【完】千萬別試圖改變過去，不然賠上的可不單是性命..

有心無默

12/6/2013 21:26

由上個post尾段開始，個故已經進入左白熱化階段，應該死既人已經死左，無死既人依然仲係到，如無意外今個post將會係結局，預計25集應該就會係結局。好多謝各位上個post既支持，多人回覆，百多個既正評，令我真係寫得非常高興同落力，希望最後既呢個post，可以再更上一層樓啦

至於結局，我會暫定係15-17號是但一日出，詳情之後再講。 最後，有樣野細細聲講，或者...或者咋，將會有一個驚喜比到大家。

1J再J

13/6/2013 23:52

射到出文

有心無默

13/6/2013 23:56

即係阿肯去到火場部署殺阿揚既計劃耐過啊揚係火場既時間所以阿揚返去就快過阿肯? 如果係咁阿揚大可以返到去就寫之前軒尼詩道爆炸個時間點引阿肯但係咁樣做既阿傑比人射殺個條線咪解唔通?

剛力剛

14/6/2013 00:12

即係阿肯去到火場部署殺阿揚既計劃耐過啊揚係火場既時間所以阿揚返去就快過阿肯? 如果係咁阿揚大可以返到去就寫之前軒尼詩道爆炸個時間點引阿肯但係咁樣做既阿傑比人射殺個條線咪解唔通?

阿傑先係boss

淡若水

14/6/2013 00:16

即係阿肯去到火場部署殺阿揚既計劃耐過啊揚係火場既時間所以阿揚返去就快過阿肯? 如果係咁阿揚大可以返到去就寫之前軒尼詩道爆炸個時間點引阿肯但係咁樣做既阿傑比人射殺個條線咪解唔通?

阿傑先係boss

HiHi，我知道太多了我需要文

美麗的肥仔

14/6/2013 00:24

其實我覺得阿揚先係終極boss

米妮

14/6/2013 00:31

點解愈黎愈複雜

紅藍曲

14/6/2013 00:35

有心無默

14/6/2013 00:38

寫更，訓之前會有三篇

什麼也不是

14/6/2013 00:43

寫更，訓之前會有三篇

等埋

木天

14/6/2013 01:09

有心無默

14/6/2013 01:30

* 回到基地，大難不死的感覺令我心情久未平伏。坐在沙發上，雙腿立即缺了力般無法再動彈，我盯著那張令我逃出生天的「時間線」，一手握著冬伯的手機... 冬伯，還有他妻子，是他們兩個延續了我的生命... 我不能辜負他們... 不只這樣，為了阿妹、李小姐、阿傑、灰仔....同時也是為了自己。我一定要親手將阿肯解決掉。縱使雙腿仍然在發出無聲的控訴，但我還是堅決地撐起身，雖然很想衝去看清楚阿妹的狀況，但這樣做無疑會花上很多時間... 對不起...阿妹，但我答應妳，我一定會趕到妳身邊。再多等我一回。「呼...」那麼，首先要搞清楚一件事。 * 『咦...你點解返黎既？』我穿過黑房大門，回到前天，即是章天晨任務前的一晚，這樣做，是為了見一個人，灰仔。「我好似漏左部手機係到，可唔可以幫手搵下？」若果灰仔腦袋靈光一點，可能會注意到我的衣服，還有身體狀況有點不一樣，但照情況他真的沒有察覺到異樣。『好...你成日都漏電話既。』「哈哈...」再次看到灰仔那瘦削的臉孔，突然有種懷念的感覺襲來，彷彿他的離開，已經是好久以前的事... 我壓抑住這種情緒，開始佯裝搜尋手機，繼續說：「我真係好掛住小玥。」『吓？』對我突如其來的話，灰仔表示出錯愕。「我之前...岩岩話...寧願死既人係我...都想佢可以活下來，其實好錯，好自私，因為活下來既人...有時可能係更加痛苦。」不消兩天，我已經深深了解到這個道理... 為了改變過去，我一度願意附出自己的性命，但原來...除了性命，我還需要付出良心、人性、以及重要的親人... 這代價實在是太大了。

