誰想愛一個不能愛的人？ 誰想當一個破壞者負上第三者之罪？ 理性，是讓我們不犯錯，但也是我們的枷鎖， 讓我們不致沉淪，我們被枷鎖困著，抹殺自由。 如果每人都理性，世上就沒有愛情故事， 因為當愛上一個人時，我們都不夠聰明去擺脫衝動， 但這份衝動卻是彼此的一個機會。 我有一個愛情故事，一個充斥著不理性的決定、 沉溺、沉淪、掙扎，偷偷摸摸。 單戀殘忍，偷回來的更差， 這是一個只能寫，不能說的秘密。 如果喜歡的話，請給我一個正評支持，要開始了。

LIVE

初四啟市， 早上回去同事上上下下都恭喜前恭喜後，好像真的發了大財。 老闆特別早回來，春風滿面大派開工利是， 附近幾個已婚同事也有派利是給我，當然低調處理， 不然便引來遠處一班如深圳行乞小孩群狗衝過來索錢。 利利是是本是為意頭， 但任你如何的想，也想不到會有一件殘忍過劏豬的事…… 就是你喜歡的女人派利是給你…… 「喂新年快樂，希望大家繼續生意興隆！」Catherine特意穿上一件紅色恤衫。 「多謝…大家咁話……。」接過利是，我已不懂反應…… 「你唔祝我嘅？」 「吓……我咪喺電話度祝過咯……」 「咩電話？」 「短訊呀……」 「吓？」 「唔？」 「呀！嗰個原來係你！」 「吓…妳無Save低我電話嘅咩？」 「嘿Sorry呀…唔記得咗…哈哈……」 「哦……」 「我以為係嗰啲Forward Message，所以無覆…」 「係…係我嚟㗎……」 「等我Save低返先！」 「個Message？」 「同埋個電話號碼！」 「哈……」

拿著她給我的Hello Kitty紅包，感覺比收好人卡更難過。 裡面的五十元，有二十五元是屬於Wilson， 那位對我很友善的會計師， 那個能牽著Catherine的手回娘家跟爸爸媽媽拜年， 享盡溫馨場面的男人。 而我，就終日躲在家捲在被窩內不斷查看BT進度……

奴兄，我明白嗰種感受

我都擔心緊我鍾意既女同事俾封利是我.........雖然佢話淨係俾我一個

裡面的五十元，有二十五元是屬於Wilson

裡面的五十元，有二十五元是屬於Wilson

呢句真係…

「喂後日公司春茗，唔好揸車喎！」Ken的溫馨提示有點詭詐。 「吓……飲好多㗎？」 「哈！大家揚言話要承接上年嘅精彩畫面！」 「上年搞成點呀？」 「上年得幾個Progammer生還咋！」 「嘩…咁……」 「你老細瞓咗喺枱面係咁話要揸飛機呀！」 「咁你呢？」 「我咪扮飛機俾佢揸囉！」 「黐線……」 「仲有人扮雲㖭呀！」 「嘩其實你哋係醉咗定Stone咗？」 「哈哈哈哈…你後日咪知囉！」 初四，不少公司還在假期，我們也唯有在公司長命Hea， 百無聊賴數手指，連啟市開年飯都吃足兩小時。 回到公司飯氣攻心，不少同事都索性伏在桌上小睡一會， 我托著腮看YouTube頂著睡癮，肚裡的褔建炒飯不斷翻滾， 睏得快要Down機，就在此時， 突然收到一個短訊：「祝你都心想事成，而家最想就係龍馬精神…好眼瞓呀……」 Catherine的訊息令我當堂醒神一陣， 向她方偷看，見她剛剛把電話收起，托著腮看電腦。 我想了一想，回覆她：「等神龍實現妳呢個願望啦！」 然後提起勁走到Pantry沖我最拿手的濃滑咖啡。

留名

岩岩失戀真係睇乜春都覺得好苦

給你一首音樂，陪你這個周六凌晨。

live 唔,感覺個工作背景好似奴兄真實工作環境咁

留名

奴兄 我又黎打招呼了

Live

給你一首音樂，陪你這個周六凌晨。

聽完喊埋出黎...

留明，奴兄加油

留名

留名