「哼........！無禮！」我故作鎮定， 「？」光頭佬同鬍鬚佬唔知我做乜， 「來者竟然唔自報身份，而家Ｄ人真係無黎家教。」我決定豁出去， 「呃....................好...」光頭佬打左個突，「我......我地係...大力揮拳門嘅代表....」 「睇你地個樣應該係搵緊我派嘅掌門啦？」我依然保持背對佢地，費事佢地望得耐記得我咩樣， 「冇錯，我地想約戰你派...........掌門...？」鬍鬚佬講完都覺得勁勁地， 「好呀，就約定聽晚亥時上海街等！」我答， 「.....閣下點稱呼？」 「我係飛天御劍流第三十八代大代弟子！再見！」我講完就即走， 「喂............ Hi亥時即係幾點呀！」光頭佬截唔住我轉頭問鬍鬚佬， 「等等，我Google緊......」鬍鬚佬答。 我見兩條友冇再追黎，放鬆長舒一口氣， 「聽晚約戰左佢地？」刀郎語氣相當興奮， 「無錯。」我答， 事實上，呢個亦係我諗到嘅一個好計劃， 因為古惑仔已經驚左我開始大大減低活動， 如果要繼續餵飽把刀，我就要搵過第二個market， 而且，比起打一Ｄ毫無技術嘅金毛仔，同練武之人對打可能會令刀郎更滿足， 之不過我實在唔想用真樣見人， 所以我要係聽晚之前搵到野去喬裝自己。笑到痴線