這一則不是宜家傢俬的廣告，亦不是中傷宜家傢俬的謠言，我只不過想講一個故事，而故事的開端剛好就在宜家，僅此而已。 我是一個十九大學生，不是讀神科甚至不是讀水泡科，沒錯，我讀的是聞者傷心、生人勿近的痴線佬科。每次跟別人說起自己的學系，最多換來一句「第時做咩架？」的問候，其實我很清楚，他們真正想問的問題是：「你做乜勁呀？」。 因為家住得夠遠，我在學生宿舍的輪候計分表上可說是名列前茅，算是肯定可以上樓的學生。為了能夠融入校園生活，我上樓了，更和一個非常多言的BBA學生合宿，那小子，姑且叫他做阿俊。 「咦，你就係嗰條Philo拎？」阿俊剛玩完Ocamp，一身造型和髮色都非常奇特，大概在扮旺角長大的韓國仔吧。 「吓....？係.....係囉.....」面對阿俊自以為很吃得開的社交技巧，我不太忍心告訴他真相。 「得嘞唔使講嘢！一陣我地去宜家買嘢，買完嘢食餐飯賀賀佢！」阿俊傾力模仿90年代古惑仔的口吻，真想告訴他，其實鄭伊健都四張幾嘞。 我和阿俊去了宜家，結伴還有兩個阿俊的「兄弟」。既然一開始就打算融入校園生活，我暗下決心，要努力理解所謂的大學文化，絕對不可以恥笑這班自我感覺良好的大學生。 「係呢，Alex你讀咩架？」阿俊的友人問我，此獠名良庸，花名「金庸」。 「呢條咪Philo拎囉！」還未待我開口，阿俊已急不及待大大聲在宜家內吼叫出來，後來我才知道，不斷重覆他自以為好笑的對白，是阿俊其中一個攞你命三千的特點。 我尷尬一笑，偷偷轉彎走進燈飾架扮找貨品。目光掃過架上的檯燈，說起上來，我正需要個燈讓我晚上看書，看過價錢，我拿起了最便宜的一件。 宜家傢俬一向很受大學生歡迎，除了因為價錢便宜，更因為其設計較時尚，非常適合愛扮嘢的大學生。那日買了一堆日用品後，我們胡亂吃了個快餐，全程阿俊口沬橫飛吹噓自己Ocamp的威水史，我微笑虛應，心裡只在盤算合宿時打飛機應該如何安排。 回到宿舍房放下東西，阿俊接過電話便匆匆離開，說要去朋友房間劈酒，賀一賀入宿第一晚。我拒絕了阿俊的邀請，比起凡事賀一賀，我更想靜靜地在床上看一會書，作為一個偽文青，看村上春樹的書才是最好「賀一賀」的方法。我躺在床上翻開書本，同時伸手打開新買回來的檯燈，不過，燈沒有亮。 「搞咩呀......」我按了幾次開關都沒反應，不耐煩地拿起檯燈。 黑色的檯燈沒有貼標籤，但底下好像有些小字，我擦了擦底部，嘗試

三哥

黑色的檯燈沒有貼標籤，但底下好像有些小字，我擦了擦底部，嘗試看清楚上面寫甚麼。張眼細看，上面只寫了「千萬不要擦」。 「乜勁呀？」我皺眉放下檯燈，還道是洋鬼子的另類幽默，然而...... 咔， 檯燈不自然地抖動一下，嚇得我從床上跳了起來， 咔、咔、咔， 震動越來越強烈，老子甚麼鬼都怕，所以腳已軟得連站起開門逃走都不能。 「哎呀！！！！！！！」一聲叫喊自我背後傳來， 「我Hi！！！！！！！！」我驚駭大叫，手腳並用向前拚命爬，難道宿舍必須有鬼？ 我嚇得渾身發抖，雙手抱著頭，並戰戰兢兢地從臂膀之間偷望房間。一個身穿白襯衣白長褲的男人站在兩張床中間，臉上木無表情，只是單純地看著我。 「你...你...你係人定...鬼......」我雙唇不受控地顫動，吃力地吐出幾個字。 那個男人反了反眼，似乎不太想回答我的問題，然後他嘆了口氣，保持了三秒鐘的沉默。 「我唔係鬼，我係燈神，你叫咗我出嚟，我可以實現你兩個願望。」 ＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

