本人開呢個post係為左方便各巴打係急屎既時候
知道九龍灣附近有咩五星級廁所可以提供比自己享受,
如果反應ok我會繼續去親身評價全港各地五星級廁所.
聲明在先,以下圖片全部係男廁,而且係響已上鎖廁格内拍攝,
亦無拍攝廁格外景物,包括尿兜,洗手盤等,
亦無拍攝其他人,無影響到其他人等.
拍攝對象全為死物.
德福廣場:
相信好多巴打都知道德福廣場已經係五星廁所之一,
以下為圖文評測:
http://i.imgur.com/hZtz6Q0.jpg
潔白色乾淨屎塔,藍色沖廁水已經加分
自動感應沖水,相當衛生
屎塔旁配備,有廁紙以及清潔劑,清潔劑可以用黎抺廁板,
相當出色.
門鎖方式
門後附有二頭鈎,可以掛毒拎背囊以及jacket
屎塔後有富藝術氣氛掛畫,値得加分.
資料:
地址:九龍灣偉業街33號 (港鐵九龍灣站上蓋)
廁格空間:(大約)3平方米
廁格數目:8
尿兜,屎塔顏色:潔白
尿兜方式:掛牆特闊式
屎塔方式:坐廁
清潔工長駐:是
評價:
作為頂級廁所之一,相當封閉式廁格能夠給予用家私人空間,
加上有色彩既沖廁水相當開胃.
清潔工長駐可以令地板乾爽.
柯屎環境氣氛清靜可以提供各巴打一個思考空間.
缺點是,廁所冇任可音樂,如果不幸柯屎時無法壓水花,
可能會令隔離聽到屎團跳水時聲音,
所以建議可播放爵士樂,拉丁樂等音樂,
以提高氣氛.但避免播放rock,rap等音樂,
因為可能會引致用家有不安感.
評分:(五粒★為滿分)
清潔:★★★★
環境氣氛:★★★★
私穩:★★★★★
藝術:★★★★★