誰想愛一個不能愛的人？ 誰想當一個破壞者負上第三者之罪？ 理性，是讓我們不犯錯，但也是我們的枷鎖， 讓我們不致沉淪，我們被枷鎖困著，抹殺自由。 如果每人都理性，世上就沒有愛情故事， 因為當愛上一個人時，我們都不夠聰明去擺脫衝動， 但這份衝動卻是彼此的一個機會。 我有一個愛情故事，一個充斥著不理性的決定、 沉溺、沉淪、掙扎，偷偷摸摸。 單戀殘忍，偷回來的更差， 這是一個只能寫，不能說的秘密。 如果喜歡的話，請給我一個正評支持，要開始了。

留名

始於都係你啲故先令我追故

想知道我有什麼令你追看。

好多野都冇得解嘅 係咪?

在林俊傑的世界，或許有些不能解釋的事情， 但在小姓奴的世界，什麼都能解釋。

13. 四人遊 「嗱Stanley，係咪唔俾面我哋C Team先！」醉醺醺的Ken拿著酒杯四處跟人碰杯。 「啱啱先乾咗成杯，又嚟？！」楊老闆皺著眉頭反問。 「飲啦Auntie！」Leo看來已醉得分不清對方是誰。 「唔好啦，佢陣間要揸車，我嚟我嚟！」由弟弟Wilson請纓頂上。 「嗱做架樑要雙計㗎吓！」Ken挨著Leo神智不清。 「無問題無問題……」Wilson一口把一整杯芝華士倒進胃。 「仲有一杯呀仲有一杯呀！」Leo拿著長頸VSOP替Wilson斟滿了。 「嘩陣間你哋搵人車我返去呀吓！」Wilson打趣的說。 「得啦！Pal個懦夫一杯都無飲，話會扯旗哈哈哈哈……」什麼扯旗… 「唔唔唔唔……」Wilson又把另一杯倒進肚。 「再嚟！再嚟！再嚟！再嚟！」設計部的同事拿著酒杯亂入。 「嘩我唔得喇……」Wilson扶著牆，臉頰被酒精醺得通紅。 「哦咁Stanley啦！」看來大家平時也很痛恨這兩兄弟。 「我揸車呀……」老闆揮著手婉拒。 「哦哦哦！我哋平時就卜心卜命任勞任怨，而家你就一兩滴酒都推我？」絕殺。 「唔係…但酒真係會亂性㗎，我唔想上頭版呀……」老闆極地抗爭。 「嗱Stanley我同你講，呢杯呢你就乾硬，我哋唔會接受你嘅拒絕！」設計部同事真夠膽色！ 「唉……好啦好啦……一杯一杯……」說罷，老闆當苦茶般一口倒進肚。 「好！！好！！！」其他人拍起手掌。 「喂Wilson，到你喇喎！」 「我…咪頭飲完囉？」 「Wilson，枉你係公司嘅會計師，一個人可以填到兩個人嘅債咩？」 「呃…唔好啦Franky，我開始Wing Wing哋喇……」 「一杯！一杯就放過你！」 「又一杯？！」 「我哋成班Designer服唔服公司，就睇你喇！」 「唉好啦……」咕咕咕咕…Wilson再把一大杯白酒倒進口。 「咁唔爭在我都嚟濕埋隻腳喇！」市場部同事來抽水了。

仲有文

留名追故

奴兄

留名

始於都係你嘅故先令我追故

想知道我有什麼令你追看。

好多野都冇得解嘅 係咪?

在林俊傑的世界，或許有些不能解釋的事情， 但在小姓奴的世界，什麼都能解釋。

我追你故 全因為感覺。感覺對了 自然就不能自拔

最後，兩位老細跟上年一樣不支倒地， 跟其他男同事醉生夢死在酒家手舞足蹈亂唱亂跳， 先是利物浦會歌《You'll never walk alone》， 再是Queen的《We are the champions》， 每首歌也無限重複十幾次，場面極為滑稽。 而女同事都紛紛掩著嘴拿著手機拍片， 相信下星期便會流出到各大部門的Share Folder和MSN視窗。 我沒有喝，因為早早說過要當司機，接載皇室成員回家。 車上，後座躺了昏迷的Stanley和Wilson， 前座是Catherine和駕駛席上的我。 倒後鏡是兩位龍頭睡得如爛泥， 身旁的Catherine也喝得臉紅紅。 平時不多胭脂粉末的她，臉頰被酒精醺得通紅， 看上去如少女一臉幼氣，看得我連紅綠燈都忘了……

留名

雖然我很喜歡她，但是我不想讓她知道，因為我明白得不到的東西永遠是最好的。

評已正 BTW 人妻真係一流

好文留名

睇到奴兄fb狗衝過黎留名

留名

對唔住呀,我唔敢睇落去

oppa

「係咪行得喇？」Catherine突然打破沉默。 「呃！係…係……」剛剛驚醒的我心虛又緊張。 「好彩你無飲酒。」 「係我職責所在啫。」 「你睇吓佢兩個……咩儀態都無晒。」 「大家開心嘛！Stanley同Wilson都咁親民，大家先做得咁開心啫！」 「哈，你幾時都咁忠心！」 「事實嚟……」 「呢個年代好少有你呢種人。」 「邊係呢……」 「嗰晚原來你仲要去機場接佢哋返嚟……」她把頭靠過來輕聲問。 「係…呀…。」開始冒汗。 「咁你仲同我食飯？」弊… 「咁仲有時間嘛，中間我都唔知去邊好…」心起伏得很快。 「又話去觀塘啲Band房？」原來Catherine也會像一般女人窮追不捨。 「咁都要搵個藉口嘛……」我投降了。 「唔……」她把頭移開，望向窗外。 「呃…Sor…Sorry呀……我唔係有心呃妳…」我覺得這句話是宇宙上最廢的廢話。 「唔……」我好像擊中了死穴。 「咁…其實都順路嘅……」 「我平時都已經俾人呃夠……」吓… 「妳指啲客？」 「……」 「我都係㗎…呢個世界就係你呃吓我我呃吓你㗎啦…哈哈…」已不知自己在說什麼。 「咁如果唔係客呢？」 「咁……」 「係瞓喺你隔籬嗰個呢？」她把頭看過來，眉頭皺起。 「唔…」我不其然望向倒後鏡。 「……」 「…」 再沒有對話， 車上只有Beatles和一點點引擎聲， 我不時看著她嚴肅的側面… 直到她在東隧裡面睡著了。

oppabb