[認命故]男人唔可以窮 Part.2

薛可正

6/12/2012 04:01

Part.1 http://forum5.hkgolden.com/view.aspx?message=4105908&highlight_id=213416 ____________________________________________________________________________ 真相大白，糾纏左我幾個星期既事終於有一個真相比我知道左，問題係，面前既野我應該點揀？明叔雖然年資長過我，但人工比我低，我本身又有其他獎金會計埋比率加埋落份公積金度，我個心度諗，廿萬應該都會有掛，就當住係廿萬先。如果我幫Marcus，其實都唔可以叫幫，本身我自己老早就比Jeffrey擺左我門，而家只不過係Marucs同我講真相，我唔去揚出黎以確保佢借到錢。但廿萬，我眼前既係我應得既二十萬，只要我唔應承Marcus，出去同Jeffrey大Hi一場，跟住搵埋間運輸既資料，拎上勞工處又好，拎上平基會都好，影印多份拎埋去差館喇好未，我相信我好大機會會拎得番唔止二十萬。但望住眼前既Marcus，我好似見番差唔多九年前既佢，果時我仲係一個乜都唔識既小朋友，係佢帶我去買一套似樣既西裝，亦都係佢我先有機會第一次坐Benz。我十八歲之前覺得天下間最好味既野食係發發既免牛飯同置樂既粉仔，係Marcus帶我去要會員先入得既上海總會，教我如果要食上海野，一定要叫津白食。二十歲生日果日，Marcus帶左我去置地，送左我人生第一對要二千蚊既皮鞋，最後呢對鞋我著左幾年，爛左又搵人補爛左又搵人補，最後個底搞到好似鐵甲威龍咁又釘又扣我先冇著，但都珍而重之咁將佢放好。帶我同以娜入馬場既貴賓廳，有房比你食飯，有個平台仔比你睇馬，出面仲有幾條友係專為你地落飛，果日心情真係太好，我亂咁買輸左成千蚊，最後Marcus知道左仲比番我。阿爸話人地非親非故對你咁好，你應該要珍惜。我好珍惜呢個老闆，有時仲當左佢係我第二個阿爸。往事一幕一幕咁經過我眼前，我望住Marcus，覺得佢而家已經好慘，要佢喺我呢個比佢帶大既小朋友面前流眼淚，情何以堪？我仲後生，我仲有時間，我覺得自己有能力去搵番我本來所擁有既野。猶豫左三分鐘，我拎起枱面支筆，簽左我人生之中最重要既一個名。二十萬，暫時再見喇。

講故佬.

6/12/2012 05:23

正仔你篇文真係好地道我好鍾意

繼續留名追故同埋我好鍾意你個名好有正氣

+0姐

6/12/2012 05:25

好鬼凍，巴打你都早d抖聽晚再出啦
仲有多篇喎

太好了，在被竇中等文

美國

6/12/2012 05:28

好鬼凍，巴打你都早d抖聽晚再出啦
仲有多篇喎
太好了，在被竇中等文

大粒豆

6/12/2012 05:29

新POST留名

田狗炮

6/12/2012 05:32

薛可正

6/12/2012 05:36

簽完個名，我拍一拍Marcus，跟左佢咁多年，可以幫到佢既就係得咁多，張票我冇拎到，雖然我而家已經剩番唔多錢，但再多二萬蚊其實幫唔到我乜野，反正型開，就型埋落個尾度。 Marcus成眼紅哂，我叫佢唔使送我出門口，有時間我地飲茶再傾，佢好感激咁攬左我一下，突然間我覺得自己冇左個好老闆，但多左個好朋友。行出間房，可以想像就係Jeffrey已經拎定香檳慶祝我終於辭職，佢認定我會簽果份野，而事實上我亦都真係簽左，大局已定，我冇再出聲，一路唔理Jeffrey講野，直到出埋我份糧我就離開左。行到去電梯前面，喺塊鏡度我見到Jeffrey陰陰咀對住我笑之外，仲見到Ceci條八婆好似當唔識我既咀面，電梯門打開，我終於忍唔住擰轉頭行埋去Ceci度指住Jeffrey講：「妳條八婆早兩個禮拜唔係同我講佢好拎串好拎冇用咩？個人中文又唔得英文又唔好都唔知點解會比咁多錢請佢番黎咩？而家佢係老闆喇，你自己去問佢啦，八婆！」講完，入電梯，望住Ceci個口好似吹氣公仔咁合唔埋，我真係覺得好拎過癮。有仇不報，非君子也。行落樓下，覺得成個人都鬆左一下，之前成日比公司既野搞到負能量太多，而家解決左，反而感覺好左好多，打比可勇，點知一打就飛去留言，再打又係留言，冇辦法，打比王力維，因為我仲有一樣野想問佢。我：「喂，忙緊乜？」王力維：「仲有乜丫，比阿頭卒完數囉。」我：「喂我份工冇做喇，今晚出黎，有小小野想搵你傾。」王力維：「咁快冇做喇，今晚呀，得啦得啦，我同我條女講聲叫佢自己番屋企食住蕉先。」我：「喂，順口問一問，做你而家果行，中五學歷夠唔夠照？」王力維：「中五？你講笑咩，你幾多年冇睇出面既招聘廣告呀？中五去見看更都未必請啦Hi你。」我：「唔係呀下，喂中五加多年出色既工作經驗喎。」王力維：「唉今晚先傾啦，而家電話我都唔知點同你講。」「Do！Do！Do！」電話突然有第二條線打黎我：「喂咁今晚講，有電話入。」我轉左條線，原來係阿勇，佢喺一個背景好嘈既地方打比我：「哥，可勇呀，我頭先簽左第一個客喇，收埋個客張廿萬既票喇！」

