一獄一世界 (一) http://forum6.hkgolden.com/view.aspx?type=SY&message=4548960 一獄一世界 (二) http://forum6.hkgolden.com/view.aspx?type=SY&message=4556416 一獄一世界 (三) http://forum7.hkgolden.com/view.aspx?type=SY&message=4566238 一獄一世界 (四) http://forum7.hkgolden.com/view.aspx?type=SY&message=4578320 已來到五，先感謝大家支持，感謝各位捧場。 如果你認為我是出書拎，先連載後出書，那請按上一頁，不用道別。 我在高登連載純粹關於回饙，只此。 關於內容，愛滋這事情，書中是沒有提及的， 如果大家是為了愛滋這事的消息，不用買書看， 因為我會在這裡的最後解說。 但書是有收錄當中幾封信件， 那些都是十分珍貴。 亦會公開為何到底坐牢的于日辰是真是假。 買書支持的朋友，謝謝，謝謝，謝謝； 純粹在這裡看故的老同，深表感謝； 買書又繼續在這裡追故的巴打，你是我一生中唯一傳奇。 520正評後見。

阿積

今晚無啦? 睇到興起果下... 期待~

留名睇爆J

留名

25. 159日前 【水房飯】 破門而進，就見躺在窗邊午睡的他，人們都未及反應， 我就在迅雷不及掩耳的高速下，一躍而起， 向著他的大腿內側一下踏下去，「嘭」一聲，像汽球一樣爆開！ 半秒後，爆了蛋的胖子才驚醒過來痛得慘叫， 他褲襠盡濕，滲出來的是血也是精，抱著蛋輾轉翻來覆去，苦不堪言， 我憤怒地說：「呢腳係幫伍仔報仇！」繼而把他的褲一下脫掉， 那條縮起來像一粒雞子般大小的小老二已沾滿血跡， 我騎在他身上，一手執著那粒小雞子用力一扯， 皮首先被撕破，然後連肉帶筋一拼斷開，鮮血立即噴出， 四周的人都被我的瘋狂嚇得腳軟，連老職們都不敢踏前來， 被扯斷老二的阿積發狂地叫，我竟然有一絲興奮， 拿著那粒紅豆般的雞子笑起來……

這是我一邊跑，腦海一邊充滿著的畫面， 由洗衣屋到木工屋距離大概二百米， 這可是我生平裡跑得最快的一次， 後面幾個吹著哨子追的柳記根本追不上來， 我猛力的跑，前面就是木工房，我準備好了！ 跑上數級樓梯，破門而進，我以零點一秒時間環顧四周， 搜尋窗口和那胖子的蹤影，殊不知在第零點二秒，我便聽到「嘭」一聲， 然後一下猛烈震蕩…… 眼前一黑，繼而腳就失控地軟起來， 頭顱重得像六十磅的啞鈴，最後站不住腳跌在地上…… 迷蒙間，聽到阿積得戚的聲音：「喂阿蛇，我幫你捉到逃犯喇！有無得減刑先！」 為……為何……

下！！！咩事呀！！！

鬼：「係咪想逃獄？」 我：「唔係……」 鬼：「唔係又走？」 我：「我唔係想逃走……」 鬼：「咁你做乜要逃走？」 我：「都話唔係逃走…」 鬼：「咁係乜？」 我：「我……我……我去……我去搵人！」 鬼：「搵邊個？」 我：「唔……搵……搵……達……達叔……」 鬼：「你又知佢卜親？」 我：「呃……係……係呀……」 鬼：「邊個話你知？」 我：「唔好啦阿Sir，做保馬好大鑊㗎……」 鬼：「你估阿Sir唔知係Ｂ仔報串？」 我：「唔……」 鬼：「你想去木工房點解唔舉爬？」 我：「呃……急……急嘛！」 鬼：「咁即係逃走啦！」 我：「都話唔係逃走咯……我……我個老友有事，正常都會衝過去……」 鬼：「所以你就去衝咗過去？你當呢度係自己屋企呀？」 我：「唔……唔係呀……一……一時衝動咋Sir，俾……俾次……俾次機會……」 鬼：「做乜講嘢窒吓窒吓？」 我：「吓……阿……阿Sir你太有霸氣嘛……」 鬼：「今日你就話去木工房搵老友，你聽日唔好話去印度探親？」 我：「保證無下次，阿Sir對唔住。」 鬼：「好地地仲有兩個月就出冊就唔好搞咁多嘢啦！」 我：「對唔住……你……你都知我同達叔情同手足……」 鬼：「對唔住？我放生你，聽日個個咪同阿Sir 100米賽跑？」 我：「對唔住阿Sir，俾次機會……」 鬼：「你知唔知逃獄有幾嚴重？」 我：「阿Sir我唔係逃獄呀……」 鬼：「上去執埋啲嘢調去水房。」 我：「唔好啦阿Sir……」 鬼：「咁係咪想加監？」 我：「……」 鬼：「今次我就當你神智不清，啪返一個月藥再睇情況。」 我：「一……一個月？」 鬼：「點呀？你逃獄喎？正常應該加監。」 我：「我入水房之前，可唔可以探一探達叔先？」 鬼：「你話呢？」 我：「可以。」 鬼：「你而家就由呢度跑出去，門口有個巴士站。」 我：「阿Sir，至少話我知達叔依家咩情況……」 鬼：「出去。」

