我由五歲開始發現自己有陰陽眼，十幾廿年黎睇盡正常人睇唔到嘅野， 有人問過我會唔會好驚，其實講真睇鬼片我仲驚， 因為真實嘅鬼就好似幻影咁，多數唔會成身血或者揸住把吊扇追殺你， 最重要嘅係，現實生活見鬼係唔會有配樂嘅。 大學時，我識左兩個同我一樣唔多正路嘅朋友， 畢業之後做左兩年野，三條友成日約出黎飲野吐苦水， 大家都唔想做打工仔一心諗住創業，呢幾晚我地成日出去飲野， 懶有計咁傾我地嘅創業理想。 「拿我諗過架啦，我地一於寫App，整隻傻豬game多人玩就發啦！」Patrick半杯落肚，最初面紅現在雙眼通紅， Patrick，而家係銀行做緊Sales嘅佢自從政府出招打樓市之後， 佢嘅按揭生意跌左九成，於是創業變成佢而家嘅救命草， 「下嘛，咁冇人玩點先，本都蝕拎埋喎。」我冷靜地答， 「Hi咁投資係有風險架啦！」Patrick大力地將個杯拍落張檯度， 「第一步最好諗下我地有咩係人地冇嘅。」五伯娘酒量最好，個人仲好清醒， 唔好誤會，五伯娘絕對係男人， 我地叫佢五伯娘係因為佢真係叫伍伯良， 佢而家係間廣告公司做緊，日日喪做做到皺紋都開始出黎， 「我地有咩人地冇？我有陰影眼囉！」我答， 「我細個俾外星人綁架過。」Patrick打左個酒嗝， 「食屎啦，Auntie都話你個時發高燒有幻覺架啦！」五伯娘毫不客氣咁講， 「你識乜夠呀！你夠話你有超能力啦，又唔見你變五條煙黎睇下？」Patrick回擊， 「嘈乜拎呀，溝埋開間捉鬼公司呀笨！」我都開始有Ｄ酒意上腦， 然後，兩條友靜拎左，一齊擰過黎望住我。

有人問，點解所有故事開始都係成班勁佬飲酒， 咁你諗下，一個人唔係飲完酒，點可能做到咁多嘅傻豬嘅決定？ 你有冇聽過幾條友好冷靜咁係Starbucks飲左杯咖啡，跟住醒返會斷了片？ 如果有，個間一定唔係Starbucks，而係大陸先有嘅Starloves，專偷你嘅腎臟同埋銀包。 個晚我地冇斷片，而我地竟然好認真咁開始搞呢間公司， 整哂文件、公司名、公司印之後，我地連辦公室都租埋， 間公司就叫陰目偵信Yum Investigation，辦公地址裕華國貨斜對面。 「喂，我地咁樣明抄人會唔會唔係太好？」五伯娘問， 「佢地都冇陰陽眼….唔算抄掛？」我都唔係太肯定， 「呢Ｄ marketing野你識乜勁呀！」諗呢個名嘅Patrick答， 「Yum Investigation，我驚Ｄ人以為我地做婦科咋！」五伯娘Hi左出聲， 但係Patrick堅持下，我地都係用呢個名， 結果開業第一個星期，上親黎都係想定期驗身更放心嘅阿嬋。

lm 加油

效率哥! 出現了!!!!

高質故名已留

因為系列第三部曲

lm

留名睇三哥勁故

唔知點解睇完標題笑左出黎

在下留名

會唔會有賭鬼出現??

留名

捉鬼敢

點解我會犯D咁低級嘅錯誤................

捉鬼敢

點解我會犯D咁低級嘅錯誤................

我反而比你個捉鬼敢吸引左入黎

留名

開頭冇睇名直接睇故覺得幾好睇 , 原來係牟中三巴打

lm

仲記得巴打你個猜輸住兇宅故

好似幾有趣 留名

仲記得巴打你個猜輸住兇宅故

唔怪得咁熟個名

留名

又講鬼

Lm

留名睇鬼故