過去一年我喺成千上萬個Post到留名，每日F5成為左我既工作，無論整爛幾多個Keyboard我都堅持落去，希望巴打們會放Seed。離佛誕仲有唔夠一個鐘，由於我最後一個Keyboard都壞埋，我懷住急躁既心情衝落街買，我唔想喺最後一刻先前功盡廢。 然而，我越搵就越心急，越心急就越搵唔到，12點都差唔多到，仲邊有電腦舖開？就喺絕望既時候，我聞到某條冷巷傳黎Keyboard既氣息，我感覺到佢地呼喚緊我。經過一條濕滑又充滿老鼠既通道，我黎到一間墨綠色裝修既專賣店，奇怪既係呢間舖淨係賣Keyboard，而每個Keyboard都只有F5一個掣。 店長好明顯係一個年過30既魔法師，我覺得佢外表有啲似張如城。「棺材兄，我想搵一個耐用啲既Keyboard。」我用親切既語氣同店長打招呼，希望可以攞到多啲Discount。店長上下打量我，詭異咁笑：「嘿嘿，我地啲Keyboard雖然淨係得F5，但係每一個都有靈魂，唔係一般人駕馭到。」聽完我即刻掏出身上既$103.5自信咁叫：「同我包起晒佢，呢到我諗夠包起埋Auntie。」店長搖一搖頭：「一粒睪丸，一粒睪丸同我換一個Keyboard。」 估唔到佢玩到咁大，呢刻我既霸氣蕩然無存，我覺得自己已經處於下風。「店長，我頭先係囂張左少少，對唔住囉，開個價黎。」「唔關事，古有名劍配英雄，今有單睪配Keyboard，我地唔收錢。」見到店長堅定既眼神，我覺得佢唔似講笑，我望一望手錶，再望一望Keyboard，我知道呢間舖係我最後一個希望。 我深呼吸一下，然後緊緊地咬住T-Shirt，慢慢伸手入褲檔一手就將睪丸扯出，成抽放上檯面嗯都無嗯一聲。店長報以滿意既微笑，挑選左兩個Keyboard俾我，我眼尾瞄一瞄，Oh Shit！原來我太大力唔覺意扯晒兩粒出黎。為左保持形象，我冷冷咁講左聲多謝，就拎住兩個Keyboard一步一步咁走返屋企......

假如扯甩人地粒丸就贏男主咪冇得輸? 另外作者一直忽視巴打們指出兩個keyboard既bug係因為一開始冇預計過故事會咁落去所以扮冇野定其實係(加甜)伏線?

Going to reveal, pls keep reading bro

紅字為笑點

原來單丸E神係傳說中ge戰士之一

自從上次遇襲之後我生活得更積極，花好多心機落格鬥同射擊訓練到。日子一天一天咁過去，我同朝夕相對既Bella感情越黎越好。有日佢過黎問我：「呢個外表用滿30日就會永久定型，你鍾唔鍾意而家既我？」我點點頭。佢若有所思咁：「哦。」之後我地無再討論呢個話題，我無諗過將來會為佢定型而後悔。 今日係我公司既週年紀念，所有同事都獲老闆免費邀請到日本旅遊，仲可以攜眷出席添。順理成章我帶埋Bella去，奇妙既係我無介意咁樣做會識唔到其他女仔。喺收拾行李既時候，我猶疑地拎住盒避孕套。 我心諗機械人應該唔會大肚掛？突然Bella喺我身後搶左盒避孕套：「嘩！你好老土呀。」跟住就走左，剩返尷尬既我喺到胡思亂想。 我地一行人搭飛機黎到北海道，首晚逗留既係札幌，一到左溫泉酒店就有個日本仔接待我地。「大家好，你地叫我田中就可以，請多多指教。」眼前呢個田中一睇就知係混血兒，生得高大唔再講，佢既外表同談吐搭配埋一齊果種魅力真係令我非常妒忌，今次竟然連Bella都目不轉睛咁望實佢。田中凝視Bella數秒，大方地問Bella：「小姐請問你叫咩名？」Bella先感到愕然，繼而害羞地低下頭，伸出顫抖中既小手：「我...我叫Bella。」「嗯，我會記住。」田中問完後用勝利既姿態對我微笑。其他女同事趁機湧晒上去，對腳開到好似放左震蛋咁，一啲儀態都無。 我即刻捉住Bella返房整頓行李，沿途佢好似痴迷迷咁粒聲唔出，我故意東拉西扯講左好多話題，佢都以女神式口吻回應「哦」、「呵呵」、「我去沖涼先」。我似乎一下子做左兵，我討厭呢種感覺。我覺得我地既距離變到好遙遠。

留名睇田中係勇者之一

要做機械人既兵, 你都算失敗

叫佢變做其他野一秒 之後再變番原來個樣唔係就可以解決30日定型既問題啦咩

?

off到喊

留名

叫佢變做其他野一秒 之後再變番原來個樣唔係就可以解決30日定型既問題啦咩

?

仲有一個keyboard 一個做女朋友，一個SP(日日轉)

留名

請善用Bookmark「留名」功能，謝謝。

留名

留名

留名

叫佢變做其他野一秒 之後再變番原來個樣唔係就可以解決30日定型既問題啦咩

?

我有個EX經常都用唔同既香水，有次我唔覺意講左句 呢款好好聞wo，就果次直到分手後佢都無再換過第二隻， 靈感黎自呢到

留名等睇集齊睾丸叫條睾丸龍出來話要番兩粒睾丸

無左兩粒強點令人大肚

無左兩粒強點令人大肚

又係喎

巴打太好文彩 抵你收正皮同酒水