感謝所有在這裡一起追Live的你， 感謝在匯應通投選了「最想要的結局」的你， 感謝在讀書報告裡說出真摯感受的你， 感謝閱書後在Facebook訊息發來讀後感、詩詞歌賦的你， 不經覺已連載一個月，都應該作一個了斷。 就在這個雙戀人節前，以650個正評後， 一起分享《殘忍的偷戀》遺下最真實的sad but true。

第一章：http://forum8.hkgolden.com/view.aspx?type=SY&message=4926555 第二章：http://forum8.hkgolden.com/view.aspx?type=SY&message=4935058 第三章：http://forum8.hkgolden.com/view.aspx?type=SY&message=4939465 第四章：http://forum8.hkgolden.com/view.aspx?type=SY&message=4942215 第五章：http://forum8.hkgolden.com/view.aspx?type=SY&message=4948438 讀後感：http://forum8.hkgolden.com/view.aspx?type=SY&message=4943475

留名，仲未追到LIVE

奴兄回首貪一眼，回憶急速擴散？

午飯後來睇下有冇精神食糧

留名

然後，兩個平日不抽煙的健康男人一起坐在一角獨享片刻浪漫。 我們沒說什麼，就一邊看著烤得愉快的同事們一邊各懷心事。 他大概想起岑沛琳，要是還在一起，他一定跟她一同到來； 我也在想念岑沛琳，要是她不是他的妻子，我一定跟她一同到來…… 這是兩個關係友好的男人坐在一起，為同一個女人而憂愁。 事情相當戲劇性，雖然只有我知道。 此時訊息就響起：「寶寶，燒得愉快嗎？」 「咦…女朋友呀？」我頓時嚇一跳… 「吓…唔……係呀…」我已忘了自己是答「唔係」還是「係」… 「終於拍拖喇喎！」Wilson無論何時都是這麼友善。 「呃哈哈……」而我就只懂傻笑。 「唔……」他再黯然了。 「同太太…係咪無彎轉？」姦夫試探丈夫。 「唔知呀…佢無覆我…又搵佢唔到……」 「係咪返咗外家，外母又專登唔話你知呀？」 「我直情上咗去搵…外母都唔知佢去咗邊…淨係知佢無事……」 「唔……去咗好朋友度？」 「我打過晒去……」現在我知道，他是有盡過力的。 「唔……」我是真有為他難過。 「唉…一方面又唔想揚出去，一方面又要主動搵老婆…其實好難搞哈哈……」 「唔……」

推

單身麻甩佬幾爽，有車有樓 但係而家

「阿Pal，你可唔可以幫我諗諗？」 「唔？」 「你實有辦法嘅……」 「我…唔……咁我試吓幫你懸紅啦…」 「要活捉喎哈哈哈哈……」 「哈哈哈…活捉要加五蚊…」 「唉……」 「其實因為咩事？」 「唔…你應該都知……唔…我…有婚外情…」 「唔…」 「佢知道咗……」 「唔……咁你鍾意邊個多啲？」 「兩個都鍾意…一個係我初戀，一個係我想同佢一生一世嘅老婆…」 「初戀？」 「唔…我……我哋喺澳洲識…」 「唔係香港人嚟？」 「星加坡…」 「所以……」 「係…所以我成日都會過去…」 「唔……」 「我哋仲有個女…三歲多……」 「仲有埋女？咁咪甩唔到身？」 「其實講過幾次分手，話會承擔贍養費…」 「佢唔肯？」 「咁大家始終有感情……」 「唔……」

live 了

留名

唔…

都唔知話Wilson慘定抵死……

悔疚正翻滾

謝安琪-她說 唔小心又聽

「阿Pal，呢單嘢…得你同大佬知㗎咋……」 「係…我會諗辦法幫你…」 「Pal你有無諗過結婚？」 「我…未…未諗到呢步……」 「到你真係鍾意一個女人鍾意到要同佢結婚嘅時候你就會明……」 「係點…㗎？」 「你會想同佢一世，永遠永遠喺埋一齊……」 「安全感？」 「係！就係安全感！我覺得佢畀到安全感我！」 「一返到去見到佢，就會覺得一日嘅辛勞係值得？」 「中！中晒！就係呢種安全感，呢種Home Sweet Home……」 「咁而家呢？」 「星加坡嗰位永遠畀唔到呢種感覺我。」 「點解嘅？佢連女都同你生埋喎…」 「始終…始終無一種自己人嘅感覺，再講…個女……」 「個女……」 「係雙眼皮……」 「呃……」 「唔…」 此時立即用力記起Stanley的眼簾， 印象之中好像真是雙眼皮。

估唔到咁好睇。 難怪你一堆fans.

