隻手郁唔到不得止，我突然感到個頭一陣暈眩，仲有耳鳴， 「你竟然想扔我係度？！」我腦入面響起把陌生嘅聲， 仲要係一把憤怒嘅阿叔聲， 「邊...邊拎個呀！！！」極度驚慌下我係垃圾站入面大叫， 「你‧話‧呢！」聲音剛落，我右手不自控奮力掹出把刀， 然後一氣呵成地打橫劈出， 嘭！ 一陣誇張嘅響聲，大型嘅垃圾收集箱竟然俾我一刀兩斷咁劈開左！ 「你夠膽放我係度我就控制你身體出大街殺人！」 卜你個街把刀同我講野呀！！！ 「唔好呀！！我唔想學月牙天衝呀！！」我驚到想喊。 我乖乖地返左屋企，坐係客廳只有半邊嘅梳化上面， 原來只有當我同把刀好近嘅時候，把刀先可以同我傾到計， 呢一把，唔係普通嘅武士刀，佢係流傳左幾百年嘅妖刀。 「妖刀呀妖刀，夜啦我聽日要返工呀，你可唔可以放過我...」我望一望個鐘苦笑話， 「唔準叫我妖刀！」 「大佬呀，先唔提你點解廣東話咁流利，唔叫你妖刀唔通叫你刀郎咩！」 「哼，咁都好Ｄ，妖妖聲唔好聽！」佢竟然接受刀郎呢個名！「嗚........放過我啦我想訓覺呀........」 「太遲啦，你已經係我新嘅宿主，我會跟住你去任何地方。」 「唔拎係化？！我點好樣帶你出街呀！犯法架！」 「嘿，放心，我會幫你斬開世間阻擋你嘅愚人。」 我硬生生將嘴邊嘅粗口吞下，慎防呀刀郎興起玩揮刀自宮， 一諗到我要帶把刀出街甚至返工，我就想引用火鳳燎原呂布嘅明言， HiHi，我好拎頭痛呀。