【一獄一世界】是咁的，「監」其實係咁樣坐。(一) http://forum11.hkgolden.com/view.aspx?type=SY&message=4548960&highlight_id=0&page=1 上文由意外、審判直到入獄第三天，開始了解監獄裡頭的一點瑣碎運作， 肥皂叫滑石、毛巾叫拖水、煙叫漒…… 接下來會繼續為大家公開獄中點滴。 請各位以行動支持，400正評繼續。

點解你會知

終於追到live 支持

lm

四拍四

mcdonald 之後有冇冼9你

我：「係喇……Daddy唔嚟嘅？」 媽：「唔……」 我：「佢係咪好嬲？」 媽：「有啲啦……」 我：「佢咁要面，一定唔會認返我……」 媽：「點會呢！佢最錫就係你！」 我：「Mammy，我明白嘅……」 媽：「兩父子嘛，點會呢！」 我：「唉……Daddy又點會嚟監獄探監呢……」 媽：「佢唔得閒啫，你都知你Daddy平時幾忙㗎啦……」 我：「Mammy，您嚟我已經好開心……」 媽：「Mammy好掛住你……」 我：「其實平時我都唔多喺屋企㗎啦…」 媽：「唔知點解呢，你入咗嚟之後，就覺得我哋分開咗兩個世界……」 我：「的確係……」 媽：「吓？」 我：「無……我好快就出返嚟㗎喇！」 媽：「仔……」 我：「Mammy，無事喎！」 媽：「我前幾日睇咗你寫嗰封信……我……」 我：「封信都無煽情位……」 媽：「Mammy就係覺得感動……」 我：「其實我啲字係咪好核突？」 媽：「其實我好似未見過你啲字……」 我：「呃……又好似係……真係好日都唔會寫信……」 媽：「得閒寫多啲畀Mammy，Mammy真係好鍾意睇……」 我：「無問題，下次抄篇潮文畀您睇！」 媽：「潮文？」 我：「Mammy您知唔知太古廣場Sales單嘢？」 媽：「PP？做咩事呀？」 我：「無，咁我下次話您知啦！」 媽：「咁神秘？」 我：「係呀！費事啲阿Sir聽到之後周圍講啦！」

10. 433日前 【拜山】 媽：「仔你喺裡面有無俾人恰呀？」 我：「其實呢度都幾文明，唔係監獄風雲咁㗎！」 媽：「頭髮剪短咗咪幾好睇囉！」 我：「唉，唔好提。」 媽：「我本來帶咗啲日用品畀你，但係阿Sir話嗰啲嘢唔俾帶入嚟……」 我：「係呀……呢度個物品指南唔同少年獄房嗰邊，要重新跟住嚟買……」 媽：「咁仔你依家最需要乜嘢？」 我：「我最需要煙……」 媽：「食少啲啦仔，連Daddy都戒埋喇！」 我：「唔係呀Mammy，唔係我食呀，係呢度係用煙嚟做交易㗎。」 媽：「即係點㗎？」 我：「我咪寫過封信畀您提過……呢度咩都要煙做交易㗎……」 媽：「例如咩交易呀？」 我：「例如我要剪頭髮、買紙筆寫信、借嘢等，都係用煙嚟換……」 媽：「咁我下次帶幾條畀你啦！」 我：「又唔得，無得直接入煙，要搵……」 媽：「搵邊個阿Sir幫手？」 我：「要入數畀一個戶口，然後我就有煙㗎喇……」 媽：「咁我入完錢點知你收唔收到？」 我：「得㗎喇，呢度好文明㗎！」 媽：「咁好啦，你畀個Account我，我盡快幫你入錢！」 我：「唔該哂Mammy。」 媽：「要入幾錢？」 我：「入住兩萬先啦！」 媽：「夠㗎喇？」 我：「費事Keep咁多啦。」 媽：「好！」

睇到笑左,屋企有錢係唔同D

,睇怕到你食到生cancer都得,

留名

留名

咁姐係咩叫四拍四? 用枕頭枕住打?