打攪晒

14/6/2013 01:36

1J再J

14/6/2013 01:43

原來係主角害死灰仔既

桃廊

14/6/2013 01:53

爆旦

14/6/2013 02:08

爸的嬰兒落了

14/6/2013 02:24

老將軍

14/6/2013 02:26

幸福小宅男

14/6/2013 02:44

唉濕撚曬

14/6/2013 02:47

完之前,打爛你個光環佢

有心無默

14/6/2013 02:50

「所以...無論係生定係死，都要兩個人一齊。」我說出了這個結論。灰仔聽到後，有點不好意思地搔了搔臉，然後坐在沙發上說：『活下來既人更痛苦...我又無諗到咁複雜...我...點講呢...其實... 我既願望同你地比完全係微不足道，講出黎你地一定唔會相信，其實我都唔敢相信，自己竟然可以為左...一件事而願意付出咁多。』我停止了搜尋，朝灰仔那邊看過去，等待他繼續說下去：『我咪講過自己入左黑社會，個陣...我同屋企人基本上係兩無句。』來了...灰仔的「過去」。『老豆基本上已經當無左我呢個仔...而阿媽佢... 定期都會拎錢比我...佢知道自己勸唔掂我，只係叫我要萬事小心，我唔聽，因為個陣既黑社會兄弟都話我細膽，做唔起大事，所以我堅決要令佢地跌眼鏡... 終於...係我成功幫老大搞好一單大野，終於吐氣揚眉，諗住領功個陣，我收到一個電話。』「...係咩電話？」『阿媽打黎話比我聽，老豆因為急性心衰竭入左院...叫我即刻去睇佢。但我無聽...個陣既我一心想去領功，為左面子，為左唔衰比人睇，相信只係一晚半晚應該無事...點知...老豆個晚凌晨就係醫院過左生。』雖然灰仔沒說出來，但我已經想像到...灰仔父親所住的醫院是那裡。這就是他為什麼會對那間醫院這麼熟悉的原因... 『我趕到去個陣，阿媽佢立即打左我一巴，話我係不肖子... 話老豆係死之前，有一刻迴光反照...但我錯過左...我見唔到佢最後一面。』灰仔垂低頭，握緊擺在腿上的雙手。『阿媽罵左我好耐...罵到醫院要出面叫停...我終於知道，原來阿媽一直比我既錢，都係老豆轉交比阿媽，再比我...老豆佢...一直希望我會改過。』「但你而家...已經改過啦...？」『係無錯，但...我的確就係錯過左見老豆既最後一面...呢個...係我永遠既遺憾。』換句話說...灰仔的願望就是這樣...那麼... 『當我知道聽日既任務...就係威院...仲要係老豆病房隔離...時間仲要符合個陣，我真係好驚訝，我...覺得呢個係上天比我既機會...比我見老豆最後一面...』灰仔抬起頭望向我，眼神像在期盼著甚麼。『...阿揚...你覺得...達成願望係咪就係咁？』「係唔係...?」『當然啦...我指既係任務完成之後，你要搞清楚。』灰仔雖然補充了一句掩飾，但經歷過一切的我知道，他並不是打算在任務之後才進行這件事，而是之前... 所以，灰仔才會叫我進病房，自己在走廊埋伏，這樣就有機會去隔壁病房，與即將離開人生的

1J再J

14/6/2013 03:00

...... 所以，灰仔才會叫我進病房，自己在走廊埋伏，這樣就有機會去隔壁病房，與即將離開人生的

冰鎮小賢勝

14/6/2013 03:14

...... 所以，灰仔才會叫我進病房，自己在走廊埋伏，這樣就有機會去隔壁病房，與即將離開人生的

係咪未完出唔晒呀

咁其實灰仔算唔算已經達成左心願

Stone田

14/6/2013 03:14

有心無默

14/6/2013 03:18

所以，灰仔才會讓我進病房，自己在走廊埋伏，這樣他就有機會走去隔壁病房，與即將離開人世的父親見面... 那麼...他即是成功了...？不...不能肯定他成功。『所以我會有疑惑都係人知常情啫...係咪？為左見老豆一面而無左條命...』雖然灰仔是這樣說，但心裡面肯定又是另一回事... 他是愛父親的，就像他的父親也愛他，只是...雙方都不願意打開心靡，讓對方知道這種感情，直到最後一刻... 人世間很多悲劇...都是因為這樣而出現。雖然我無法知道灰仔是成功還是失敗，但我至少能肯定一點，若果灰仔錯過了這次機會，他就永遠都沒機會了... 因為...阿肯會在接下來的時間殺死他... 「即使係咁，但都去到呢步...點都要豁出去啦，係唔係？」所以，我選擇這樣回答。的確...或許換個方式回答，灰仔可能會放棄任務途中去找父親的念頭，但任何人都無法保證，這到底會不會改變什麼... 只要阿肯願意，他都一定能找到個理由殺死灰仔的... 我不應該隨便改變什麼... 要順著過去... 『嗯...你岩。』果然，灰仔只是在等著我的和應 ...讓所有事情，就如當初所發生的一切般發展下去... 「啊...搵到啦，手機。」我舉起手機向灰仔揮了揮「咁我走啦。」『好，聽日見。』讓灰仔...有一個機會，與他的父親見面。達成他的願望。（續）

有心無默

14/6/2013 03:19

...... 所以，灰仔才會叫我進病房，自己在走廊埋伏，這樣就有機會去隔壁病房，與即將離開人生的

係咪未完出唔晒呀

咁其實灰仔算唔算已經達成左心願

... 今晚到呢到