Part.1 http://forum7.hkgolden.com/view.aspx?message=4105908&highlight_id=367378 Part.2 http://forum7.hkgolden.com/view.aspx?message=4116449&highlight_id=367378 Part.3 http://forum7.hkgolden.com/view.aspx?message=4128643&highlight_id=367378

一追再追

聽到我要轉Team既要求，我知道業仔好尷尬咁望住我，但我冇理到，我一路望住既係大老闆甘生，我知道德叔係佢隔離，必要時，德叔一定會幫我口。 甘生放低手上面既十三張，個口擔住支雪茄，望住我講：「轉Team？有架咩？」 成間房既人都冇出聲，一路等甘生再出聲， 「阿德呀，你點睇呀？」甘生問德叔， 德叔望望我，跟住就擰過去答甘生：「緊係唔得啦，我地呢度開咁耐都冇人話轉Team，就算我比你辭職唔做再入過黎，咁你叫業仔塊面擺去邊？咁樣走左去，人地話業仔點做野，班細既點解會走既？你叫佢點答？ 仲有如果個個見到你咁轉，其他人又要轉，咁我比唔比佢轉好？」 德叔既答案基本上係我完全預計唔到，我一面狐疑咁望住佢，真係完全睇唔透到底德叔點解會咁答。 甘生：「丫，又係喎，亂哂秩序點算呀？阿德你講得啱，唔轉得，出去啦你地。」 正當我完全唔知點算果時，德叔再講多一句： 「不過如果真係同個阿頭唔啱既話，做我地呢行又真係好難做既，業仔我見你一向都教班細既教得好好，可能係呢條細路仔唔啱你，一係咁啦，我果邊唔夠人，你要轉既，就當轉黎我度，起碼唔使喺果四條Team度，等業仔落台都好小小，好冇呀？」 德叔對住我笑左一笑，我當然識做，點都要交一交戲： 「係呀業仔，對唔住，可能我真係夾唔到章文，唔好意思。」 業仔：「咁都好既，我冇問題，唔該哂周生甘生。」

傾完，我同業仔章文佢地出左房先，喺行番去果段路，氣氛，真係詭異到不得了，業仔冇同我講野，因為佢態度話比我知，佢覺得我出賣左佢，就算唔係出賣，我都係喺阿頭面前落左佢面。 至於章文，我同佢出左房之後既幾次眼神接觸都話比我知，佢知道自己以後都冇得同我鬥。 行到去業仔房門口，我主動行去業仔度同佢講左幾句官腔，大致都係對唔住同埋多謝佢教導之類既野。 講完之後我拎番自己既野，行過章文身邊，我用好近既距離望住佢，用極度友善既態度同佢講： 「喂章文唔好意思，聽日開始你可以將你所有精力教其他細既，你知你一向都幾咁睇班細架啦。」 章文：「唔該哂喎。」 「不過點解頭先毛仔撐你比我打果時，你愈行愈遠既？」我望望毛仔又望望章文，之後就轉身走左。 權力會令人自大，而最重要，更加會令人腐敗。

留名

阿正 你再一次搞到我半夜爬起身追文喇

留名

再留名 其實我係一個窮小子 學表演的公屋仔，窮到盡

廿二歲仔拍拖經驗只得一次，就係依家嗰個 拍咗一個月 真係個目標係一世 可能好多巴打會覺得我off 但我對愛情真係好小心嘅人 真係想搵一個行得耐嘅人 近排佢陪我經歷咗一件事 就係我第一次面對親友身亡 但就係因為咁，我先慢慢學識咩係愛 巴打們可能會覺得好off但事實就係咁 我會諗，想同人過人世真係唔能夠咁天真 做表演已經好難搵到食，所以一定要有啲其他收入 做男人真係唔可以窮 任得你幾愛都好 佢幾肯陪你捱都好 你鬆動啲，佢開心時你開心 佢唔係港女級女生 但女人就係想自己靚啲 多啲衫襯吓 有一日，我決定搞啲小買賣 講左一句：賺到錢就俾你去淘寶買衫啦！ 佢好開心！依啲笑容唔係用錢買番嚟架！ 但冇錢，就唔會有依啲笑容！ 睇依篇故其實學到好多野 做男人！ 冇錢但係有心，冇用 有錢但係冇心，冇用 唯獨對女人有心，而又有個錢，可能唔需要好多，鬆動嘅，有咩大事情都唔洗為錢而煩到要生要死 咁就已經好好！ 薛可正！多謝你！

