前排比人叫去，番過幾次。
係唔知點解有一段時間成班拎住塊野係到9叫之外 ，其他野我都覺得ok
但聽聞呢間野有唔少內幕
有冇巴打可以分享下呢？？
是咁的~佢係一間好唔好既教會？ 見仁見智
我係前幾年前返過少年團的其中一人
當時我大概做到頗高的地位啦
１。佢好階級制
牧師之下（大、細） ＞ 導師（大、細） ＞ cell助導（大、細） ＞ leader ＞ 家員 ＞ 報數人 ＞ 朋友仔
－意即你唔可以話／串 高職位既人，否則當你唔尊重神啦
－我之前返果個”家” 好重階級主義，Ｄ導師講野講到好神聖咁
－高你一級果個黑口黑面 你就知道要講Ｄ野擦返佢隻鞋
RE: 少年團有好多個家/分派組織....
２。報數／追數
每個禮拜都要報數兩次，姐係話比人地聽我今次搵左幾多個人返黎教會呀
但當你達到唔到個目標，你預比人小啦
會直接罵你點解你咁差架？搵埋小學同學啦，中學同學呢？
快Ｄ係學校識人啦” 什至叫你係街邊識陌生人（相信唔少黃大仙打波友都遇過）
自此除左果２個你係冇時間溫習之外，你既朋友都會覺得你好Ｘ煩
３。冇感扮有感
每次靈修，祈完禱，崇拜 或者個數唔夠大時候 都會問你覺得點樣
係！一開始你會覺得冇感受咪話冇囉～ 但係佢地會問你： 真係冇？點會咁差架你
而你又會見到其他人唔知點解可以講好多野～～慢慢你就會ＵＰ左Ｄ你自己都唔相信既野
或者返緊既人會覺得 冇都唔會迫你講～咁就錯了！你做到愈大粒 真係乜９說話都要講
４。時間失衡
而我返果家為例
六、日全日團契，崇拜＋小組活動，２天報數，１天放學祈禱會，仲有１天係朝早返學前祈禱會
可以話係全天候折磨你／或者你話全時間比你崇拜上帝啦love
根本冇時間溫書，不過佢地會話你可以係唔洗返祈禱會或者團契之後溫架
如果你相信你就食硬屎了～因為佢會問你做咩唔搵新人啊？
RE: 即使個日唔係報數日,但你仍然要每天交數
曾經有無數個考會考的小弟弟／小妹妹，佢地話要溫書，教會有比時間例如每日３小時
你個３小時唔溫的話，唔該你報數啦先生小姐
５。轟炸式煩擾
假如你係一個岩岩返左１個月既新人，你有一日可能因為學校補課覺得返唔到，
Ｄ人就會不斷打比你，叫你放完學立即跑過黎啦
（心諗：下！我著緊校服喎
）
假如你話諗陣先，好！ 我晚晚打比你！
假如你話好呀我返呀！！