我由五歲開始發現自己有陰陽眼，十幾廿年黎睇盡正常人睇唔到嘅野， 有人問過我會唔會好驚，其實講真睇鬼片我仲驚， 因為真實嘅鬼就好似幻影咁，多數唔會成身血或者揸住把吊扇追殺你， 最重要嘅係，現實生活見鬼係唔會有配樂嘅。 大學時，我識左兩個同我一樣唔多正路嘅朋友， 畢業之後做左兩年野，三條友成日約出黎飲野吐苦水， 大家都唔想做打工仔一心諗住創業，呢幾晚我地成日出去飲野， 懶有計咁傾我地嘅創業理想。 「拿我諗過架啦，我地一於寫App，整隻傻豬game多人玩就發啦！」Patrick半杯落肚，最初面紅現在雙眼通紅， Patrick，而家係銀行做緊Sales嘅佢自從政府出招打樓市之後， 佢嘅按揭生意跌左九成，於是創業變成佢而家嘅救命草， 「下嘛，咁冇人玩點先，本都蝕拎埋喎。」我冷靜地答， 「Hi咁投資係有風險架啦！」Patrick大力地將個杯拍落張檯度， 「第一步最好諗下我地有咩係人地冇嘅。」五伯娘酒量最好，個人仲好清醒， 唔好誤會，五伯娘絕對係男人， 我地叫佢五伯娘係因為佢真係叫伍伯良， 佢而家係間廣告公司做緊，日日喪做做到皺紋都開始出黎， 「我地有咩人地冇？我有陰影眼囉！」我答， 「我細個俾外星人綁架過。」Patrick打左個酒嗝， 「食屎啦，Auntie都話你個時發高燒有幻覺架啦！」五伯娘毫不客氣咁講， 「你識乜夠呀！你夠話你有超能力啦，又唔見你變五條煙黎睇下？」Patrick回擊， 「嘈乜拎呀，溝埋開間捉鬼公司呀笨！」我都開始有Ｄ酒意上腦， 然後，兩條友靜拎左，一齊擰過黎望住我。

期待打大佬

幫中三哥加速

留名

戲肉

留名

文呢

我是因為樓主而留名的！！！ 前幾個故都有睇嫁我 樓主

再次腸酒比你

留名

Good post LM

LM

一樓左右兩邊都係相同嘅長走廊，要上一層可能要去使旦一邊， 但奇怪嘅係走廊上冇任何房間，唯一嘅門係走廊盡頭， 即係話，一樓實際上得左右兩間房， 「邊拎個起架，要兩條走廊黎做乜？個design錯拎哂！」做廣告嘅五伯娘對呢Ｄ野特別敏感， 「喂覺唔覺得條走廊似一樣野？」Patrick問， 「咩野？」我反問，而我同五伯娘都知道個答案一定係傻豬野， 「好拎似洛克人打大佬之前行個條走廊！」佢話， 我地兩個忍唔住笑左出黎，因為真係幾似， 於是緊張嘅氣氛好似稍為緩和， 反正兩邊一樣，我地隨便揀左右邊行， 一路行一路行，無驚無險就去到門口之前。 五伯娘推開門，門並無鎖，我同Patrick個心跳到就黎彈出黎咁， 「哎呀！」一把嬌媚嘅女聲係房入面傳出黎， 我地三個大吃兩驚，第一驚係呢間房嘅size同埋古怪嘅間隔， 第二驚就係眼前換衫換到一半嘅長髮女人， 「好...好拎正喎...！」Patrick衝口而出， 「係呀....」連五伯娘都係咁， 「咦！？你地見到佢？」我突然諗起， 點解咁問呢，因為眼前呢個咁正嘅女人根本唔係人，係鬼！ 我望住隔離兩個痴迷嘅表情，心入面驚懼不已， 要知道，鬼嚴格上只係塵世間嘅幻影，一般人係唔會見到或者掂到佢地， 如果有隻鬼可以觸碰現實世界嘅野，甚至上人身，咁佢已經係隻好勁嘅鬼， 好似呢隻女鬼咁，可以完美地企係我地面前難分真與假， 佢嘅怨氣程度簡直突破百九幾萬值， 我夠膽講，呢隻絕對係惡鬼中嘅惡鬼！

黎料啦

會甜故,人鬼大戰,仲要4p

留名

留名

witch

留名