大家好,我係紫色西瓜波

好耐冇係度貼文鳥

今次套故加哂懸疑獵奇鬥智呢3個元素,希望大家鐘意

要一提既係,雖然我係呢篇故既作者,但套故既原案係鵝鑾鼻燈塔巴打,多謝佢比呢個靈感我

貼故之前,我想宣傳一下自己FB,如果可以,請大家可黎支持下我

http://www.facebook.com/ziborborr

老實講句 你出得快有質量既就多人會睇 現在就好似睇thisav load到一半停曬 咁比著你都做其他野唔係坐係到睇定格啦

等左成個禮拜再入翻黎 結果得果幾篇

推文多過正文

留名

文呢?

快D plx~~

其實巴打你寫作技巧唔錯，點解好似咁少人睇？

應該係太慢

之前貼好多都係冇人睇，所以減速

紫波, 我支持你慢慢寫, 寫左出書個D先喇

幾日無出文

love

love love love love

love

[

]

幾時有文呀

律師再次對何夕琛下達指示：「阿琛！去３號Lift，之後４號，最後，係１號！」 　　何夕琛依言上落樓層。其他人看著他不斷出入升降機，完全不能理解這番行為的意義。最後，何夕琛完成了律師的指示，從１號升降機步出。 　　律師問：「係唔係，都係咁？」 　　「３號lift同４號lift既出入口係唔同既，但係我上返１號果陣，發現景象同我第一次探索既時候一樣。」 　　「辛苦哂。」律師皮笑肉不笑的嘉許了何夕琛，而在這個時候，他才發現自己和何夕琛已經成為眾人目光的焦點。 　　「可唔可以解釋一下你呢番舉動有咩意義？」阿源問。 　　「我諗，我明白Ｋ樓既秘密。」 　　當聽到了這句話後，所有人紛紛包圍著律師。 　　他們的眼神，充滿著祈盼。 　　「雖然唔敢話我既推測百份百正確，但係，都會距離真相唔遠。」 　　律師把剩餘的巧克力棒塞進口中，大口咀嚼著的他，流露出一臉自信。 　　「聽左阿琛對Ｋ樓既形容之後，你地對Ｋ樓有咩感覺？」 　　「咩感覺……咪匪夷所思囉。都慣架啦。」基友Ａ說。 　　是的。因為已經有太多的怪事發生，他們縱使認為Ｋ樓的存在毫無現實感，但他們也沒有太過吃驚。 　　律師，卻剎有其事般說：「Ｋ樓既存在，同目前所發生既其他怪事，係完全唔同既層次。」

律師似乎又要發表他的偉論。雖然大堂各人都對他的趾高氣揚感到有氣，但他們都知道，要解決目前的困局，的確需要他的思考能力。 　　「以大廈既結構黎考量，要係呢座大廈起一層Ｋ樓係絕對冇可能，因為Ｋ樓，係完全違反物理規則既所在。空間擴張冇錯係好唔合理，但係，最令我在意既係升降機係Ｋ樓既設定。我地Ｇ樓有四部lift並排係度，假設佢地都可以到達同一個樓層，咁你地去到果層樓出lift果陣，係唔係都會expect見到其他三部係左近？」 　　眾人點頭稱是。如果連何夕琛也能發現這個疑點，其他人馬上也能理解這個怪異之處。 　　「以我地既認知，升降機只會上落行走－－所以呢個現象違反左物理定律。於是，我叫阿琛搭其他唔同既lift上Ｋ樓，睇下會唔會有咩發現，而呢個小實驗，印證左我既諗法應該唔會有錯－－」 　　「你指既，係佢幾次上樓，都見到唔同景象？咁有咩問題？」 　　「咁樣既話，就可以確定，Ｋ樓，並唔存在於呢棟大廈之中。」 　　「唔係掛……明明我搭呢幾部lift上去架喎。」何夕琛不甘地說。 　　律師無視了何夕琛這個毒拎，只是托了一下他的眼鏡，徐徐說道：「大家，有冇聽過空間扭曲呢個term？」 　　「吓？」 　　話題跳躍得太快，讓眾人摸不著頭腦。 　　「空間扭曲，就係通過蟲洞瞬間由Ａ點去到Ｂ點……簡單Ｄ講，即係瞬間移動(Teleportation)。我認為，連接住Ｋ樓同升降機既，係一個蟲洞－－」　　 　　「即係話，當我地到左Ｋ樓，一行出架Lift果陣，我地就會被傳送到另一個地方……甚至係另一個世界？」阿源問。 　　「冇錯。」律師點了點頭。 　　對。只有這種科幻的理由，才可以解釋一個又一個的謎團。

也許，不單是遊戲本身，甚至是們本身被捲入這個閉鎖空間的事實，也是空間扭曲惹的禍。 　　阿源不其然湧現出如此的想法，於是，他把這個具爆炸性的猜測說出：「如果，我地本身已經係因為空間扭曲而一齊眾集係呢度，咁樣，Ｋ樓既世界，係唔係蟲洞之中既蟲洞……」 　　「你既想法，我其實唔係冇諗過。」律師回道：「感覺，就好似Silent Hill既三重世界：我地由現實世界，捲左入黎呢個空無一物，缺水缺糧既表世界，而Ｋ樓既殺戮空間，就係我地既裡世界……」 　　「卜你個街，又真係講得通喎。」雞蟲有點高興地說。 　　對於事態好像有幾分眉目，所有人的情緒不如以往般緊張。然而，律師接下來的話語，卻強制把各人帶回恐懼。 　　「呢個設定，係經過精心部署，可以睇得出，西瓜波係真心想我地展開一場驚心動魄既大逃殺。」 　　律師，再次提起殺人遊戲的禁忌。 　　「阿琛話過，四部lift，都會去到Ｋ樓唔同既地方。大家諗下，如果我地四部lift擺埋一齊，咁我地既殺戮遊戲會變成點？其實不言而喻。我地只會周旋係lift口附近開戰，而且策略方面亦都受到限制，白白浪費左佢建成既巨大空間。」 　　「即係話Ｋ樓有四個唔同既傳送點，我地要一路探索迷宮，一路諗辦法殺死其他既參加者？」基友Ｂ結巴地問。 　　「我相信會演變成咁。」律師的神情，亦帶了一點落寞。「如果，我地解唔開謎團，咁我地就剩返互相殘殺呢條路行。」

得一篇

開始殺人未呀

如果可以 我寧願選擇一直都追唔到live

留名