有煙在手好辦事啦，無人恰架啦

媽：「你喺度食嘢慣唔慣呀？」 我：「OK呀！呢度啲野其實唔差，仲有營養師專業分析！」 媽：「咁犀利？食好住好，唔使出嚟啦咁！」 我：「係㗎，哈哈哈哈！」 媽：「Mammy呢幾晚都瞓唔著，成日驚你喺入面俾人恰……」 我：「無呀！呢度同出面一樣，有錢就OK。」 媽：「咁就無問題，Mammy會定期幫你入錢！」 我：「係喇……我架車最後點呀？」 媽：「撞爛咗……不過有全保，好似話會賠返個車價畀我哋。」 我：「噢……」 媽：「唔怕啦，人無事的話，架車本身已經盡咗最大責任㗎喇！」 我：「新款嚟，但返咗好少貨，我用咗好多人情先有一個配額……」 媽：「唉唷！最緊要人無事嘛！車有幾閒喎，出返黎再買過一架囉！」 我：「Daddy一定嬲死我……」 媽：「唉佢又都唔多揸跑車嘅，無所謂啦！」 我：「唔係呀……個車行老闆係佢啲好朋友嚟，我係碌佢Credit買㗎…」 媽：「都係做生意，明買明賣之嘛！又唔會話有九折嘅！」 我：「唉唷您唔明㗎喇Mammy……」 媽：「總之唔使擔心啦，你Daddy最錫就係你！」 我：「唔……」

媽：「入面係點架？」 我：「入面……唔……好似入Camp咁囉……無乜特別！」 媽：「係唔係架！？」 我：「係呀！一齊瞓覺食飯打吓波咁。」 媽：「有無黑社會架？」 我：「有就當然會有啦，學校都有啦！不過其實唔係想象中咁多！」 媽：「咁有幾多架？」 我：「一兩個實有架喇！佢哋其實都OK nice架！」 媽：「咁啲阿Sir惡唔惡架？」 我：「都nice架！大家其實打成一片，班阿Sir咪又係同我哋一齊坐監啫！」 媽：「咁又係……有咩事記得話畀Mammy知，唔好收埋收埋呀！」 我：「知道喇！Mammy您唔使擔心呀，除咗無車揸之外，其他都OK！」 媽：「唔……」

皮已正

我：「係呢……美瑤點呀？」 媽：「美瑤要做Intern，今日先至嚟唔到……」 我：「咁佢點呀？有無話好Shocking？」 媽：「咁當然係會緊張，佢係咁問你有無受傷！」 我：「仲有呢？」 媽：「問幾時可以嚟探你囉！」 我：「咁幾時會嚟呀？」 媽：「一個月好似得兩次探訪咋喎……」 我：「咁下次您帶埋佢嚟咪得囉！」 媽：「唉咁Mammy都想你哋兩個自己傾吓計嘛……」 我：「咁……」 媽：「多啲寫信畀Mammy就得架喇！」 我：「唔……我會架喇！咁我今晚開始要練練字喇，哈哈哈！」 媽：「有無擦膠架？」 我：「用原子筆架嘛，擦咩膠呀！」 媽：「係喎又，哈哈哈……」 警：「唔好意思，探訪時間到喇。」 我：「Mammy您要take care呀！唔使擔心我架！」 媽：「仔，你都要事事小心，有咩事要即刻同Mammy講呀！」 我：「知喇！呢度有得特別探訪，有事一定會申請架喇，放心啦！」 媽：「Mammy會好掛住你架！」 我：「放心啦，我OK架，您都要注意健康，唔好食海鮮呀！」 媽：「Mammy會架喇！你都唔好太夜瞓喇，養好身子呀！」 我：「下次見喇Mammy！」 媽：「仔……」 我：「拜拜……拜拜……」

一路睇就一路諗住發哥套監獄風雲黎睇

我第一次屋企人黎探完我 一落返大飯堂喊到HiHi 想殺人咁既樣

細佬廚房期自給自捉 唔洗畫飛都夠洗

衰懶先無錢淨 除左沖涼擦牙打飛機係自己做之外 乜都搵人做

btw樓主洗衣期照計都搵到下架.. 無人搵你洗衫咩