大家好,我係紫色西瓜波

好耐冇係度貼文鳥

今次套故加哂懸疑獵奇鬥智呢3個元素,希望大家鐘意

要一提既係,雖然我係呢篇故既作者,但套故既原案係鵝鑾鼻燈塔巴打,多謝佢比呢個靈感我

貼故之前,我想宣傳一下自己FB,如果可以,請大家可黎支持下我

http://www.facebook.com/ziborborr

pish

紫波巴打，相當刺激呀，我尤其鐘意少女個名聽唔到果段，個懸念好好

加油寫呀！ 更詳細既意見我地gtalk傾

內臟王

其實係張__個細妹

我仲等緊睇符妹個僱傭兵結局架

留名

「我認為，呢個受害者同我地之間既所有人有Ｄ唔同。」阿源擺出沉思的臉，說著。「佢對（消音）呢個女仔好似有過激既反應，又話佢殺過人，又話聽唔到佢個名……點解會咁呢？」 　　「係唔係佢受左太大既打擊，先搞到short short 地咋。」一人道。 　　「唔似。佢雖然畀人既感覺有Ｄ內向，但一開始佢既表現都算幾冷靜。係見到（消音）之後，佢先有Ｄ失常。」 　　「你覺得佢講既野係真？但係我地真係冇見到佢殺人。同埋如我頭先所講，如果佢係架Lift入面，咁就唔應該見到強光。」另一男子說。這名男子戴著眼鏡，也是一身西服，感覺上跟阿源有點像，但相對起來比較冷漠。 　　一名ＯＬ裝扮的女性道：「但係，睇佢個樣又唔似講大話喎。」　　　　　　　 　　對於這個謎團，眾人不語。良久，阿源一臉凝重，把寂靜打破。 　　「我有一個諗法，不過可能好荒謬，大家想唔想聽？」 　　眾人點頭，接著，阿源說出了這樣的話語。 　　「會唔會，係捉我地返黎既人玩野，想我地內訌？」 　　「點解？我地三唔識七，咁樣做有乜意思呀。」雞蟲問。 　　「我地依家叫天不應，叫地不聞。係冇任何既選擇之下，我地只有參加人地舉辦既遊戲。呢個，我諗已經差唔多係既定既事實。你地同唔同意？」 　　「你都冇答我問題，HiAuntie，咪好似Ｄ高官咁兜圈子啦。」雞蟲說。 　　阿源沒有為雞蟲的惡言而動怒，繼續講解著：「我認為，困住我地既人為左影響我地係遊戲中既表現，所以專登篡改其中一部份人既記憶，令我地唔可以輕易達成遊戲條件。」 　　「吓？唔係呀嘛。記憶呢Ｄ野話改就改到架咩。」唯恐天下不亂的雞蟲又再搗亂了。 　　「咁你又點解釋我地點解會係呢度？」 　　雞蟲為之語窒，在場一名男士也看不過眼，說：「係囉，收爹啦，雞蟲。咪站亂歌柄啦。」 　　雞蟲自討沒趣，「哼」了一聲後不再說話。 　　「但係，果個人話聽唔到（消音）個名喎。咁又點解釋？如果係改記憶，咁應該係past tense既事，冇理由連依家都影響到架？」 　　「唔一定係咁。其實，洗腦或催眠可以係一種暗示，令人拒絕接收一個訊息。」

本來一片死寂的大堂，不知怎的，突然眾人也熱絡地討論起來。他們，都漸漸接納阿源的說法。 　　「又講得通喎。好可能跟住所謂既遊戲，係考驗我地之間既信任……」 　　「死啦，咁果條友已經搞成咁，咁我地之後又點算呢？」 　　「咪住先。」就在這個時候，眼鏡西服男開口說話，吸引了所有人的目光。 　　只是普通的一句話，就已經可以令眾人停止交頭接耳，準備細聽他接下來的話語。這個人也許就有天生的魅力，讓人不得不在意他的存在。 　　「你既諗法可能講得通，但有冇任何ground去支持你既論據？」 　　阿源一臉正色道：「冇。呢個只係我既假設，只係眾多可能性既其中之一。我講出黎，只係打算畀大家參考。」 　　「我接受你既推論，但係，你點都要clarify呢點。因為大家好有可能先入為主，之後既推論，就會建基於呢個假設之中，咁我地好可能會離真相愈黎愈遠。就算滑坡謬論(slippery slope)係一般人唔應該犯既錯，係恐慌之中，卻可能會造成致命既混亂。」　　　 　　「唔好意思。呢點的確係我既疏忽。」 　　眼鏡西服男嘆了一口氣，然後皺眉道：「其實，我真心希望，你既假設唔會成真。因為，如果屬實，會衍生出好大既問題。」 　　聽到他這樣說，所有人都不約而同屏息盯著眼鏡西服男，準備聆聽他的講解。 　　「假設呢位仁兄所言屬實，咁係咪淨係得果個新受害者畀人改左記憶？」 　　「緊係啦。得果條友撞鬼，我地全部都冇見到怪野。」雞蟲如斯說道。 　　很多人都點了點頭，心想，這不是明擺著的事嗎。

