男人，每到一個時間都會跳到另一個階段，跳既過程毫無先兆，難以預測，會突然間放棄上一個階段部份既習性同價值觀，我稱呢一種改變為開竅。
我係開竅得比較慢既男人，早早喺我十七歲果時，同齡朋友已經有人識返大陸拎貨再去荃灣大坡坊對面既舖仔賣，日日大賺過千蚊之餘，仲襯沙士期間賣埋樓。
而同時間，我仲只不過處於打一份牛工就打算過一世既狀態。
進入宏訊呢段經歷我會視之為開竅既過程，我放棄左以前墨守成規既性格，我開始意識到，如果我夠膽將對手向外伸出去，係有可能搵到比我打一份固定工作更多既錢。
....
樓上有位巴打形容得好好, 人經歷到一個比較艱難既時間段, 就不得不向現實低頭
傳統教育局限左大部份人既思維, 甚麼安份守已, 腳踏實地, 只係慢慢將我地導向安於現狀既毒藥
鬼唔知阿媽係女人, 鬼唔知唔洗諗野做機械人甚至做植物人, 安安樂樂打份好工, 生活就唔洗咁多煩惱.
但當你發現金鎖匙唔到你含, 好工唔屬於你, 打份濕勁工夠食又唔夠供樓, 供得樓黎又儲唔到錢結婚, 好不容易挨到叫做似d樣, 自己同老婆既父母又係時候退休, 到時上有高堂下有妻房, 兩份人工夠幾多人食?以上情況仲未計其中有人唔生性
做人既野, 無咩要求既就基本兩餐一宿, 但自己無要求極都會希望自己生活質素係0係平均線以上
[錢唔係萬能, 無錢先係萬萬不能] 呢句永遠都係至理名言.