大家好,我係紫色西瓜波

好耐冇係度貼文鳥

今次套故加哂懸疑獵奇鬥智呢3個元素,希望大家鐘意

要一提既係,雖然我係呢篇故既作者,但套故既原案係鵝鑾鼻燈塔巴打,多謝佢比呢個靈感我

貼故之前,我想宣傳一下自己FB,如果可以,請大家可黎支持下我

http://www.facebook.com/ziborborr

無文

（５）　 　　何夕琛的腦袋只是迴響著三個字：痴拎線。　 　　接二連三的衝擊，令何夕琛站不住腳，一個踉蹌倒在地上。 　　看到何夕琛的失態，跟在背後的阿源馬上把他扶起，問：「冇事呀嘛？」 　　「……殺……殺人犯……」何夕琛結巴地說。 　　原來，除了上次映像的殺人外，連陳伯也是她下的毒手嗎。只要是她，絕不奇怪。她是殺了人之後，還可以展露笑顏的人啊。 　　阿源先是一愕，然後馬上為少女辯解：「唔係呀，你誤會啦。如我之前所說，陳伯其實一早死左，我地發現佢果時，佢已經搞成咁喇。」 　　何夕琛，卻突然變得歇斯底里，喊道：「咩話？我唔信……一定係佢殺架！一定係咁架！」 　　對。一定是她殺的。 　　如果她是一般人的話，怎麼會願意待在死狀可怖的屍體旁呢。 　　如果她是一般人的話，為什麼會說出那句意味不明的話語呢。 　　如果她是一般人的話，為什麼在看到她殺人的一幕後，世界便完全改變呢。 　　在一連串的衝擊下，他的精神瞬間崩潰。 　　為了不被她殺死，所以，他要先發制人。正待何夕琛發難之時，阿源和另一名男士當機立斷鎖住何夕琛的雙臂。 　　「冷靜呀！真係唔係佢！佢同我地一樣係被害者，呢樣我可以保證！我係最早落黎果個，佢係第二個……而陳伯條屍係我發現既，所以，根本冇機會落手！」阿源叫道。 　　「嗚呀呀－－－」孱弱的何夕琛如何掙扎，也不可能擺脫兩名成年人的雙手。最後，他累了，也不再作無謂的反抗。確認他不再失控的二人，緩緩把手鬆開。 　　「我頭先所講既係千真萬確，佢真係唔係兇手。希望你可以信我。」 　　既然他都這樣說了，只好先相信著吧。可是，他這番話又隱含著另一個意思，一念及此，他便對阿源投以狐疑的目光。

阿源看穿了其想法，心裡暗忖何夕琛似乎是一個多疑的人。於是，他清了清喉嚨，盡可能以平淡的語氣道：「我的確係第一個見到條屍既人，所以死無對證。不過，我同佢無冤無仇，我點都唔會想佢死。」 　　費了一番唇舌後，何夕琛才不再對陳伯的死因尋根究低。畢竟，現在當務之急是如何在這座大廈中逃脫。 　　然而，少女的存在，實在令他如坐針氈。 　　「咁點解佢會係管理處入面？既然有人死左，正常人都應該有Ｄ避忌掛。」何夕琛結巴地道，因為害怕，最後幾個字走音了。 　　「我知……其實，佢都係迫於無奈先決定咁做。」 　　「吓？你係度ＵＰ乜野呀……」 　　「我地依家咁既處境，任何情報都可以係我地逃出既關鍵，所以，我地一定要有一個人打醒精神睇住部閉路電視，避免錯失任何訊息。佢自告奮勇擔此重任，我覺得佢已經好大犧牲。」 　　「但係，佢個樣明明一Ｄ都唔驚……你唔覺得奇架咩？明明有人死係隔離，係正常人都嚇到賴屎啦。」 　　雞蟲似乎有點看不過眼，突然插嘴道：「Hi……你理得人地驚唔驚丫。你唔比人地因為坐得耐而麻木左？」 　　身為女性公敵的雞蟲說得不無道理，何夕琛不免感到理屈。 　　她，是一個殺人魔。 　　有這樣的一個視人命如草芥的傢伙混在他們之中，他們的處境，可謂極為兇險。他真的想不通，為什麼，其他人可以容忍她的存在？ 　　「……就算陳伯唔係佢殺，佢之前都有殺過人喎！」 　　「吓？點會呀。你係唔係驚嚇過度，痴左線呀……」剛才幫忙制服何夕琛的男人說。　 　　「冇理由架！你地之前睇唔到咩？係強光一閃之前，佢明明響架lift都殺左人架！我好肯定！果個死者個樣同我好似，都係一樣著住件『初音』ＴＥＥ……」 　　此刻，所有人都是一臉茫然。 　　「吓……冇喎。你地有冇人見到？」阿源跟在場其他人問。 　　「真係冇喎。」「都唔知佢ＵＰ乜。」「咁正既姐姐仔，點會殺人呀？」「如果佢係架lift入面，咁佢冇理由會睇到閃光，同我地一齊困係呢度。」 　　所有人的答案，都是清一色否定。 　　現在看來，就像何夕琛的堅持，是精神錯亂的反常。 　　「冷靜Ｄ先啦，阿琛。其實，會唔會係閃光所帶黎既副作用？可能……呢個只係一個假象呢。橫掂我地依家身邊既事都係咁匪夷所思，多一件怪事都唔出奇丫。」阿源說。 　　「冇可能架……佢殺人，係閃光之前既事！我記得好清楚！如果我講大話，我不得好死呀！」 　　那一幕歷歷在目，絕不可能從他的記憶中磨滅。

留名

神作留名

神作留名

得2篇唔夠喉...

神作留名

神作留名

多DDDDDDDDDDDDDDDDDDDDD

神作留名

早晨

早晨

早晨