原案: 鵝鑾鼻燈塔 作者:紫波 本波既FB專頁: http://www.facebook.com/ziborborr 燈塔既FB專頁: http://www.facebook.com/Ellan.Ou 前文: (1): http://forum3.hkgolden.com/view.aspx?message=3949671 (2): http://forum3.hkgolden.com/view.aspx?type=SY&message=3989097 (3): http://forum3.hkgolden.com/view.aspx?type=SY&message=4020307 (4): http://forum3.hkgolden.com/view.aspx?type=SY&message=4053802 (5): http://forum3.hkgolden.com/view.aspx?type=SY&message=4108946

小殺bb桌面圖,歡迎取用

Hi真係等到咩癮都冇

留名

星期六出文

?

今日有文,求推

「講完頭先既發現之後，我跟住要講既係我既逃生提案。」社工突然再次發言。　　「首先，大家認為我地點解會被捲入呢個空間？」 　　「之前我地唔係討論左啦咩？因為我地睇閉路電視，見到閃光丫嘛。」基友Ａ說。 　　「冇錯。一切既唔正常都係果個閃光畫面之後。咁理所當然，個閃光就係我地捲入黎既關鍵。」 　　「黃小姐，之前既討論唔見妳踴躍參與，點解突然之間妳會提返呢個話題？」律師有點不耐煩地發問。 　　「唔好意思。我轉數比較慢……我跟住要講既野，都係係我自己屋企睇電視果陣突然諗到既。但係點都好，大家聽左我講埋先，求下你地！」 　　「講啦。」律師不為所動，交疊雙手說。

「……咁我就係度諗，閃光點解可以令我地進入呢個世界呢。我認為，只係得兩個可能性：第一，就係閃光將我地短暫昏迷，然後將我地運到呢個地方，但係呢個理由解釋唔到其他莫名其妙既事。」 　　不錯。就算有組織真的如此神通廣大，能如此生擒和拘禁一棟大廈的住客，但他們總不能違反物理規則和常理。 　　Ｋ樓的空間變異，以及毫無徵兆地引爆住客的腦袋，根本已經可以用脫離現實來形容，以人類區區的力量絕不可能作出如此的安排。 　　除了神以外。 　　然而，如果是神的話，祂又跟這些人有什麼深仇大恨，非得如此玩弄他們。 　　「我跟住落黎要講既第二個可能性，亦都係最合理既可能。我認為，閉路電視所發出既閃光係非一般既催眠裝置。」

「催眠？之前咪提過呢個可能性囉……」師奶插嘴。 　　社工無視了師奶，繼續說道：「……其實，與其話係催眠，倒不如話係抽離－－閃光既真面目，就係將我地既靈魂同埋思想傳送到呢個虛擬空間入面既契機。」 　　社工一口氣把她的論據吐出，全場氣氛變得靜穆。他們由嗤之以鼻變為凝神靜聽。 　　「又正因為呢個空間係虛擬，所以先有可能發生呢Ｄ超現實既事，亦都解釋到點解佈下呢個局既人會咁神通廣大，迫我地遵守佢所設定既規則。如果咁樣比喻大家可能會更加清楚：呢個係一個真人網遊，我地身處既地方係某人創造既虛構地圖，紫色西瓜波就係呢個世界既ＧＭ，至於個閃光，就係連接現實同呢個世界既連接點……而我地呢Ｄ見到閃光既人，就被迫加入呢個ＬＡＮ　ＧＡＭＥ之中。」 　　師奶不知道什麼是網遊，只是有點木然地說：「我地依家，係一場夢入面？」 　　「可以咁講。」 　　對於社工的狂想，所有人不禁瞠目結舌。雖然他們覺得社工的想法是無比荒謬，然而絲毫沒有取笑她的念頭。他們無法辯駁她的論點。