wa jeng ar

i can sleep good night

其實追故都追左幾日 但今次係第一次留名 呢個故真係幾好睇

巴打 下次用電腦先

留名

再留名 其實我係一個窮小子 學表演的公屋仔，窮到盡

廿二歲仔拍拖經驗只得一次，就係依家嗰個 拍咗一個月 真係個目標係一世 可能好多巴打會覺得我off 但我對愛情真係好小心嘅人 真係想搵一個行得耐嘅人 近排佢陪我經歷咗一件事 就係我第一次面對親友身亡 但就係因為咁，我先慢慢學識咩係愛 巴打們可能會覺得好off但事實就係咁 我會諗，想同人過人世真係唔能夠咁天真 做表演已經好難搵到食，所以一定要有啲其他收入 做男人真係唔可以窮 任得你幾愛都好 佢幾肯陪你捱都好 你鬆動啲，佢開心時你開心 佢唔係港女級女生 但女人就係想自己靚啲 多啲衫襯吓 有一日，我決定搞啲小買賣 講左一句：賺到錢就俾你去淘寶買衫啦！ 佢好開心！依啲笑容唔係用錢買番嚟架！ 但冇錢，就唔會有依啲笑容！ 睇依篇故其實學到好多野 做男人！ 冇錢但係有心，冇用 有錢但係冇心，冇用 唯獨對女人有心，而又有個錢，可能唔需要好多，鬆動嘅，有咩大事情都唔洗為錢而煩到要生要死 咁就已經好好！ 薛可正！多謝你！

加油巴打!!!你仲年輕，慢慢未遲!

留名

第二日，因為之前果晚夜訓，我十點鐘先去到醫院睇阿爸，去到醫院果時，枱上面已經有一壺熱湯。 阿媽：「正你黎喇，你細佬啱啱去左接女朋友，好快就番黎。」 女朋友？咪即係Yoyo？我估唔到可勇會咁快就將Yoyo介紹比阿爸同阿媽識。 「阿媽你咁早就煲左湯？」我問 阿媽：「以娜今朝一早拎黎架，佢話你阿爸未飲到就叫我飲喎，呢個傻妹真係好心地，到底你而家同佢搞成點？」 我：「我都唔知。」 阿爸個傷口都仲係好痛，只可以訓喺床上面休息。 我：「阿爸你點呀？醫生話個手術好成功，你慢慢康復就冇問題架喇。」 阿爸遞起一隻手指公比我，我笑一笑，用毛巾幫佢抹左額頭上面既汗，呢個時候，可勇帶左Yoyo入黎。 可勇好開心咁將Yoyo介紹比阿爸同阿媽認識，而阿媽亦都好開心咁同Yoyo傾計，Yoyo好識做，以佢既口材要令到兩老開心係絕對唔難既事。 行出門口陪可勇食煙，兩兄弟就喺果個小花園度徘徊。 「可勇，你同Yoyo真係認真？好少見你帶女仔比佢地見。」我問 可勇：「認真，咁大個人仲玩玩下咩，之前對佢都有小小好感，點知果晚一飲就飲到斷哂片，人地比你搞埋唔通仲玩玩下拖人咩。」 我：「咁都好，阿爸阿媽見你生性，阿爸個病都好得快好多。」 可勇：「我都係咁諗，係呀，禽晚單野，德叔之後仲有冇野同你講？」 我：「冇呀，佢係叫我以後去佢度，幫佢跟佢既客，做得好既再教我做其他野喎，係喎，你兩個倉禽晚炒成點呀？ 可勇：「好運呀禽晚，比個市連打幾巴，輸到我都驚，咪唔做住。」 我：「慢慢黎啦，喂食埋好番入去，費事阿爸等。」 返阿爸房之前，可勇想去廁所，我陪佢行到廁所門口又見到Yoyo啱啱出黎。 「喂你地門口等我，我好急呀。」可勇講 「快小小呀。」 我同Yoyo企喺廁所門口有講有笑，Yoyo突然用手指一指我背面，我擰過去，望到以娜企到好遠咁望住我同Yoyo，之後一句聲都冇講，轉身就走左去。

留名

留返個靚名先

薛可正，你個大胸女朋友呢

lm

LM

lm

留名

留名