「你想食咩呀？」我見Candy望住咁多嘢食好似好不知所措咁，就話：「不如食粟米啦。」
其實自從上咗大學以嚟，我都冇做過運動，加上睡眠時間不定時，飲食習慣不良，所以我肥咗好多。故此，我去食宵夜嘅時候都選擇一啲比較健康嘅食物。
「吓？好似好大杯喎，我一個人食唔晒。」Candy把聲唔知點解變得好嗲。
「兩個人食得晒嘞掛？Shake shake share啦！」我搞咗個爛Gag，佢又笑到掩住個嘴，真係好有儀態嘅啫！
不過，我喺買嘅時候，冇要到兩隻匙，而且仲前拔頭籌咁食咗第一啖然後遞俾佢。
原本我呢個舉動係諗住玩吓佢，點知佢一手拎咗杯粟米仲用我隻匙食咗啖，跟住又遞返俾我，完全冇理過我啲口水尾。
我男人老狗，唔通要驚你一個弱質女子嘅口水？等叔叔好似吉村卓咁奶均隻匙啦。
如是者我食咗幾啖又俾佢食，好快一杯粟米就俾我哋食晒，講真我真係俾佢電到，食完個人有啲飄飄然嘅感覺，跟住佢仲講：「好好味呀，下次再一齊食好唔好呀？」
「梗係好啦。」我都不作保留，將自己嘅想法講出嚟。
回程嘅時候我終於睇到佢住第幾層，我默默記喺個心入面。
可惜果晚好難瞓得著，隨住我哋大家嘅距離愈嚟愈近，我就愈嚟愈介懷佢係Hall雞呢件事，因為我真係接受唔到，結果我輾轉反側、徹夜難眠，然後我打咗句Message俾Kevin：「唉Hi沉拎晒，唉唔拎驚。」