誰想愛一個不能愛的人？ 誰想當一個破壞者負上第三者之罪？ 理性，是讓我們不犯錯，但也是我們的枷鎖， 讓我們不致沉淪，我們被枷鎖困著，抹殺自由。 如果每人都理性，世上就沒有愛情故事， 因為當愛上一個人時，我們都不夠聰明去擺脫衝動， 但這份衝動卻是彼此的一個機會。 我有一個愛情故事，一個充斥著不理性的決定、 沉溺、沉淪、掙扎，偷偷摸摸。 單戀殘忍，偷回來的更差， 這是一個只能寫，不能說的秘密。 如果喜歡的話，請給我一個正評支持，要開始了。

不推不是人

oppa今晚仲有冇

「唔係呀！上次一齊出去見客你幾靚仔吖！」 「咁嗰日我化咗妝嘛！」 「咦？真㗎？」 「係呀！你唔見我嗰日對眼大咗咩？」 「哈哈哈哈……」 「做咩呀……」 「見到你就想笑……哈哈哈……」 「先生，你想飲白酒定紅酒？」連侍應都特別高級。 「畀杯奶我得喇……」 「哈哈哈哈…唔好咁啦…哈哈哈……」她笑過不停。 「唉我早知唔嚟啦……」 「唔好啦，大家一齊玩嘛！」 「我應該隨時會俾『石Q』趕走…」 「哈哈哈唔好再引我笑喇…哈哈哈…」她捧著肚笑著。 「飲啖奶吖，止笑㗎。」 「哈哈哈哈哈唔得喇…我唔可以再同你傾計喇…我會笑死咗…」 「笑喪係好事嚟嘅！」 「哈哈哈我唔同你講嘢喇！哈哈哈哈……」

May姐？

「唔係呀！上次一齊出去見客你幾靚仔吖！」 「咁嗰日我化咗妝嘛！」 「咦？真㗎？」 「係呀！你唔見我嗰日對眼大咗咩？」 「哈哈哈哈……」 「做咩呀……」 「見到你就想笑……哈哈哈……」 「先生，你想飲白酒定紅酒？」連侍應都特別高級。 「畀杯奶我得喇……」 「哈哈哈哈…唔好咁啦…哈哈哈……」她笑過不停。 「唉我早知唔嚟啦……」 「唔好啦，大家一齊玩嘛！」 「我應該隨時會俾『石Q』趕走…」 「哈哈哈唔好再引我笑喇…哈哈哈…」她捧著肚笑著。 「飲啖奶吖，止笑㗎。」 「哈哈哈哈哈唔得喇…我唔可以再同你傾計喇…我會笑死咗…」 「笑喪係好事嚟嘅！」 「哈哈哈我唔同你講嘢喇！哈哈哈哈……」

May姐？

頂

成個畫面唔同哂

安全帶把她的胸脯壓起來，視覺效果十分好， 要留意路面環境又要偷望她無意間的性感，實在相當危險。 除了胸前，Catherine的側面也相當漂亮， 深深的眼窩、高高的鼻樑和飽滿的下巴，貴氣優雅， 前車的紅色剎車燈把她的頭髮染紅，令她更淒美夢幻。 車廂內頗為寧靜，舒適的恆溫空調配以我私伙的Norah Jones試機爵士樂， 氣氛被薰染得如米芝蓮餐廳般浪漫，我們沒有為著太寧靜而刻意談話， 她看看手機看看窗外，我繼續右眼看路左眼看胸， 有時會打量一下她套在手指的戒指。 塞了半小時，終於從紅隧口爬出來，直往土瓜灣方向。 然後，她望過來開口把沉默輕輕帶走…… 「呢架車感覺硬係有啲似曾相識……」當然啦… 「係呀，係Stanley㗎。」謊言總會說穿，倒不如坦白從寬。 「哦，唔怪得……佢真係幾錫你喎！」 「係…真係好多謝老闆提攜同欣賞。」 「哈哈哈哈哈，你唔使咁Obedience喎，佢都唔喺度！」 「呃…我係真心感謝老闆㗎……」 「哈哈哈，佢又真係幾識做嘅！」 「妳仲未食飯㗎嘛？」 「未喔。」 「不如去APM食埋飯先返去咯？」我用了很大的勇氣故作隨意。 「哦好吖！唔阻你吖嘛？」 「我唔阻妳至真……」 「哎，咪咁見外啦！」