咁佢兩兄弟都一個單一個雙啦，代表咩？

「無嘢嘅…眼皮呢啲唔係遺傳㗎嘛……」 「我同佢都係單眼皮…個女雙眼皮…」 「咁似唔似你先？」 「唔……其實又有啲似，唉……可能都係我成日凝住凝住啫…」 「始終山高皇帝遠，你有少少懷疑係正常嘅……」 「況且佢情緒好起伏，好容易大起大跌，真係相處好同住難……」 「咁……Cat…Catherine呢？」 「佢情緒好穩定，性格又成熟，同佢一齊可以好平靜，好安穩。」 「咁咪少咗啲…激情囉？」 「係無乜㗎，歌都有唱『故事平淡但當中有你』嘛，結婚係咁㗎喇…」 「咁平平淡淡就一世唔會好悶咩？」 「其實以前真係唔覺…因為……星加坡嗰個太熱情……」 「兩位太太互補不足？」 「係㗎…不過自從Catherine走咗之後，我先知自己好自私。」 「自…私？」 「我Suppose要對佢專一…我都揀定咗佢，唔應該再同個Ex藕斷絲連…」 「唔…佢係你初戀又係你Ex？」 「我其實無乜點拍過拖，大學時就同咗佢一齊…其實本來諗住結婚…」 「之後呢？」 「之後我哋因為芝士蛋糕鬧咗場大交…」 「芝士蛋糕？」 「仲有潤唇膏味道、電腦Mon大細、床單Pattern…總之日日都總會吵一鑊…」 「最後去到芝士蛋糕就爆鑊勁嘅？」 「係呀…之後…我哋分開咗半年…頹咗半年就喺公司遇到Catherine…」 「然後就閃婚？」 「其實我仲同緊星加坡嗰個有聯絡……都未算分得晒…」 「咁Catherine知唔知㗎？」 「知……佢知有佢嘅存在，但佢話唔介意……」 「之後就結婚？」 「唔……」 「唔…」 「其實我係想個Ex死心，所以先同Catherine結婚，所以有咁大搞咁大！」 「呃……」 「佢知道咗之後差啲跳樓……」 「嘩…」 「因為佢有咗我BB…」 「唔……」 「然後呢幾年就咁拖拖拉拉……」 「咁結咗婚無話有啲蜜運期嘅咩？」 「有嘅……不過始終無辦法一心二用……」 「咁咪兩頭唔到岸？」 「唔…所以其實我好羨慕一啲可以全心全意去愛一個人嘅朋友。」

冇啦冇啦… jj實又良心發現

都唔知話Wilson慘定抵死……

抵拎死 三心兩意正垃圾love love 不過林俊傑 又玩自卑

「咁如果Catherine真係返嚟，會唔會有轉變？」 「我已經同Ex講清楚…其實而家我已經一無所有。」 「點會呢，仲有咁大間會計師樓同層樓！」 「如果Catherine決定同我離婚，我會賣咗層樓兌現畀佢。」 「乜…要分家產嘅咩？」 「唔係…但一個女人仔…有個錢旁吓身好啲嘅……」 「嫁著你都幾好，幾年就幾百萬！」 「咁我哋都有感情嘛，都話…要搵到一個想同佢結婚嘅人其實唔容易……」 「唔……」 「Pal我靠你㗎喇……」 「呃…係……我會盡力幫你搵……」 「或者佢真係唔想再見到我…但我可以做任何嘢作出補償……」 「啲女人嬲起上嚟唔經大腦㗎喎，如果佢叫你去死咁點？」 「我可以考慮吓…………」 「如果佢叫你親手摙死個女呢？」 「佢心地唔會咁差嘅…」 「如果佢叫你切畢，等你以後無得出去玩呢？」 「唔…我可以去勾走一個波做單春人，聽講性慾會大減…」 「嘩……」 「我想同佢生BB，不過Depends On佢意願，我點都OK，只要可以繼續同佢一齊…」 「都真係犧牲大……」 「因為我的確做錯咗…」

holy shit咁都俾我追到live 仲要撞正林俊傑世紀大自卑既先兆