Part.1 http://forum7.hkgolden.com/view.aspx?message=4105908&highlight_id=367378 Part.2 http://forum7.hkgolden.com/view.aspx?message=4116449&highlight_id=367378 Part.3 http://forum7.hkgolden.com/view.aspx?message=4128643&highlight_id=367378

lm

薛可正! 你的大胸女朋友呢?

薛可正! 你的大胸女朋友呢?

薛可正!你個大胸女朋友呢？

薛可正!你個大胸女朋友呢？

薛可正!你個大胸女朋友呢？

薛可正!你個大胸女朋友呢？

係隔離POST見到

追上去,係咪會出現: 你去攬住你個大波女友啦,啪 呢幕既劇情?

再留名，

見到以娜轉身走，我其實唔係好識反應， 我：「Yoyo，佢企左好耐喇？」 Yoyo：「唔係，佢一見到我同你就愕左一愕，之後就轉身走，我認得佢係你以前女朋友。」 呢個時候可勇啱啱出返黎，我叫佢返入房先就即時走左出去追以娜。 我跑得好快，因為我以為以娜會走得好急，但我一跑出個門口，先見到以娜其實係用平常既速度離開。 我跑上去，攔住左佢。 我：「你可以鬧我，但呢樣真係要解釋清楚。」 以娜：「唔使喎，我覺得眼寃先唔想行其他地方。」 我：「果個叫Yoyo，係可勇女朋友黎架。」 以娜：「你話比我知，上次你拖住走果個係你細佬女朋友？」 我：「係，但…總之就係誤會。」 以娜：「其實唔重要。」 我：「我覺得重要，我唔想又多一條唔屬於我既罪名。」 以娜望住我，對眼好似有小小遊離既感覺，我知佢有野要準備講，但我唔知佢想講乜野。 以娜：「如果呢個真係可勇既女朋友，你上次拖佢走就係為左喺條大街上面當住咁多人面向我示威，又或者係有心唔比我好過。」 我冇答以娜，因為呢個真係事實，當然我唔會再花唇舌去話佢知Yoyo當時係未同可勇一齊之類既廢話，因為再講幾多佢都係覺得我詭辯。 以娜：「好幼稚，我就係好討厭你呢種幼稚，算喇，我要走喇，我搵日先黎睇過來叔叔，不過薛可正，你聽住，以後唔使再同我解釋任何野，我黎睇來叔叔唔係為左你，係因為來叔叔好錫我，拜拜。」 我繼續冇出聲，亦都冇同以娜講拜拜，望住以娜背影我咀嚼緊佢講既說話，幼稚？男女之間鬧交就係咁架啦，搵衣櫃打下，搵難聽既說話激下大家，又或者係自殘下，再過份既就係郁手郁腳，有乜咁幼稚？ 唔係咁，對方點會留意自己？ 張以娜，妳幾時變到咁成熟？

其實唔係佢成熟左,可能佢跳左出黎,變左旁觀者既角度去睇你

不過我覺得,可正仲有幾會追返佢

每次睇感情線都好心up

幾點有文？

留名！！！好好睇！比多杯酒你！

wo jeng ar

加油呀正哥

好快，又過左半年，阿爸手術之後已經康復得七七八八，醫生話觀察多一年如果再照都發現唔到其他唔妥，就即係話阿爸既病已經受到控制，我地一家人好開心，可勇一早就搬左返屋企住，同Yoyo拍拖都拍得好好，Yoyo仲耐唔耐上黎煮飯比兩老食，阿爸阿媽對佢都好滿意。 至於我，自從德叔帶左我去佢度做野之後，我既事業係一路直線向上，德叔要我做既，原來就係處理番佢手頭上既細倉。 點解會有細倉既出現？因為德叔係一個財經界既知名人士，耐唔耐都會開下類似分享會既野，開得呢類既會就會有一班佢既粉絲，仲要多數都係師奶。 喺呢班師奶心目中，德叔就好似佢地既神一樣，只要德叔係咁意講邊隻股票好，佢地就會借都借返黎訓身買落去。近年德叔因為入左宏訊做類似代言人之類既野，所以有時都會開唔少係講解金市既分享會，就係呢類既分享會，會有好多師奶自己走埋黎要開倉，資金大約係五萬至十幾萬不等。 但德叔點會放呢類既細倉喺眼內，對佢黎講呢呢類既倉同垃圾冇分別，所以就會分比我同詠航估，當然，我做既單所得到既佣都要分比德叔，不過都係一個好合理既水平。 就係咁，我每個月都有差唔多基本十萬蚊既收入，有時德叔會有唔少既股票貼士比我，跟佢買十次都有九次嬴，所以呢半年，我自己連扣埋阿爸上次做手術爭阿栽既錢，我已經儲埋左差唔多五十萬。 但另一方面可勇既情況比較差，同Yoyo拍拖之後佢地兩個都懶左好多，好多時夜晚為左去玩都唔會認真留喺公司做單，三個月前開始可勇仲爆哂手上既倉，完全無收入，呢三個月佢都只係用緊自己既積蓄，我有比過錢佢，但佢話自己已經大個，唔需要我再照顧佢。

公司開始有傳言，話我呢個阿哥就身光頸靚，同德叔去富臨門，個細佬就要同女朋友落大家樂食飯盒，我唔知呢個傳言係邊個放出黎，但我有需要知道可勇自己係點諗。 不過我未問，答案已經開始有眉目，有一晚，可勇收工同Yoyo去左同朋友食飯，我自己一個人留左喺德叔個房度做單，到十二點幾，有人敲門入黎，係可勇。 「哥。」可勇有飲到好醉咁一路行埋黎一路講 「做乜飲咁多酒？」 可勇揮揮手，示意自己飲得唔係好多，當然我係唔會信，可勇搖下擺下咁行到去張枱度，然後好大力咁雙手拍落枱面。 「砰！」 「哥，我冇哂錢喇，真係一蚊都冇哂，我好比心機做野架，你可唔可以叫德叔都帶埋我一齊做呀？今日我同Yoyo去食佢舊同學果餐飯，個個唔係帶住隻『地通拿』就係渣架Benz黎，我呢？同Yoyo逼地鐵去咋，我覺得Yoyo好冇面呀，哥呀，你叫德叔帶埋我做丫，我唔想窮呀，男人唔可以窮架哥。」

嘩哈哈花世界沐浴露贊助之男人唔可以窮下午劇場已播映完畢，今晚兩點再黎

會唔會兄弟反目

LM

留名

我唔想窮呀，男人唔可以窮架

正...正...正哥,我....我好頂引呀正哥....出多d呀...正哥

有無得快d?