阿拉丁、三個願望，以上就是我對燈神的全部理解，我很少看冒險故事，亦從不幻想怪異事情發生在自己身上，我是一個理性實際派，就算性幻想都只針對實際上可能發生的對象和情況。 「燈神...........？吓.......？迎新活動咋掛？」我回過氣，大膽說了一句。 「唉，你哋人類啲反應真係好鬼例牌。」自稱燈神的男人又反白眼，然後做了一件差點嚇死我的事。 他舉起雙手，各自指向左右兩張床，然後兩團光芒自他雙手射出，並在床上慢慢成形，左邊那團光變成一隻拉布拉多犬，而右邊那團變成了一隻阿拉斯加犬。兩隻狗抖了抖身體，然後阿拉斯加犬和我四目交投。 「望乜勁呀七斗！」阿拉斯加犬張口就是粗口，而且語氣非常麻甩，嚇得我一頭撞中書桌的檯角。 「你睇下你，樣衰衰食煎堆。」黑色的拉布拉多犬也開口說話，我驚訝得忘掉了頭上的痛楚。 燈神揚一揚手，兩隻狗又化成光芒繼而消失，他背負雙手，好整以暇地看著我。 「咁樣唔似迎新活動嘞掛！」他說，我呆呆地點了點頭， 「Okay，咁我重新嚟過，我係燈神，你叫咗我出嚟，我可以實現你兩個願望。」燈神滿意地微笑， 「咩....咩都得...？」我吞了吞口水，開始意識到一切都不是發夢， 「梗係唔係咩都得啦！第一，直接奪去人類生命唔得，第二，復活得，不過一個願望只可以復活一個生命，第三，唔可以許願要多三個願望之類。」燈神一口氣背誦， 我一呆，倒沒想過燈神的許願竟然如此有條例可依，本來打算使用的秘技頓時落空。 「點解燈神係咁正常樣？同埋唔係應該三個願望咩？」接受了現狀，我的好奇心油然而生，

「你係邊度得到呢啲印象呢？」燈神沒好氣地白了我一眼， 「迪士尼啲卡通片.........」甫出口我便感覺到自己的問題有點傻豬， 「係囉，咁你會唔會以為玩具識講嘢，呢個世界有外星人同埋燙斗人會嚟打救你呀？」燈神又反白眼，我聞言只得傻笑不語， 「Sorry囉...咁我諗住有三個願望第三個可以許願話放你自由呀嘛。」我嘗試為自己辯護， 「做乜勁個個都要放我自由呢？我冇得做燈神咪即係失業？失咗業邊個幫我供樓呀？邊個幫我養老婆仔女呀？？你試下許呢個願我即刻打救你呀！」燈神不耐煩地罵道， 「吓？燈神都有老婆仔女？！」我忍不住驚叫出來， 「唔通燈神事必要係一篤屁咁嘅樣，成世困係劏房燈入面慘無人道？FF少陣啦！」燈神不以為然地說，後來我知道燈神打的是精靈世界的政府工，怪不得服務態度奇差， 燈神看上去像個三十有五的中年男人，要不是造型奇特，走出街都沒有人會覺得奇怪。除了經常臉露不屑外，燈神老是擺出一副趕收工的樣子。我冷靜下來，細心思索應該許甚麼願，但其實都不用怎麼想，第一個許的一定是變有錢吧！ 「我想變到好有錢，一世做二世祖都唔會洗得哂咁有錢。」我下定決心，開口許下第一個願， 沒有我幻想中的特技效果，燈神聽到我的話後只是沉默地看著我，然後方像想起甚麼事般變了張紙出來。 「Sorry頭先唔記得講，如果要許願嘅話，你必須要先集齊七種素材，呢張就係素材嘅名單。」他把紙遞給我， 「七種素材？龍珠？定係轉珠呀？」我失笑說，不過看完名單後，我便笑不出來了。 ＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

三仔

今次會係長故，準時每日PO文，逢百正評加班，有拖無欠！ 有咩最新消息，可以上呢度留意

https://www.facebook.com/threeformthree

三哥

留名

三哥

三哥

三哥 !!!! 第4個正皮係我架

留名

最近終於有返啲有創意嘅故 唔係一味叫雞打喪屍

三哥

留名

三哥

三哥呀

留名

三哥

三哥出品

皮已正

留名

三哥係咪睇過台劇神仙老師狗先諗到呢個造型

睇左一陣已經知係三哥

留名