[認命故]男人唔可以窮 Part.7

薛可正

6/1/2013 16:59

Part.1 http://forum7.hkgolden.com/view.aspx?message=4105908&highlight_id=367378 Part.2 http://forum7.hkgolden.com/view.aspx?message=4116449&highlight_id=367378 Part.3 http://forum7.hkgolden.com/view.aspx?message=4128643&highlight_id=367378 Part.4 http://forum7.hkgolden.com/view.aspx?message=4141467&highlight_id=367378 Part.5 http://forum7.hkgolden.com/view.aspx?message=4150900&highlight_id=367378 Part.6 http://forum7.hkgolden.com/view.aspx?type=SY&message=4162321&highlight_id=0&page=1

薛可正

7/1/2013 04:28

寫緊了

噢噢噢噢噢

7/1/2013 04:37

加油呀正哥

羅小飛

7/1/2013 04:53

正哥個fb page點入

D#1Rose

7/1/2013 04:55

新post留名

薛可正

7/1/2013 04:57

一個鐘頭後，阿爸突然成個人變得好平靜，每個人向佢講嘢，佢都唔會即時答我地，有時又好似聽唔到我地講嘢咁。我：「阿爸，你冇事嘛？」阿爸冇答我，只係指一指個鼻上面方便佢呼吸果條管。我：「做乜呀？壞左呀？」阿爸：「吸唔到…」我：「我叫姑娘幫你睇下。」阿爸：「哦。」姑娘黎到，好快咁檢查完阿爸果條吸氣管。姑娘：「冇事噃，伯伯係試下大力小小吸。」講到呢度同大家分享一件小事，由細到大，我只係聽過人叫阿爸做叔叔，因為阿爸只係五十幾歲，外表亦都唔係太老，所以每個小朋友都係叫佢叔叔。呢個轉變，由阿爸第一次入醫院做手術開始，我仲好記得，阿爸入手術室前果一刻，有個姑娘只係好輕鬆咁行過阿爸身邊，然後講左句：「伯伯呀，唔好整甩件衫呀，再整好麻煩架。」我聽到呢句，唔知點解成個人突然間腎上腺急升，好快咁向果位姑娘講左句：「咩伯伯呀？我阿爸五十幾歲架咋。」講完，我都覺得自己有小小古怪，其實阿爸幾多歲，又或者，個姑娘稱呼佢做乜嘢，又有乜嘢咁重要？喺果一刻，我知道，原來我真係好怕成長，好怕見到雙親慢慢老去既樣。好怕，佢地離開我既一剎那。講返阿爸果條吸氣既膠管，姑娘整完之後，阿爸都好似未係好滿意，呢個時候，我發覺阿爸既動靜愈黎愈似一個小朋友。佢好似撒嬌咁向我同阿媽講：「未得喎，可正你睇下，仲未得喎。」我：「得架喇阿爸，乖啦唔好搞佢。」阿爸開始變到有小小神智不清，佢開始扯走身上面既喉，當中包括一條吊鹽水既針喉。果條插住阿爸手背既針喉一扯走，阿爸隻手就即時流血，阿媽好緊張咁叫姑娘黎，但姑娘黎到只係再插返落阿爸手既同一位置就走左。如是者來來回回，阿爸不斷掙扎，不斷想拎走身上面既喉，佢比我既感覺係煩躁，仲有不安。其他親人都因為太夜而走左，呢個時候，只係得返我同阿媽喺阿爸隔離。我不斷咁制止阿爸，而阿媽亦都喺旁邊安慰佢，但阿爸好似同我地係兩個世界咁，完全唔肯聽我地講既說話，只係不斷咁想離開張床。最後我逼於無奈，用力咁捉住阿爸隻手。「啪！」阿爸突然一巴打落我度，我當時成個人呆左，完全唔知應該係做乜嘢反應。「你係邊個呀？做乜嘢捉住我？」

薛可正

7/1/2013 04:57

正哥個fb page點入

讚好咪ok

夾死你

7/1/2013 05:00

「你係邊個呀？做乜嘢捉住我？」

好怕有日老母會咁同我講

羅小飛

7/1/2013 05:00

正哥個fb page點入
讚好咪ok

Set咗private

薛可正

7/1/2013 05:01

正哥個fb page點入
讚好咪ok
Set咗private

邊有

好多人入左

薛可正

7/1/2013 05:02

正哥個fb page點入
讚好咪ok
Set咗private

http://www.facebook.com/pages/%E8%96%9B%E5%8F%AF%E6%AD%A3/523747357658672?__req=2 試多次

D#1Rose

7/1/2013 05:04

正哥今晚仲有冇文架??

