出唔哂
好耐無係高登貼文,唔記得有字數限制
佢話佢有熟人做緊保安，好似都幾好Pay。咁又係既，依家保安呢行，叫做退休工，冇咩後生仔入職，人手流失自然大。何況我大學畢業，去in應該都幾有把握，一個唔好彩做一兩年個阿頭因為年紀太大中風死左我分分鐘可以升埋職。
「哈哈哈哈哈哈哈哈哈哈哈哈哈哈哈」
正當我幻想緊既時候，我手機突然響起。大家唔好誤會，上面d哈哈聲係我電話鈴聲黎，唔係我FF過度而發出既。
「喂﹖邊位﹖」
「我係天佑呀，我岩岩問左個朋友喇，佢叫你唔好做保安喎。」
我心知不妙，心諗唔X係呀﹖依家大學畢業，連保安都唔夠做﹖定係好似駕駛學院咁連渣車都有大學證書呀﹖唔通依家連保安都要讀過大學專屬課程先俾做﹖
「不過佢有另一份工介紹，佢叫你去佢細姪間公司做喎。」
人生尤如坐過山車，先向下衝再向上衝，我心情由谷底又跳返上谷頂，我情緒再係咁大起大跌，我驚我頂唔順。
「嚇死咩天佑哥
，講野斷下斷下！不過，佢所謂既『細姪間公司』係做咩﹖係唔係做傳銷﹖」
「唔係啦，佢細姪係開出版社既。好似叫咩…哎呀一時三刻諗唔起，姐係呢，近排出左本叫《男人唔可以窮》果間呢。」
我突然兩眼發光，諗起一堆書名。
「係唔係近排仲出左本《陰間接通了來自我的電話》、《那些年，我們一起遇上雨傘的主人》同埋《後香港小男人唔可以窮》果間墨出版呀﹖﹖」
「好似係咁上下啦d名……但點解聽落怪怪地既﹖
」
「是但啦，d名好死既姐，我成日都將d書名攪亂哂。
」
「唉求其啦。講返正題，果度請緊個文員，我估岩哂你做啦。
」
「咁正！幾時去見工﹖」
「就聽日啦，幫你約左下午一點，冇問題麻?」
「OK! I am ready! I am ready! I am ready!
」
「就咁啦，俾心機呀！」
天佑一收線，我就訓左係床，不自覺咁嘆左口氣。
「唉，點解我去出版社唔係in作家，而係in文員，乜我篇文真係咁差咩﹖三年都無人問津，露露呀露露……
」
諗兩諗，就訓著左。
第二日，準時到達墨出版，穿上一身西裝，乞衣都變靚仔！
一打開門，咩人都冇，得個好後生既男仔係度行來行去。
「請問，我係黎見工既，你地老闆係邊度﹖
」
「呀﹖你就係黎見工既﹖跟我入黎坐坐。」
我心諗，唔知個老闆咩樣既呢﹖
後生仔一打開房門，裡面咩人都冇，我呆左望住佢，佢仲傻下傻下對住我笑。
喂，呢