眼鏡西服男環目觀看所有參與討論的人的反應，內心暗地作出評估。他看到不少人點頭贊同，便搖了搖頭，認為這群人的才智似乎不怎麼樣。 　　他開始擔心，這些人，到底會不會拖自己的後腿呢。 　　接著，他看了一眼阿源，見其臉色五味雜陳，心中暗暗納罕。看來，他也同時發現了這個盲點。 　　眼鏡西服男不慍不和道：「如果，遊戲既主辦單位有本事篡改人既記憶，咁除左植入睇到人地殺人既映像之外，係唔係都可以改埋唔同既野？」 　　此言一出，某些人震驚得瞠目結舌，嘴巴也合不攏。他們，終於理解到事態的嚴重性。 　　一想到自己的記憶深處可能埋藏著一個炸彈，而它什麼時候會觸發和爆炸，所有人都不寒而慄。而最大的問題是，他們彼此素不相識，根本不可能去認證自己記憶的真偽。 　　記憶，是自身的經驗，是跟著自己一輩子的事物。如果連自己的記憶也信不過，那不是很可悲嗎。 　　「不過，我亦都要聲明，呢個都係我既推測。老實講，要向每一個人加一段新既記憶其實好大工程，除左要合理之外，仲要唔同固有既記憶產生矛盾……所以，我會認為呢個可能性好微。大家只要平常心去對待如今既事態就好。」 　　眼鏡西服男三言兩語，就把其才智表露無遺。他的能力似乎凌駕於阿源，同時，從他言談中，也帶給人一種高高在上的感覺。　 　　他托了一下眼鏡，又道：「其實我甚至應該咁講：由於我地全部人處於black box入面，連捉我地既人有咩意圖都未知，所以，我地唔應該作出無謂既揣測，以免Overthink yourself，自亂陣腳。」 　　他以凌厲的目光投向阿源，語氣亦似乎帶點責怪的意味－－又或者，以挑釁來形容會更為恰當。 　　阿源沒有在意其責備的言辭，因為他也認為其論點不無道理。這番事態本來就匪夷所思，要想出合理的解釋真的無甚意義，徒然耗費心神。畢竟，要接近真相，就應該不斷索求情報，然後以所累積的情報來推斷。 　　「咁又係，就算擔心都無補於事。依家要做既係打醒十二分精神，應付突發狀況。」

(待續)

其實係張__個細妹

我仲等緊睇符妹個僱傭兵結局架

不日上映呀...符妹佢地既對決

紫波巴打，相當刺激呀，我尤其鐘意少女個名聽唔到果段，個懸念好好

加油寫呀！ 更詳細既意見我地gtalk傾

本來一片死寂的大堂，不知怎的，突然眾人也熱絡地討論起來。他們，都漸漸接納阿源的說法。 　　「又講得通喎。好可能跟住所謂既遊戲，係考驗我地之間既信任……」 　　「死啦，咁果條友已經搞成咁，咁我地之後又點算呢？」 　　「咪住先。」就在這個時候，眼鏡西服男開口說話，吸引了所有人的目光。 　　只是普通的一句話，就已經可以令眾人停止交頭接耳，準備細聽他接下來的話語。這個人也許就有天生的魅力，讓人不得不在意他的存在。 　　「你既諗法可能講得通，但有冇任何ground去支持你既論據？」 　　阿源一臉正色道：「冇。呢個只係我既假設，只係眾多可能性既其中之一。我講出黎，只係打算畀大家參考。」 　　「我接受你既推論，但係，你點都要clarify呢點。因為大家好有可能先入為主，之後既推論，就會建基於呢個假設之中，咁我地好可能會離真相愈黎愈遠。就算滑坡謬論(slippery slope)係一般人唔應該犯既錯，係恐慌之中，卻可能會造成致命既混亂。」　　　 　　「唔好意思。呢點的確係我既疏忽。」 　　眼鏡西服男嘆了一口氣，然後皺眉道：「其實，我真心希望，你既假設唔會成真。因為，如果屬實，會衍生出好大既問題。」 　　聽到他這樣說，所有人都不約而同屏息盯著眼鏡西服男，準備聆聽他的講解。 　　「假設呢位仁兄所言屬實，咁係咪淨係得果個新受害者畀人改左記憶？」 　　「緊係啦。得果條友撞鬼，我地全部都冇見到怪野。」雞蟲如斯說道。 　　很多人都點了點頭，心想，這不是明擺著的事嗎。

睇故都學到野

輕力一推

lm

大力一推