是的。儘管聽起來仍是非常無稽，但控制人的思想總比操控蟲洞與製造超空間來得簡易和合理，假設他們處於同一夢境之中，這一切的荒謬就可以解釋。 　　「係啦……記唔記得，何夕琛之前咪話過自己頭痛，聽唔到（消音）個名？既然佢既記憶同腦部感知出左少少問題，咁黃小姐講既可信性就加添左幾分。」ＯＬ指著何夕琛說。 　　所有人不約而同地看著何夕琛，何夕琛，頓感渾身不自在。 　　相比起律師之前所提的蟲洞與三重世界假說，住客們比較傾向接受社工的說法。畢竟，已經去過Ｋ樓的他們，並沒有發現任何有關蟲洞或異空間等的端倪。 　　始終，那只是律師隨便編的理由，單純為了製造恐慌和收買人心而已。

「唔係呀嘛？我地依家入左第二個世界？數碼暴龍呀依家？」基友Ｂ一臉難以置信，並輕輕捏了一下自己臉頰。臉部傳來輕微的疼痛。「我覺得我塊臉好痛喎。點可能係發緊夢呀。」 　　「原來係咁……」久不作聲的阿源，突然若有所思般說了一個奇怪的單詞：「Brain in a Vat.」 　　「吓？」基友Ｂ皺眉。 　　阿源沒有正視基友Ｂ，以自說自話的形式把那個學術名詞娓娓道來：「『缸中之腦』……曾經，有一個叫做希拉里．普特南既哲學家提過一個思想實驗：就係假設將我地既大腦放入一個放滿營養液既缸入面，再用超級電腦連接住腦既神經，向大腦傳遞各種既訊息，從而令我地感受到人應該會有既感覺……」 　　說到這裡阿源頓了一頓。他的目光緩慢地向所有人掃視，然後慘然一笑：「咁既話，我地點樣證明我地到底係處於現實之中？定係虛幻既世界？我地依家既感知又係唔係真實？」

沒有人能答上阿源的話。在場的只是普通的住客，只是想活著回去而已，為什麼非得要想這些有的沒的。要是他們真的有方法證明到這個想法的真偽，他們早就有一番成就了。 　　就算對真相有了一點眉目，但這對逃生似乎沒甚幫助。 　　如果社工所說的是真的話，在這個虛擬的世界，他們保留了思考能力，不致失去邏輯；在這個虛擬的世界，他們保留了身體觸覺，受傷時會感到疼痛。 　　可以確定的是，這裡的人仍有活著的感覺，所以，他們會害怕死亡。 　　而為了逃避死亡的命運，他們必須互相殺戮－－　 　　這，仍是一場無法醒來的噩夢。

正當所有人感到迷惘之時，社工之後的話，好像給了其他人一點希望。 　　「我頭先所講既都係建基於一個假設之上……就係呢個咁既事態係人為部署，instead of超自然現象。正因為呢個係人所設定既遊戲，咁就一定有缺憾，正如程式員寫一個程式既過程，無論佢點努力debug，都一定有bug既存在。我認為，只要搵到個bug、同埋不斷製造、重覆呢個bug，就可能令呢個世界崩壞，咁我地……亦都可能可以逃生！」 　　「逃生」兩個字聽起來感覺不再刺耳。 　　「咁我地點先可以製造呢個bug呢？」某人喜形於色問。 　　「我認為，個bug既關鍵在於電視既雪花。大家諗下……以一般既認知黎睇，如果你屋企部電視機突然出現雪花，咁你會有咩諗法？」 　　「咪部電視機壞左囉。」師奶說。 　　社工點了點頭，說：「係！既然話得係故障，咁就有一定既理據相信呢個就唔係創作者既原意，即係話，係一個bug黎。」 　　「咪住。妳既意思係……」 　　打斷了社工說話的人是阿源。頭腦冷靜的他，發現了社工話中不協調的地方。 　　她不是想要繼續重覆那個bug嗎。那樣的話，不就意味著要有更多人死去，去促成她的推想嗎。 　　社工苦笑起來。她已經做好心理準備，承受說出接下來那番話會帶來的後果。 　　「我建議，我地全部人一齊同時間自殺。」

比粒膠社工

真係離晒譜

同時間自殺 社工win The end

新post留名