估唔到END POST都可以開到2

都係多得各位支持

感動就唔再多講啦，我會用行動黎多謝大家既支持

！(唔是自貼) * 原作者為膠心密友巴打，因為佢中途放棄左繼續， 所以由小妹弟繼續作落去，希望各位多多支持

原文post http://forum.hkgolden.com/view.aspx?message=3327760 [騎劫][FF+甜故]如果我上輩子是美女(1) http://forum.hkgolden.com/view.aspx?message=3348563 [FF+甜故][變身]如果我上輩子是美女(2) http://forum.hkgolden.com/view.aspx?message=3381017 [FF+甜故][變身]如果我上輩子是美女(3) http://forum.hkgolden.com/view.aspx?message=3393898 [FF+甜故][變身]如果我上輩子是美女(4) http://forum.hkgolden.com/view.aspx?message=3414411 [FF+甜故][變身]如果我這輩子是美女(5) http://forum.hkgolden.com/view.aspx?message=3442580 [FF+甜故][變身]如果我這輩子是美女(6) http://forum.hkgolden.com/view.aspx?message=3471373 [FF+甜故][變身]如果我這輩子是美女(7) http://forum.hkgolden.com/view.aspx?message=3494317 [FF+甜故][變身]如果我這輩子是美女(8) http://forum.hkgolden.com/view.aspx?message=3520594 [FF+甜故][變身]如果我這輩子是美女(9) http://forum.hkgolden.com/view.aspx?message=3547071 [FF+甜故][變身]如果我下輩子是美女(10) http://forum.hkgolden.com/view.aspx?message=3574926 [FF+甜故][變身]如果我下輩子是美女(11) http://forum.hkgolden.com/view.aspx?message=3593137 [FF+甜故][變身]如果我下輩子是美女(12) http://forum.hkgolden.com/view.aspx?message=3612380 [FF+甜故][變身]如果我這輩子是美女(13) http://forum.hkgolden.com/view.aspx?message=3633622 [FF+甜故][變身]如果我這輩子是美女(END) http://forum.hkgolden.com/view.aspx?message=3658241

原來時光機要預熱

推爆佢

1001

f5爆開了

可能係因為kevin既幫助， 我返到去醫院個陣，發現阿彥已經轉左去高級病房… 所以…我可以一直留係裡面…陪住阿彥... 但因為我真係好累好累既關係… 幾個鐘之後，我伏左係阿彥既床邊…訓著左。 『小蔚…』 「我…我眼訓呀…」 『小蔚呀…』 「我要…繼續訓…」 『真係可愛。』 「咩喎…」我慢慢張開眼，眼前既係… 訓係到，向住我微笑既阿彥… 「阿…阿彥！？點解既…你…你醒左幾耐呀？」 『都係岩岩…』阿彥佢...仲係有少少虛弱... 「…咁…我要叫醫生…」我拍一拍床邊個制「太好啦…阿彥…太好啦！」 『嗯…多謝小蔚咋。』 「下…？」 『我…我記得我暈左個陣…周圍好黑…乜都見唔到…我…真係好驚…』 「阿彥…」 『但係…係個個時間…我以為自己…已經無希望既時候… 我聽到小蔚妳…係旁邊支持我…所以…我同自己講，無論幾辛苦…同幾痛苦…我都要支持落去…』 阿彥佢捉住我隻手… 『我…有小蔚妳做我女朋友…真係太好…』 「阿彥…我都係…有阿彥…」 但我無再講落去… 因為…再講落去…我…就唔會再接到之後既事… 個樣…決定好既事。 「阿彥…我有d野想…同你講…」 『嗯...？』 不過，真係好難開口… 阿彥而家呢個狀態…呢個情況…我仲點可以… 將個翻說話講出口話… 「都係無…無野啦…」 嗯…再遲D…但阿彥…身體狀態好D…先再算… 『不如等我估下？小蔚…』阿彥微笑『小蔚妳想講既野。』 「下…」我訝異 『係唔係…關於樂宜既？』 點解... 阿彥會知？

f5爆開了

我都係

真係講你都唔信 琴晚我一直咁禁f5 禁呀禁係咁禁都唔出野 禁下禁下原來爛勁左 我原本諗住即時落街買 但係電腦店又close晒 7-11又得返0.03 係呢個時候 我拆開聖誕老人送既禮物 我一睇 Hi你正呀喂 原來係keyboard 仲要係有2個f5制 點拎知我禁拎到佛誕都仲未有野出

