第二日，因為之前果晚夜訓，我十點鐘先去到醫院睇阿爸，去到醫院果時，枱上面已經有一壺熱湯。 阿媽：「正你黎喇，你細佬啱啱去左接女朋友，好快就番黎。」 女朋友？咪即係Yoyo？我估唔到可勇會咁快就將Yoyo介紹比阿爸同阿媽識。 「阿媽你咁早就煲左湯？」我問 阿媽：「以娜今朝一早拎黎架，佢話你阿爸未飲到就叫我飲喎，呢個傻妹真係好心地，到底你而家同佢搞成點？」 我：「我都唔知。」 阿爸個傷口都仲係好痛，只可以訓喺床上面休息。 我：「阿爸你點呀？醫生話個手術好成功，你慢慢康復就冇問題架喇。」 阿爸遞起一隻手指公比我，我笑一笑，用毛巾幫佢抹左額頭上面既汗，呢個時候，可勇帶左Yoyo入黎。 可勇好開心咁將Yoyo介紹比阿爸同阿媽認識，而阿媽亦都好開心咁同Yoyo傾計，Yoyo好識做，以佢既口材要令到兩老開心係絕對唔難既事。 行出門口陪可勇食煙，兩兄弟就喺果個小花園度徘徊。 「可勇，你同Yoyo真係認真？好少見你帶女仔比佢地見。」我問 可勇：「認真，咁大個人仲玩玩下咩，之前對佢都有小小好感，點知果晚一飲就飲到斷哂片，人地比你搞埋唔通仲玩玩下拖人咩。」 我：「咁都好，阿爸阿媽見你生性，阿爸個病都好得快好多。」 可勇：「我都係咁諗，係呀，禽晚單野，德叔之後仲有冇野同你講？」 我：「冇呀，佢係叫我以後去佢度，幫佢跟佢既客，做得好既再教我做其他野喎，係喎，你兩個倉禽晚炒成點呀？ 可勇：「好運呀禽晚，比個市連打幾巴，輸到我都驚，咪唔做住。」 我：「慢慢黎啦，喂食埋好番入去，費事阿爸等。」 返阿爸房之前，可勇想去廁所，我陪佢行到廁所門口又見到Yoyo啱啱出黎。 「喂你地門口等我，我好急呀。」可勇講 「快小小呀。」 我同Yoyo企喺廁所門口有講有笑，Yoyo突然用手指一指我背面，我擰過去，望到以娜企到好遠咁望住我同Yoyo，之後一句聲都冇講，轉身就走左去。岩岩遇著剛剛 百詞莫辯
唉，出黎做左野幾年 雖然叫做專業人仕 咪又係打工仔一個 老老實實 D朋友仔開始結婚 自己都想俾女朋友一個名份 但又冇樓，錢又儲得唔多，點結呀... 一路追到呢度，先發覺原來人地D錢炒2炒可以高過自己份糧 真係心郁郁想試下 但我知道盲目入市就等輸 BTW有冇D入門攻略有，當自己去左澳門買大細，除非你連911都預先知道
真係唔太識欣賞叫雞文btw 你啲文 勁過張飛人好多 張飛人啲文我睇到 講港女 已經冇睇我見正哥話好睇,今日先開始追佢果d,都幾好丫
廿二歲有目標又有個好女友大把世界啦再留名 其實我係一個窮小子 學表演的公屋仔，窮到盡加油巴打!!!你仲年輕，慢慢未遲!廿二歲仔拍拖經驗只得一次，就係依家嗰個 拍咗一個月 真係個目標係一世 可能好多巴打會覺得我off 但我對愛情真係好小心嘅人 真係想搵一個行得耐嘅人 近排佢陪我經歷咗一件事 就係我第一次面對親友身亡 但就係因為咁，我先慢慢學識咩係愛 巴打們可能會覺得好off但事實就係咁 我會諗，想同人過人世真係唔能夠咁天真 做表演已經好難搵到食，所以一定要有啲其他收入 做男人真係唔可以窮 任得你幾愛都好 佢幾肯陪你捱都好 你鬆動啲，佢開心時你開心 佢唔係港女級女生 但女人就係想自己靚啲 多啲衫襯吓 有一日，我決定搞啲小買賣 講左一句：賺到錢就俾你去淘寶買衫啦！ 佢好開心！依啲笑容唔係用錢買番嚟架！ 但冇錢，就唔會有依啲笑容！ 睇依篇故其實學到好多野 做男人！ 冇錢但係有心，冇用 有錢但係冇心，冇用 唯獨對女人有心，而又有個錢，可能唔需要好多，鬆動嘅，有咩大事情都唔洗為錢而煩到要生要死 咁就已經好好！ 薛可正！多謝你！