我由五歲開始發現自己有陰陽眼，十幾廿年黎睇盡正常人睇唔到嘅野， 有人問過我會唔會好驚，其實講真睇鬼片我仲驚， 因為真實嘅鬼就好似幻影咁，多數唔會成身血或者揸住把吊扇追殺你， 最重要嘅係，現實生活見鬼係唔會有配樂嘅。 大學時，我識左兩個同我一樣唔多正路嘅朋友， 畢業之後做左兩年野，三條友成日約出黎飲野吐苦水， 大家都唔想做打工仔一心諗住創業，呢幾晚我地成日出去飲野， 懶有計咁傾我地嘅創業理想。 「拿我諗過架啦，我地一於寫App，整隻傻豬game多人玩就發啦！」Patrick半杯落肚，最初面紅現在雙眼通紅， Patrick，而家係銀行做緊Sales嘅佢自從政府出招打樓市之後， 佢嘅按揭生意跌左九成，於是創業變成佢而家嘅救命草， 「下嘛，咁冇人玩點先，本都蝕拎埋喎。」我冷靜地答， 「Hi咁投資係有風險架啦！」Patrick大力地將個杯拍落張檯度， 「第一步最好諗下我地有咩係人地冇嘅。」五伯娘酒量最好，個人仲好清醒， 唔好誤會，五伯娘絕對係男人， 我地叫佢五伯娘係因為佢真係叫伍伯良， 佢而家係間廣告公司做緊，日日喪做做到皺紋都開始出黎， 「我地有咩人地冇？我有陰影眼囉！」我答， 「我細個俾外星人綁架過。」Patrick打左個酒嗝， 「食屎啦，Auntie都話你個時發高燒有幻覺架啦！」五伯娘毫不客氣咁講， 「你識乜夠呀！你夠話你有超能力啦，又唔見你變五條煙黎睇下？」Patrick回擊， 「嘈乜拎呀，溝埋開間捉鬼公司呀笨！」我都開始有Ｄ酒意上腦， 然後，兩條友靜拎左，一齊擰過黎望住我。

LM

追到live 留名

我....Hi...

加速

留名

留名

lm

入直路加速

留名

樓主寫野好正

留名

留名

留名

Hi你正呀喂 留名

留名

之前追左你套ocamp post, 你ge故仔我大力撐你

上次個兇宅都好好睇 呢個都好吸引，繼續推呀~~~

留名

別墅外表雖然殘，但內裡保養得都唔錯，只不過係多塵左少少， 一入去就係一個好似大堂咁嘅地方，牆上掛滿好多畫，幅幅都係人像油畫， 畫上面嘅人全部中世紀打扮，真係抄古堡抄得好盡， 「嘩！」Patrick突然大叫一聲，我地兩個即刻過去睇下咩事， 「有...有幅畫畫...畫左我個樣，仲..仲好似郁左下！」Patrick指住角落嘅一幅畫， 我地小心翼翼行過去，木地板發出一聲聲慘叫， 「Hi你！鏡黎架，嚇拎死人咩HiHi！」我擰轉身HiPatrick， 原來角落幅人像畫漏空左人樣，然後用塊鏡填左落去。 「係Ｄ暗角落整塊咁嘅鏡，條友都幾拎傻豬喎！」Patrick尷尬地一笑， 三個人繼續行，好快行哂個大堂下個層， 「上樓？」五伯娘指指上面， 我心跳不禁加速，因為我睇得出，每上一層，黑色嘅霧氣就會深一層， Patrick雖然咩都睇唔到，但直覺令佢同我有相同嘅危機感， 但望見五伯娘臉色一寒，我地兩個唯有一臉食左屎咁行............

#goodlm#

留名