話咁快到左夜晚，為左掩人耳目， 我換哂黑色運動衫，戴哂帽、口罩等等， 然後一照鏡，HiHi個樣仲似去打劫， 結果我索性著返平時Ｄ衫加個口罩，睇上去最多似個病左嘅毒拎， 我將把刀放入個岩岩問人借返黎嘅結他盒入面，若無其事咁走出街。 根據網上Search到嘅資料，一般劈友事件都係發生係橫街窄巷， 比較有名嘅自然係油尖旺嘅砵蘭街、上海街等等， 不過，要知道幾時邊度有幫會劈友，呢個基本上係冇可能嘅， 所以我唯一可以做嘅，就係係呢幾條出名嘅街度走黎走去碰下運氣。 講真，作為一個毒拎，要走去MK嘅地頭已經令我驚到賴屎， 家下仲要叫我去撩古惑仔劈友？！ 諗到呢度，我對腳唔爭氣地開始抖震。 「我‧要‧血！」一人一刀唔知行左幾耐，刀郎開始唔耐煩， 「呢Ｄ唔係話有就有架嘛！一係買碗豬紅俾你頂住檔先啦！」我話， 正當刀郎諗住Hi勁我之際，不遠處傳黎喝罵聲， 我渾身一震，拎起刀郎行過去， 只見兩班MK仔係後巷開片，十幾人對住十幾人， 雖然人數唔多，但係親歷其境下自有一份震撼感， 我正猶豫行唔行入去之際，腦內已經傳黎刀郎興奮嘅呼聲， 然後手腳俾強大嘅力量支配，快速攞出結他盒入面嘅刀， 鏘！ 我右手拔出刀郎，刀身閃閃發亮， 「哈哈哈哈哈哈哈哈！！！！！」刀郎大笑， 跨出一大步，我同古惑仔只剩返幾步距離， 「哎呀！！！」我狠狠一刀斬落背對我、企係最後嘅金毛仔， 其他古惑仔見唔對路，有幾個擰轉身劈我， 「有埋伏！斬佢老母！」古惑仔通知同伴， 「唔...唔關我事架......」我講還講，手腳依然好靈活咁左一刀右一刀， 古惑仔嘅西瓜刀點可能係刀郎手腳， 求其一劈，幾把刀已經好似薯片咁碎開， 「Hi！條友好拎誇呀！」古惑仔大驚， 「刀郎，記得你應承我Ｄ咩呀！！」我提醒刀郎， 事源去開片之前，我迫刀郎應承我唔可以斬死任何一條友， 因為殺左人我就會俾人拉，我俾人拉佢都會俾人充公同Ｄ菜刀擺埋一齊， 估唔到把刀嘅自尊極大，一聽到菜刀就即刻應承我嘅要求。笑死我啦~親!