薛可正

7/1/2013 05:06

正哥今晚仲有冇文架??

6點前整多野但如果眼訓就起身睇啦

羅小飛

7/1/2013 05:07

正哥個fb page點入
讚好咪ok
Set咗private
http://www.facebook.com/pages/%E8%96%9B%E5%8F%AF%E6%AD%A3/523747357658672?__req=2 試多次

我聽日讚好

正哥打多少少好訓喇利申:由part4開始追由第一篇追到而家live 有留名同留感想

會係你將來本書既讀者之一

咬膠仔

7/1/2013 05:10

加油！正哥！

夾死你

7/1/2013 05:21

D#1Rose

7/1/2013 05:21

正哥今晚仲有冇文架??
6點前整多野但如果眼訓就起身睇啦

訓先了,加油

禱己祈

7/1/2013 05:27

點解會唔認得架

淚腺乾硬化

7/1/2013 05:29

我用七個鐘追哂part1-7 我睇到好有共鳴特別係依句

"如果有一日你發覺，你人生既路上面，可能會突然缺少左某一樣你覺得好重要既嘢，無論如何，流過眼淚之後，你都要繼續行，比以前行得更快，行得更大步，總有一日，你會同佢再見面，一定會。 " 狼狗正

田狗炮

7/1/2013 05:40

高登個search搵唔到新POST 要係google 搵

KamioMisuzu

7/1/2013 05:48

Mad_Rom

7/1/2013 05:52

有樣野叫迴光反照同我grand-ma走果陣差唔多本身神志不清唔認得人走之前一日突破精神哂同人有講有笑勁精靈第2日突然就走左...

薛可正

7/1/2013 05:59

「唉呀爸爸你做乜呀？可正你出去先。」阿媽一邊拉開我，一邊制止阿爸。「同我叫可正黎，仲有可勇呢？以娜呢？天佑仔呢？」望見阿爸不斷既語無倫次，我個心真係非常非常之痛，點解一個正常既人，會比病魔折磨到咁樣？我走出病房，見到一個當值既護士，我忍唔住問佢點解阿爸會呢個情況？「其實你爸爸呢個情況已經係好唔樂觀，你應該要有心理準備。」我深呼吸，主觀叫我唔可以相信呢位護士講既嘢，但客觀底下，我知道而家發生緊既係乜嘢事。我：「姑娘，我想妳好坦白話我知，妳既意思係咪即係話，我爸爸好快就會死？」「以我所見過既…」我：「？」「嗯。」姑娘點點頭，之後拍一拍我，就離開左。果晚，阿爸就係咁，不斷掙扎、不斷大叫既情況下，渡過左佢喺醫院既第一晚。一直去到天光，阿爸先因為太疲累而訓著，我同阿媽先可以鬆一口氣。我坐喺度，望住阿媽幫阿爸洗面，我先記得，由禽晚阿爸神智不清開始，阿媽就已經冇再喊過。我行埋去阿媽身邊，輕輕咁攬住佢，呢一樣已經係我唯一可以比到阿媽既安慰。我：「媽，妳食左藥未呀？」阿媽：「我唔使，食左藥我會好眼訓，就照顧唔到你阿爸。」「媽，如果妳想喊出黎就喊，我知道妳辛苦。」「我地咪話過要比阿爸見我地最開心既一面架咩？阿媽冇事，你唔使怕。」阿媽全神灌注咁望住阿爸，呢個時候，可勇打電話比我。可勇：「哥，阿爸點？」我：「愈黎愈差，可勇，Yoyo呢？」可勇：「佢訓左冇幾耐，咩事呀哥？」「妳叫Yoyo再打比以娜，同以娜講，阿爸就快唔得，問佢可唔可以返黎見下阿爸。」

薛可正

7/1/2013 06:00

有樣野叫迴光反照同我grand-ma走果陣差唔多本身神志不清唔認得人走之前一日突破精神哂同人有講有笑勁精靈第2日突然就走左...

我有個梳堂舅父23年前有胃病入左醫院好多日最後話冇事可以出院出院果時自己摺緊衫準備走突然吐血跟住就死左

薛可正

7/1/2013 06:02

http://www.facebook.com/pages/%E8%96%9B%E5%8F%AF%E6%AD%A3/523747357658672?sk=page_insights#!/pages/%E8%96%9B%E5%8F%AF%E6%AD%A3/523747357658672 宣傳多次先訓大家去讚下啦

痴心遇冷風

7/1/2013 06:04

留名