他走， 房內，順風和金庸好整以暇地坐著，看他們的樣子，相信大家都不知道阿俊葫蘆裡賣甚麼藥。

「三位大哥，小弟有事相求。」阿俊誠懇的態度讓人渾身不舒服， 「No。」順風斬釘截鐵地說， 「大佬！我都未講咩事！」阿俊叫冤道， 「睇你個樣肯定冇好嘢，講定冇壞。」順風說中我心所想， 「好嘞好嘞，俾佢講埋先啦！」金庸忍住笑說， 「係咁嘅，下學期有個活動，而家搵緊人傾莊....」(傾莊＝幹事成員招募) 「NO！」金庸大聲說，我們三個笑得人仰馬翻，唯獨是阿俊臉色鐵青似乎隨時發作， 一下子玩得太盡並不是太好，所以我們還是讓阿俊道出了來龍去脈。原來那小子很想參加大學裡的活動，並想在一個影響力頗大的活動籌委會裡身居要職，如是者他需要人來陪他前往傾莊，以便在適當時候「插旗」。大學的權力分佈和中學不同，中學來來去去不過就學生會、社、風紀三樣，但大學裡林林總總的學會和籌委會數目多如繁星，不知就裡的人很容易衝進了沒人想做的豬頭骨裡，成為權力鬥爭的炮灰。 「你地可能唔知，但慣例Ocamp五個組長大部份都會係呢個活動籌委會度出嚟，只要我可以入到做使但一個重要嘅Post，你地今年暑假都可以肯定有Ocamp玩嘞！」阿俊越講越興奮， 「哦，係咩碰。」我們三人沒甚麼反應，順風循例答道， 「搞錯呀！？你地究竟知唔知點解要搞Ocamp呀？」阿俊看見我們不太理睬他，情緒更見激動， 「呃......彩虹有七隻顏色...」金庸表情呆滯扮弱智，逗得我和順風哈哈大笑， 「Hi............Ocamp集中哂我地大學地位最高嘅人，只要做到統籌組長就可以重新分佈一次校內嘅勢力，立係關係網嘅巔峰，到時醫生、律師全部垂手可得，第時出嚟做嘢仲唔係我玩哂？！哈哈哈哈.......！！！」阿俊忘形大笑， 同一時間，我們已拿了一副牌出來鬥地主。說真的，阿俊這種三國志式玩Ocamp的宏圖大志我真的完全不能理解，更重要的是，我們三人對這趟渾水一點興趣都沒有。 「呢啲嘢你咪鬼搵我地啦，得你以前個同房先會應酬你架咋！」金庸嘆道， 「Hi！唔好提佢！」阿俊臉露不悅，話題到此結束， 不過，第二晚還是發生了一些事。 ＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Live

留名

留名！

樓主係咪中大人

留名

講故台噴泉

樓主係咪中大人

我都覺得係

係咩？碰！

pish

唔係大家都係year 1咩，點解會有以前個同房

大組長？

想問三哥今次個故係咪同蔣宜蘭個故同一時間線？ 我記得蔣宜蘭個男主角係ocamp玩過條七斗叫阿俊

留名