由上個post尾段開始，個故已經進入左白熱化階段， 應該死既人已經死左，無死既人依然仲係到， 如無意外今個post將會係結局，預計25集應該就會係結局。 好多謝各位上個post既支持，多人回覆，百多個既正評， 令我真係寫得非常高興同落力，希望最後既呢個post，可以再更上一層樓啦

至於結局，我會暫定係15-17號是但一日出，詳情之後再講。 最後，有樣野細細聲講，或者...或者咋，將會有一個驚喜比到大家。

阿妹

跟住呢~~~~~~~~~~~~~~~~~~~~~~~~~~

LM - 23

唔洗check啦………

阿妹同小玥合體？！？！？！

love

跟住呢~~~~~~~~~~~~~~~~~~~~~~~~~~

電話就冇電！！！！！！文！！！！

之前好似有巴打估過小玥同阿妹係同一個人

唔追啦

過多半個鐘一次過睇

為什麼是阿妹，這長髮...還有聲音...怎麼可能... 『阿妹...？啊...嗯，阿哥。』 阿妹起初有點不解，但就像記起什麼一樣，瞬間回復到昔日的模樣。 「妳...點解...」 『你坐埋黎先喇，我有好多說話想同你講。』 我依照她的話，緩緩走到她的對面坐下來，雙眼無法從她的臉移開。 「阿妹...妳明明...已經比人推落樓...我仲見住地下有血...點解...」 她溫柔地一笑，整個表情像極了小玥，我四目張望，繼續詢問： 「...小玥呢...佢話叫我係到等...點解...會變左妳...」 『哥...你問題太多啦，不過，我都會慢慢回答，因為...仲有時間。』 她瞄了眼手腕上的錶，這款式...我記得是多年前送給小玥的... 『首先...正如你所見咁樣，我無死到。』 「但點可能...」 這刻的我，就像失去了任何思考能力一樣，即使答案是顯而易見。 『咁你而家又點解會係到呢？』阿妹用稍微調皮的語氣反問 這是因為... 「阿妹妳...都可以穿越時空...？」 『嗯，正確！而且...我比你地方便得多，我唔需要門... 唔需要紙條，而係自由自在咁穿越，唔單止咁...我仲可以...』 阿妹望向餐桌上的一枝膠叉，表情相當認真，下一瞬間，膠叉就消失了。 『所以...當阿肯將我推落樓個陣...我係半空就轉送左去其他地方... 為左令你地唔會懷疑，我仲特意回到更早之前，準備定紅色油漆， 倒係透明膠片上，然後自己訓係上面，做成我已經死左既假象...』 「所以...當我返到現場...你先會唔見左...仲無任何痕跡...？」 『嗯，清新劑你應該閒到啦？』 「阿妹...」我仍然沒法好好接受這衝擊的事實「妳係幾時開始有呢個能力...」 『三年前。』 我瞪大眼，原本，我下一條問題是「為什麼會有這個能力」，但看來...已經不需要了。

跟住呢~~~~~~~~~~~~~~~~~~~~~~~~~~

阿妹 回到以前用 小玥 個身份識 主角

跟住呢 ~~~~~~~~~~~~~~~~~~~~~~~~~~

『但中途實在發生左好多好多事...所以我實際上都唔係用過好多次啦...』 「既然妳可以穿越時空，點解唔一早講比我知？」 『就同阿哥你唔話比我知一樣，我唔想...令自己既事影響到阿哥你， 但點知...人算不如天算，阿哥偏偏都成為左穿越者，而且...仲加入左守衡者。』 「點解妳會知道...」 『碩仔。』阿妹說出一個名字『即係你所認識既灰仔， 我諗個次，你係我部手機既個張相入面，已經知道我同佢係認識， 係一班兄弟姐妹入面，我同佢係比較熟絡既一個，或者因為年紀較近... 佢有好多秘密都願意同我講，甚至包括...佢能夠穿越時空呢件事。』 阿妹喝了一口梳打水，然後繼續說下去： 『...講起上黎的確係好彩，當我未打算開始行動，就知道左呢件事， 如果唔係...我一定會比守衡者阻止而死...』 「守衡者...阻止妳...」 『我明白到...有呢一班人存在，我就永遠無可能達成我既目的，所以...』 說到這裡，阿妹的表情變了... 我是有生以來第一次，看到她這樣冷酷的表情。 『...首先一定要消滅成個守衡者。』 這種反差令我不寒而慄。 『我以正常人既身份，扮作同情灰仔，成功搏取佢既信任， 當我知道既資料開始變多之後...我開始我既行動。而首先... 就要係守衡者入面散播互相不信任既種子...而有個對象係非常適合，阿肯。』 「冬伯...有一個人話我知，阿肯一直有同人聯絡...就係妳...？」 『當然...我唔係用真實身份。原本我都以為自己會失敗， 因為冬伯竟然想早一步殺死阿肯，但結果...反而成為左阿肯相信我既啟機， 當佢為左我既棋子之後...佢既行動力真係超乎想像， 不過我都應該唔好太自豪，因為自己都差啲死係佢手上...』 「妳既意思...灰仔...李小姐...甚至連我...都係由妳指示...」 『唔係！』阿妹立即否認『之後既行動的確係佢自發咁進行... 我只係...啟動左佢既想殺人既欲望咁解。而且...我完全無諗住殺死阿哥你。』 接著，阿妹將一枝防狼用的電擊棒，還有一樽紅色噴漆放上餐桌， 因為一直擺在暗處，所以我完全沒有注意到。

阿妹有穿越能力都係因為小玥既死……

快啊

阿妹係黑衣人

繼續

『阿哥，你知道啦，作為一個夜晚要同夜青、邊青傾計既社工， 點都要有樣野護下身，呢個亦係阿爸肯比我做呢行既最大條件... 至於噴漆...為左同班兄弟姐妹熟絡，我真係學識左好多街頭藝術架...』 「STOP塗鴉...電擊棒...阿妹...妳、妳就係個位黑衣人...？」我不敢相信地問 『嗯，其實係好多位置，我都想比阿哥你知道守衡者唔值得相信， 同時係保護阿哥你。知唔知呀，要係唔比你發現係我既情況下做， 難度真係好高架。因為如果太早比你知道係我...一定會引發好多問題。』 「但係...」我嘗試努力回想「阿傑明明話查到既黑衣人係男人...」 然而，再聯想起最後的那次通話，我立即明白是什麼回事。 「阿傑佢...」 『要達成我個計劃，得阿肯呢個衝動既人係唔夠，我仲需要一個用腦既人。 阿傑佢...好聰明，為左佢既願望，佢願意幫我做任何事...』 阿妹一手托著腮，在旁人眼中肯定以為我們在說什麼輕鬆話題。 但完全不是這種回事。 『係阿傑佢...寄信比薛子健，教佢點運用自己既能力，引導佢比巴士炸死， 係阿傑佢...說服章天晨，令佢自願比你殺死。亦係佢，計劃點樣殺死阿肯... 我記得佢講過，其實用爆炸個一日...佢已經懷疑過個個全身著火既人就係阿肯。 定好之後，我就用各人既手機，寄短訊比你...』 「但佢...同阿肯一樣...都係比妳利用...？」 『嗯，但情況...有少少唔同既。』 「即係...我地呢個月...所做既任何事情...其實都係你地刻意安排...」 『...為左將成個守衡者瓦解。為左...我接下來做既野唔會比任何人阻止。』 阿妹閉起雙眼，深呼吸了一口，就像在享受這一刻。 『總算...黎到呢一步。』

其實兩姐妹都鍾意上同一個人