田中擁有大量遠距離攻擊既裝備，除左有小型炸彈，仲有好多大口徑既槍械，要埋身有啲困難，再加上佢迴避力好高，單憑互射我已經處於劣勢，仲不停被打中。受傷對我而言唔算咩一回事，我比較心痛Bella，我怕佢會有損害。田中見得勢步步進逼，膊頭、胸口、手、腳都展開炮台，猶如一座全攻型既移動城堡。 Bella不單止唔擔心，仲滿懷自信咁講：「不如你試下主力攻擊佢個腎。」我立即用白騎之弓描住佢個腎黎射，果然佢既靈敏度大幅下降，未幾終於射中佢弱點，田中即刻跪低，並傳黎撕心裂肺既慘叫： 「我個腎呀！！！！！！！！！」我質問Bella：「原來條友腎虧，你點知道架？」Bella怕怕醜醜咁答：「唔話俾你聽！係時候出必殺技啦。」我同Bella心意相通，無數條蔓藤激射而至，將田中吊起，大地裂開，兩塊斷層裡既岩石徐徐升起，往田中夾去。 此時田中拼命掙扎，用僅餘既氣力伸出雙腳撐住。「哈哈哈！咁樣叫必殺技？」田中狂妄咁嘲笑我。我搖搖頭，笑說無知的確係一種罪，無錯，正常既動漫必殺技只可用一次，但係現實又點同呢？我就接二連三咁用，千萬條蔓藤將田中包到粽一樣，已經無法辨認包住既係咪人，兩塊、三塊、四塊，數之不盡既岩石夾埋去，情況慘不忍睹。我擰轉頭，等慘叫聲完左先敢驗貨。 解除裝甲後，我首先同Bella做心理輔導，怕佢見到驚慄既場面會發惡夢。我地倆口子行到田中身旁，善良既Bella灑左少少溪錢，我定睛望一望：「喔，佢仲未死。」我俯身伸手入田中既褲浪用力一扯，取得第二粒勇士の蛋，佢好似打左個尿震。 無論如何，經過今次之後我同Bella既感情有左大躍進。太陽從地平線升起，不知不覺間到左朝早，喺咁浪漫既氣氛底下，我將埋藏喺心入面既話道出：「Bella，點解你知道田中腎虧？」Bella笑而不語，閉著雙眼等待我豐潤既嘴唇。呢次係我地第一次接吻。英雄聯盟