薛可正

6/12/2012 05:39

正仔你篇文真係好地道我好鍾意
繼續留名追故同埋我好鍾意你個名好有正氣

可正係我本來改比我個仔既名,可惜最後不被我老母取錄

薛可正

6/12/2012 05:42

今晚邊睇歐聯邊寫成部腦搬出梳化搞到腰骨都痛埋

波睇完係時候訓聽日下晝再見

他的故事

6/12/2012 05:44

睇完，早抖

J就有一條

6/12/2012 05:45

會唔會走火入魔變HiHi倫敦金佬再呃晒情敵成副身家再叫佢奶鞋底？

喪黃

6/12/2012 05:47

留名

+0姐

6/12/2012 06:14

我終於忍唔住擰轉頭行埋去Ceci度指住Jeffrey講：「妳條八婆早兩個禮拜唔係同我講佢好拎串好拎冇用咩？個人中文又唔得英文又唔好都唔知點解會比咁多錢請佢番黎咩？而家佢係老闆喇，你自己去問佢啦，八婆！」講完，入電梯，望住Ceci個口好似吹氣公仔咁合唔埋，我真係覺得好拎過癮。

好型

至憎呢d死八婆

羽田扮若希

6/12/2012 06:16

留名，好彩我唔窮

脂粉客

6/12/2012 06:26

Jeffrey通常係又肥又矮

btw我都覺得薛可正呢個名

想就去做

6/12/2012 06:42

Support

講故佬.

6/12/2012 06:48

正仔你篇文真係好地道我好鍾意
繼續留名追故同埋我好鍾意你個名好有正氣

可正係我本來改比我個仔既名,可惜最後不被我老母取錄

我想幫呀仔改個名都比女友同呀媽BAN

叫常秀改名最緊要有意思

可正呢個名

六合狂徒

6/12/2012 07:16

稻葉178浩志

6/12/2012 08:01

屯門人報到

把酒問青天

6/12/2012 08:16

幾鍾意阿正同老闆對話果時既心理歷程

likeBlack.

6/12/2012 08:24

一二百蚊

6/12/2012 08:29

正故留名。真係好有共鳴

披住狼皮既豬

6/12/2012 08:29

自含

6/12/2012 08:30

Jeffrey通常係又肥又矮
btw我都覺得薛可正呢個名

我識個jeffrey 靚仔有型仲要唔係窮拎

這些機會不是屬於我的

莫理斯

6/12/2012 09:01

頭香
做人真係要識知思圖報，Marcus 有得揀的話一定唔會咁對你，睇得出佢真係幾錫你
Btw上星期去左置樂食粉仔（已經幾年無食過）點解差左咁多架
獨市之後已經差左同貴左好多
我以前去親置樂都淨係會去食粉仔，我諗而家唔洗再去喇
都仲有好多好野食既小曼谷都ok呀
得閒去試下先，講真，成個屯門，好似係得置樂叫有d野食下，又唔貴屯門真係美食沙漠

置樂都唔掂當以前都叫有小曼谷同佐敦咖哩多D選擇而家佐敦咖哩都執拎埋

Woody_Allen

6/12/2012 09:16