醒來後被鎖上手扣，押到鬼王辦公室， 經一番「洽商」後，被打進天山。 我有為自己的急才感到驚喜，要是照直說是去爆蛋的話， 相信刑罰不止這個程度。 心裡的怒火被鬼王的霸氣完全壓制，在他的辦公室內，爆蛋的力氣盡消。 離開他的房間，我先回倉，大家還在期數， 只有兩個老職看著我拿回自己在儲物架的物品， 倒進包頭袋後，就被押到水房。

留名

九曲十三彎，走過平日沒經過的路， 穿過一條頗狹窄的走廊，便到「隔離囚禁室」， 這就是俗稱「水房」的地方， 我們形容犯事而囚禁在水房這件事為「坐天山」， 就像武俠小說裡面的人閉關修煉一樣， 跟四幅牆為伍，什麼都沒有…… 踏進水房，有一間大約五十呎大的辦公室， 裡面只有一張工作桌、一張木椅、一本紅黑記事簿、一個筆插筒、 一個雪櫃和一把風扇，連電腦都沒有，像看更亭多過辦公室。 大倉老職把我的檔案遞給水房老職， 水房老職把我的資料慢慢，慢慢，慢慢的抄寫在紅黑簿上……

大：「而家有幾件？」 水：「三件，兩件十日，一件七日。」 大：「呢個叻仔嚟，一個月，68B。」 水：「哦……乜咁嚴重呀？得罪咗阿一呀？」 大：「仲大鑊過得罪阿一，呢位英雄想逃獄！」 水：「嘩，年輕人，你想俾人亂槍掃射嘛？」 我：「吓……都話唔係逃獄咯……」 大：「鬼王都算仁慈，一個月咪算少囉！」 水：「係呀，之前有個困咗半年，出返嚟嗰陣成日自言自語。」 大：「水房先最多人自殺。」 我：「嘩……唔係呀嘛……」 水：「喺度簽個名。」 我：「哦……」 水：「嗱，依家循例都要同你講68B要點做。」 我：「哦……」 水：「頭21日，你所有嘢都唔準帶入去。」 我：「牙膏都唔得？」 水：「入面有。」 我：「書呢？」 水：「唔可以，你啲個人物品會Keep喺呢度，直至21日後先畀返你。」 我：「哦……」 水：「21日後，會循例檢查吓。」 我：「吓？又通！？」 水：「唔係，係檢查吓個倉，檢查你啲個人物品有無違禁品。」 我：「其實你隨時都可以打開嚟Check㗎啦……」 水：「規矩係咁。」 我：「咁有咩唔准帶？」 水：「你覺得呢？」 我：「無呀……」 水：「水房係全面禁煙嘅。」 我：「吓……」 水：「21日後再講。」 我：「我想知達叔佢點……」 水：「知道話你知。」 然後就開始品嚐這非凡的21日68B水房飯。

阿積你條HiHi

而我，明天也要入廠開刀駁靱帶， 進度可能會有點阻礙，看情況連載吧。 或有買了書的巴打能給我打出來更好。 回頭見！

留名

睇到好嬲，我要殺死阿積個HiHi

奴兄，身體要緊呀，休養下先打上黎，唔使急㗎我忍唔住最多都係開書睇

頭先幾驚你真係打阿積.... 達叔知道你咁一定會唔開心 正一死仔包來架 生性d啦 今晚係咁上下啦 你好去訓啦

lm

留名

早日康復啦兩位老同