奴兄最後都選擇出文。

我不知道， 一個已婚的女人在老公出埠時跟另一位男同事吃晚飯是否不合禮節紅杏出牆， 也不知自己明知人家已婚還如此主動靠近是否心懷不軌邪門歪道， 我只知我很喜歡跟她相處，爽朗的性格與及柔情似水的眼神， 她給人一種非常舒服的感覺，經常帶著微笑的唇很小很薄， 每一分鐘也想吻下去。 這個隨機製造下的晚餐不宜太刻意， 不用吃得太好，也不用吃得太豪，商場擠滿人， 我們打趣說要是找不到位子就去KFC。 最後沒有去做雞是對的， 選了中階的快餐店Oliver's Super Sandwiches。 「妳成日嚟㗎？」 「唔係呀。」 「見妳揀餐揀得咁快，以為妳係常客！」 「我畢業之後出嚟第一份工就係喺呢間餐廳嘅Back Office做Marketer喇！」 「哦？原來係咁！」 「哈，嗰陣翻譯菜單、設計、寫Slogan出新聞稿以至諗新菜色都一腳踢做晒㗎！」 「原來妳咁叻㗎？」 「喂，咩意思先！即係話我睇落去好渣啦！？」 「唔…唔係唔係！我係指原來妳咁多才多藝，仲使乜做Sales喎！」 「一腳踢都係得嗰八千蚊，心諗不如轉行啦……」 「唉…我係因為不學無術死剩把口先做Sales㗎咋……」 「唔好咁講啦，你做得好好呀！」 「哎…做得更好都係Sales仔啫……」 「哼！你咁講即係話緊我啫！」 「唔…唔係呀……妳點同呢…我話緊我自己啫…」 「你又勤奮，又做足功課英文又好，其實已經好叻！」

第一次敢追落去 可能習慣了這種自虐的快感哈

「唉……」 「唔准唉呀！！」 「呃…咁……」 「你要答我多謝！」 「多…多謝……」 「唔得，我再講過先！」 「吓……」 「你真係好叻呀！！」 「多…多謝……」 「嘻！」 試問身邊有一位會不斷支持你的女人還夫復何求？ 香港的女人普遍不懂將心比己，眼裡只有不如意不夠好的事情， 莫說欣賞另一半，懂得欣賞這個世界的女人，可是萬中無一。 Catherine除了漂亮動人，性格還滿分得嚇人， 老闆弟弟上一輩子究竟做了什麼好事， 今世能遇到這位滿分的女人，還一矢中的把她娶回家…… 吃過飯後，驅車離開商場前往將軍澳， 但路面經驗尚淺不懂找路，在觀塘橫街窄巷兜兜轉轉霸氣盡失， 原本十分鐘的路程最後花了二十分鐘才能送她到達目的地…… 再者，不斷走錯路不斷轉線，其實膽怯得很， 心裡不斷自責：「唉你唔識路就咪扮四條揸車送人返屋企啦！」 幸好沒有釀成交通意外，不然實在無地自容。 她拿起手袋步出車外，關門前把頭探進來， 我驚訝以為是要送我一個吻別， 原來是有話要說：「喂！我其實覺得你真係好叻㗎！！」 然後就把門關上了。 謝謝妳，Catherine。

太好了，睡前有文 感謝

正故留名 加油呀奴兄

做左好耐CD-ROM 終於都開ac 我既第一次比左你啦 oppa

識做就快d出文啦 留名

留名

居然仲有文

晚睡的蟲兒有鳥吃

加油啊Oppa

留名

留名待丁

追到live 留名

妻不如妾，妾不如偷 黎明