Part.1 http://forum7.hkgolden.com/view.aspx?message=4105908&highlight_id=367378 Part.2 http://forum7.hkgolden.com/view.aspx?message=4116449&highlight_id=367378

收到電話，我即刻起身叫可勇走： 「阿爸入左廠，我地即刻飛的番去。」 可勇：「點解會咁，乜野事？」 我：「媽話佢個肚突然好痛，唔好講住，截左的士先。」 栽：「的乜鬼野士丫，我車你地啦。」 Yoyo：「我又去。」 我同可勇叫阿栽拓海上身咁有咁快踩咁快，半個鐘唔夠就由中環番到屯門，去到急症室，見阿媽好奉口擔心咁坐左喺度，但就見唔到阿爸。 可勇：「媽，阿爸呢？」 阿媽：「勇仔正仔，唉呀，頭先嚇死我呀，你阿爸訓訓下冇啦啦大叫肚好痛，個樣痛到口唇都白哂，我咪即刻叫白車送佢入黎囉，而家推左入去檢查緊呀。」 我：「媽唔使擔心，冇野既。」 阿媽：「咦阿栽你地又會一齊既，勇仔你今日去飲完呀，著哂西裝咁既。」 可勇：「係呀係呀，今日我同佢地一齊去飲之嘛。」 阿媽：「咁仲有呢位小姐係…」 Yoyo：「我叫Yoyo呀伯母，你叫我靜悠丫。」 「靜悠，個名咁熟既。」阿媽咦咦哦哦咁喺度講野，我驚比佢識穿就拉左佢埋一二邊。 等左半個鐘，終於可以入去見阿爸。 入到去急症室其中一格床果度見到阿爸訓著左，成個頭都濕哂，好明顯係流過好多汗，塊面好蒼白，個鼻插住既應該係止痛之類既野黎， 阿媽一見到就好緊張咁走埋去拖住阿爸隻手，對上一次我見到呢個情境，係阿爸做警察出事果次。 可勇去左搵醫生，阿栽同Yoyo就去左出面等，阿媽就一路拖住老豆就一路喊。阿媽成日話自己成世人乜都冇，就係最開心嫁左比阿爸，佢話後生果時好多女仔成日主動約阿爸，但阿爸都唔會話搞三搞四，所以阿媽成日都以呢個老公為榮。 我搭住阿媽膊頭，一路聽佢既喊聲，再一路望住阿爸，先發覺原來阿爸真係老左好多好多。我喺佢額頭上，好似搵到好多為我地兩兄弟憂心而留低既痕跡。 突然間，可勇走埋黎床邊，雙眼紅哂咁拖住阿爸另一隻手，一路望住阿爸，佢一路流眼淚，個身就不停喺度震： 「阿爸，對唔住，我係可勇，爸對唔住呀。」 可勇講對唔住？我講過由細到大可勇都好倔強，成日都話人唔可以認輸唔可以認錯，一認左就乜都冇，但點解佢會突然咁樣？佢見過醫生，一定係醫生講左乜野比佢知。 我：「可勇你做乜野？醫生講乜，醫生講乜呀勇！？」 可勇：「嗚…醫生話..醫生話….阿爸原來一早知…..自己有腸癌，係第四期….末期喇….嗚….」

正哥

對於個客賺錢個度都唔係好明

到底升左7蚊金,點解會賺左7千幾? 1蚊金=1000美金??

賺市場一蚊金 = 780港幣 十手貨即係市場賺一蚊 = 7800港幣 佢執左7蚊金 咪即係7800 x 7 =54600 「得！」我拿拿聲拎電話打去盤房平左十手佢，仲拎到個靚價係626.5，即係每手執七蚊金，每手貨賺左五千四佰六十蚊，十手貨就即係賺左五萬四千六佰蚊 明未

寫老豆呢一part有小小沉重,雖然有改編左小小,但都會有70%係我自己親身經歷 想叫大家珍惜眼前人 一定要孝順 今晚得咁多 聽日再出 唔好意思因為今日有小小忙

正哥

對於個客賺錢個度都唔係好明

到底升左7蚊金,點解會賺左7千幾? 1蚊金=1000美金??

等我代正哥答你, 有槓桿丫麻

但係咪1蚊金=1000美金

正哥

對於個客賺錢個度都唔係好明

到底升左7蚊金,點解會賺左7千幾? 1蚊金=1000美金??

等我代正哥答你, 有槓桿丫麻

但係咪1蚊金=1000美金

1蚊= 100美金 = 780 hkd 咁十手咪 x10囉

留名

正哥

對於個客賺錢個度都唔係好明

到底升左7蚊金,點解會賺左7千幾? 1蚊金=1000美金??

賺市場一蚊金 = 780港幣 十手貨即係市場賺一蚊 = 7800港幣 佢執左7蚊金 咪即係7800 x 7 =54600 「得！」我拿拿聲拎電話打去盤房平左十手佢，仲拎到個靚價係626.5，即係每手執七蚊金，每手貨賺左五千四佰六十蚊，十手貨就即係賺左五萬四千六佰蚊 明未

明喇

留名

留名

寫老豆呢一part有小小沉重,雖然有改編左小小,但都會有70%係我自己親身經歷 想叫大家珍惜眼前人 一定要孝順 今晚得咁多 聽日再出 唔好意思因為今日有小小忙

正哥，慢慢黎我會等你的！睇到呢一part我個心都沉一沉牙！

呢part真係好sad

好好睇呀 有冇食金旺，愛群，都城，同鬍鬚仔雲吞面

利華達

每日一推

留名

振作啊正哥

睇d炒炒賣賣，唸地呢首

快D出文啦