原post: http://forum4.hkgolden.com/view.aspx?type=SY&message=4244567&highlight_id=0&page=1 多謝咁多位支持! 唔好意思收爐前好多野做 放假會up多D比大家睇架啦~~ 故仔仲有一定長度 唔會爛尾 掛！

好無聊

冇高潮位

普通ff故

能力有限我會盡量架啦

高潮亦需要前戲調養 對不對

我剩係想知幾時先見得番PATRICK

留名

留名。親

好無聊

冇高潮位

普通ff故

能力有限我會盡量架啦

高潮亦需要前戲調養 對不對

我剩係想知幾時先見得番PATRICK

妖刀VS深水步驚雲UFO盒

留名

有時間應個

不如出文LA 親親親親

刀郎好可愛

說好的黃豆呢

留明親

三哥想一日爆一個post?

笑到我PK!!!!!

lm

留名

等等，我Google緊 真係句句精彩

好奇問下， 三哥係咪睇咗《銀魂》漫畫突然有靈感

btw，對白方面真係好鬼馬

暫且解決呢件事之後我專心地繼續搵出把刀嘅來源， 淘寶上搵唔到「膠刀肺豉脾」，Google Search到嘅亦都只有一堆高登野， 原本我有諗過遁海關方向問，不過如果佢地要扣留把刀我就HiHi啦， 刀郎完全唔care邊個將佢送黎呢度，佢暫時仲好期待緊聽晚嘅決鬥， 一時之間，我嘅調查陷入左死胡同。 好快到左第二晚，我換上準備好嘅服裝， 一照鏡，唔錯，感覺上有Ｄ似蝙蝠俠第一次出動， 「你做咩著到成個傻豬咁？」刀郎問， 「食屎啦你識咩！」 我將套衫放埋入結他盒，諗住去到個邊附近先換， 然後我到左個邊，發覺氣氛相當唔對路， 我發覺，唔知點解上海街附近多左好多人， 個個攞住花生爆谷，好似等緊入場睇戲咁， 最離鐠嘅係，真係有工作人員係度維持秩序， 甚至有人係度賣飛！！ 「小...小姐...借問聲咩事...？」我問其中一個工作人員， 「大力揮拳門決戰後巷最後武士呀嘛！」工作人員答， 「下.....................？HiHi搵我笨？！」我喃喃自語， 我撕左牆上張海報，原來大刀揮拳門旗下有好多名星徒弟， 班名星徒弟吸引咁多觀眾，諗住借我名氣黎上位兼賺錢， 「刀郎，」我話， 「？」 「我地要狠狠地落一落佢面！」 刀郎呆左呆，佢應該第一次見我咁認真， 「好！冇問題！武士尊嚴豈可俾人玩弄！」刀郎答。

出錯

出錯

我仲好認真睇哂，親

狹窄嘅後巷之內，五個人一身武衣， 除左企係最後嘅光頭佬同鬍鬚佬，仲有另外一女二男， 女嘅係電視女演員，後生高大嘅男仔係近年冒起嘅武打男星， 剩餘一個有Ｄ年紀嘅就係大力揮拳門嘅掌門， 佢地五個望住係後巷出現嘅我，一臉震驚， 可能係我套服裝太出乎佢地意料，又或者係我認真嘅氣勢太強， 「我係大刀揮拳嘅掌門，朋友都叫我秋叔。」為首嘅阿叔抱拳話， 「我係......飛天御劍流第三十八代掌門人曲街小太郎。」塊面罩搞到我把聲好重鼻音， 「閣下點解唔用真面目，仲要著到咁...？」個男演員出聲， 「呃...........門規黎架，決鬥就要咁著。」我隨口答， 「唔好咁講，大家切磋下啫。」秋叔講完之後示意光頭佬企出黎， 「在下劉精，請指教！」 光頭佬講完之後就衝上黎，手上面仲多左把大刀， 把大刀揮到呼呼聲，睇個勢係堅野黎喎， 我側身一企，右手握實刀柄， 嗖！ 刀光一閃即逝，我慢慢收刀入鞘， 光頭佬未知所以，但半秒後佢把大刀一分為二， 反光嘅額頭上仲多左一條淺淺嘅血痕， 「飛天御劍流，龍翔閃！」

「好！好刀法！」確定到我係堅野之後秋叔就即刻叫停， 光頭佬嚇到一身冷汗，仲要鬍鬚佬幫佢抹血， 呀男演員唔出聲，攞起佢身後嘅一把大關刀， 「熱完身就開始比武，等我黎領教！」男演員一揮關刀，唐樓天台上面傳黎好多閃光燈， 「好呀。」我握實刀柄，刀郎都準備好嘞， 男演員向我衝黎，仲用關刀開路， 佢把武器始終長過我，如果我一避開就會失去先機， 「九頭龍閃！」我大喝一聲， 聽上去好似好勁，但其實我只不過係好快咁係側面係咁拮對手， 關刀柄上俾刀郎刮到出現好多花痕， 男演員一驚，轉手改為橫劈，諗住用重量壓羸我把刀， 刀郎話哂打交打左幾百年，呢Ｄ招又點會難到佢， 我人向前衝，同時斬向佢攞關刀嘅手， 「叱！」男演員雙手快速舞動，用刀柄險險撞開刀郎， 「獅子挽歌！月牙天衝！勁頭龍閃！亢龍有悔！」我一口氣狂攻，同時大聲叫出招名， 一聽到亢龍有悔男演員震左一震，然後錚一聲，關刀抵受唔住俾我劈開左， 我冇停手，刀光係男演員身上閃兩閃， 「你做咩呀！」女演員大驚喝止我， 然後，男演員無受傷， 只係佢身上嘅衫褲慢慢好似紙片咁散開，露出一條心型嘅孖煙通， 咔嚓咔嚓咔嚓， 記者不斷影相，男演員嚇到拔足狂奔落荒而逃。