序: 有冇試過當自己唔見手提電話既時候, 會用屋企電話打返俾自己去搵返個電話? 如果有的話, 我建議你地千萬唔好再試, 因為可能有「人」會幫你接聽電話. 多謝各位對這個故事的支持, 讓小弟可以爆第二個post, 希望你們可以多多留言, 給我多一些這個故事和寫作的意見, 我每個回覆都會認真咁睇. 多謝你地. 新讀者可以到「紙言」一次過睇返呢個故之前既情節 http://www.shikoto.com/article/2489/%E6%88%91%E6%8E%A5%E9%80%9A%E4%BA%86%E4%BE%86%E8%87%AA%E9%99%B0%E9%96%93%E7%9A%84%E9%9B%BB%E8%A9%B1.html 喜歡這個故事的話, 請給我正評, 或到我的FB PAGE LIKE 一下, 多謝各位! http://www.facebook.com/yungchoi2012

今日出文

今日出文

fans表示支持

原來有故

呢排太忙冇留意添 琴日由頭追到live啦

原來有故

呢排太忙冇留意添 琴日由頭追到live啦

多謝支持!

又話今日出文?

快d出文, 嘻嘻

評已正

請善用Bookmark「留名」功能，謝謝。

每日一推

樓主可以講低幾點出文嘛?? 我唔想個 F5會無辜犧牲

pish

見到真係火都來, D 家長可以仲唔聽話過細路仔, 叫拎左唔好嘈就偏要嘈 果然感情用事真係冇樣好

笑左出聲

你又岩 仲要喝住個義務幫你手既人 都唔諗下佢唔救你會有機會落得咩下場

留名

嘻嘻...嘻嘻...

連追左庸巴幾個故，勁多阿怡同淑敏

你唔講我都唔覺

仲有家寶

小粉絲輕輕一推

btw決定今晚食完飯上紙言追番巴打地下鐵之前既故

已經睇哂

原來2手書店都係巴打寫既, 我一直想搵番係邊個寫

第三十八節 「嘻嘻！嘻嘻！」蔣大師的口中發出了數下笑聲。 我抬起頭看著沈大師，「嘻嘻」不正是電話裡的鬼時常發出的聲音嗎？這刻，我感覺到無比的恐懼，我張開雙眼看著蔣大師，想看清和感受一下生存的最後一刻。 花開花落，生老病死只不過是一件永恆不變的常事，即使我已經有了死亡的覺悟，可是死亡對於任何人來說也是一件恐怖的事情。 「嘻嘻！嘻嘻！我好開心呀！」蔣大師說。 我和李泳兒互相對望了一眼，「好開心」是因為我們倆個表示可以落陰間陪佢嗎？它因為可以與我們共享天倫而感到高興？ 「阿仔，你開心就得啦！你想我地幾時落黎陪你？」我說。 「唔駛咁急，你地等陽壽完左先落黎啦，你地始終都會有死既一日，係咪？」 「我….唔係好明你既意思，你意思即係等我地自然死亡先過黎搵你？」李泳兒說。 「係呀，到時我地再響下面團聚啦！」 「但係你唔係黎搵我報仇，要攞我命架咩？做咩而家又話等我地自然死亡？阿爸已經預備好，我隨時都可以黎搵你架啦！」我說。 「唔係呀，爸爸，我之前都有報夢俾你，你唔記得啦？」

「夢？係咪之前兩日你報夢俾我話我知我將會遇到一場交通意外嗰個夢？」我很驚訝，如果那個夢真的是由我兒子報夢告訴我的話，即是完完全全的推翻了我這兩天的推論。 如果找我報仇的不是我的兒子，那麼是誰和我有如此的深仇大恨要攞我命？又或者我真的是那麼不幸的接通了來自陰間的電話，從而開啟了通往地獄之門，而那些惡靈要找我當替死鬼？ 「係呀，爸爸，上次係我報夢俾你架，我知道你因為我報既夢而避過左一劫，我好開心呀，嘻嘻！」 聽到這番說話後，更讓我感到無愧自容。 「你唔憎我咩？因為我先至令你投唔到胎。」 「唔會，我而家響下面生活都好好，婆婆仲同我講好多野係命中注定，我地唔應該有恨，要積極咁去生活落去。」 「婆婆？係邊個婆婆咁好？佢一直響到照顧緊你？」 「婆婆話佢係你外婆，即係都係我既外婆，係佢照顧我架，我而家十歲架啦，嘻嘻！」 我的內心一下下的悸動，原來一直幫我照顧我兒子的是我那已經去世的外婆，之前我還認為人死後只會灰飛煙滅，所以我也不曾於清明或重陽的時候去拜山，想不到，原來我一直也是這麼幸福，在其他人的愛下生活著。 「好啦，我諗今次既對話我地要結束啦！」沈震龍說。 「吓？可唔可以傾多陣？我仲有好多野想同個仔講。」李泳兒哀求著。 「唔得，如果蔣大師俾鬼上身太耐，咁佢既元氣會大傷，而且我地下次可以再請你個仔上黎，係咪？」沈震龍堅決地說。

聽了沈震龍的解釋後，我也只好勸阻李泳兒。 「唔緊要啦，爸爸媽媽，我地遲啲可以再見，仲有，臨走之前可唔可以幫我改個名呀？」 「陳天樂！我希望你可以天天都咁快樂，個名你鍾唔鍾意？」我說；李泳兒聽了我改的名字後，亦連番示好。 「好野！我叫陳天樂！好野！呀～我仲有最後一個要求，可唔可以響臨走之前攬一攬我？我從來都未曾被爸爸媽媽擁抱過！」蔣大師的雙手慢慢舉起。 「可以，當然可以！」我和李泳兒走上去緊緊的擁著蔣大師，即使我們擁著的是蔣大師的肉體，可是我感覺到那一刻我們三個人的魂魄和感覺是緊緊的連在一起。 「呀！！！」突然之間，蔣大師像回覆了正常一樣大叫了一聲，他把我們推開，並不停的在念著一些我們聽不懂的說話。 整個問米過程出了什麼問題嗎！？ 沈震龍突然之間走到蔣大師的身邊，並從褲袋裡拿出了一個古代酒壺的物體，他把酒壺的蓋拿起，此時，在念著‘咒話’的蔣大師作了幾下手勢，用手指指著酒壺的瓶口，沈震龍於是立刻用塞把瓶口塞著。 他們倆個究竟在做什麼？

佢地捉左樂樂

仲有無?

樓主次次都係高潮位收筆

pish