阿彥

又係咁

家蔚好笨

『嗯…望到小蔚妳個反應，我知道自己無錯啦。』阿彥笑一笑『果然…』 「阿彥…而家都係唔好再講呢個話題啦…你…你要好好休息…」 『既然我估中左…就應該繼續講落去…』 「唔好啦…真係唔好呢…」 『小蔚…係唔係咁對病人先。』阿彥眼神突然變得認真 「唔…唔係…」 『咁就乖啦。』阿彥重回笑容『樂宜…真係已經飛走左？』 「嗯…」我點點頭 『咁小蔚…而家打算點做。』 「我…有個計劃。」我照直講 『有就做啦。』 「但係…！阿彥你唔知道…」 『去啦…小蔚。』阿彥…依然都係用佢一貫溫柔既語氣講出黎… 「阿彥…你真係知道…我個計劃會點…？」 『我雖然…知道既野唔係好多…但係我好清楚一點… 就係小蔚妳可以無左我…但唔可以無左樂宜。』 「點會…」 『咁講都唔岩，應該係話妳地唔可以無左彼此…』 「…」 『我好記得嫁… 我同小蔚妳講我比阿kay誤導左生日日期…多得樂宜同我講返… 之後計劃旅行…同小蔚妳講係樂宜提議我…邦文同樂宜一齊既時候 仲有…小蔚妳失憶時候，對樂宜既個種感覺… 最後…係海洋公園，妳收到既個個電話… 我啊…一直都有留意住…小蔚妳每時每刻既心情。』 「阿…彥…」 『然後我明白啦…我永遠做唔到樂宜咁...比到最幸福小蔚妳…』 「唔係嫁…阿彥…同阿彥一齊既時候…我真係好幸福…」 真嫁… 係真嫁… 『小蔚啊…』阿彥佢望住我『記得個日…我…話過會捉實妳隻手… 唔再比妳走…目的，就係希望妳幸福快樂…但如果… 但如果，呢件事…有一日會變成小蔚妳既負擔…令到小蔚唔開心…或者憂心… 咁樣…就當係我衰…我…想當呢件事，呢句說話從來都無講過…』 「點會喎！點會係阿彥衰…」 由頭到尾…都係我，陳家蔚...陳嘉為既問題…

「點會講到而家係阿彥你錯…明明…明明係我問題…明明係我自私…」 『有邊個唔會自私…？』 「阿彥你咪…」 『我絕對會…』阿彥講『如果我而家仲要死守堅持既話…就更加係自私…』 「就算你咁講…我都唔會咁諗…絕對…永遠唔會…」 『但小蔚妳既計劃就已經係諗好左。』阿彥堅定咁講『所以妳就唔應該再顧慮咁多！』 阿彥佢捉實我隻雙手… 『感受到嗎？』阿彥講『小蔚妳有呢個覺悟…絕對唔係咁簡單被摧毀？係咪？』 「我…」 『答我…小蔚…』 「我…」 『妳個感覺…妳個想法！』 「係...係啊！我…我唔可以放棄樂宜…唔得…唔得唔得唔得…唔得…」 唔得… 即使…我同樂宜個距離已經有七千四百公里有多… 但係我…但係我… 「對唔住…阿彥…我...」 『點解要對唔住…唔需要…』 「我…同阿彥既台灣旅行…或者已經…」 『如果小蔚妳想去…都係可以繼續嫁…』阿彥微笑… 我笑一笑，之後搖搖頭… 「如果無得對唔住…咁樣…」我吸一吸啖氣 「多謝你…阿彥。」 係你…令到我明白到愛情…個種甜而令人難以忘懷既滋味… 個種…只有女仔先會體驗到既幸福感覺… 多謝…

你係個好男人啊邦彥

「其實我一直都放唔低樂宜，所以我決定變返男人同佢一齊，你都係搵過第二個啦。」

都已經就ending 點解仲要出多d謎

阿彥

『啊…好累啊！』坐我隔離既女仔打一打個哈欠『終於落堂！』 佢叫做Wynn，同我一樣由香港過黎讀書既女仔… 第一日上堂個陣…我地好自然就走埋一齊… 或者…係因為佢個感覺…同阿kay有d似？ 「嗯…」我笑一笑「妳啊…基本上係訓足左成堂！」 『咁個教授講野真係好無聊嘛！』wynn反一反眼白 『我走啦…係喎，沙灘小屋個度…樂宜妳真係唔去？』 「唔啦…我都係唔想去太遠既地方…仲有，想襯呢個時間溫下書… 妳知啦…如果之後個試炒左就無嫁啦…」 『樂宜啊！』wynn扠住腰望住我『妳太認真啦！』 「wynn…」 『就算妳唔讀啊，都唔驚會炒嫁啦， 個個試…我…我就難講啦…』wynn撇過頭，滴住汗咁講 「所以妳都應該…」 『但玩！』wynn指住我『重要太多太多啦！拜拜啦！回心轉意就打比我啦…』 講完wynn就擰轉身走左去… 而家成個議講室已經得返我一個… 「點可以…比機會自己炒喎。」我自言自語咁講 大家都…對我充滿信心嫁嘛… 絕對唔可以…辜負佢地對我既期望… 即使係1%機會都唔可以有… 「而且…如果炒左…我咪…」我搖搖頭… 唔得…唔得唔得唔得… 已經…過左咁耐…我點可以仲諗呢d野嫁… 佢…心入面應該一早已經無左我， 嗯， 佢最後個句…「再見啦」已經表達左一切， 無錯， 我…既計劃果然無一次會成功… 失敗。 「啊…真係好熱…咦？」 望住周圍既聖誕佈置，我終於醒起原來後日就係平安夜… 或者好大原因係因為…澳洲呢個時間係熱到爆，所以我先咁遲發覺… 而且，無論小朋友定係大人，都係著住短衫短褲戴住聖誕帽… 呢件事根本就係怪，係咪先？ 係咪先！

而家…真係有少少後悔唔返香港過聖誕… 明明…爸爸媽媽強烈建議我返去… 但…但我一時意氣拒絕左… 「王樂宜…妳真係一個大白痴…大白痴…」 『喂喂！樂…樂樂宜！』旁邊突然傳黎wynn既聲音… 「wynn？妳唔係走左既咩？」 『原本係嫁！但係…我行去後門個陣…見到有個人…』 「有個人…」 『唔得啦，我好羨慕呀…點解會有人咁無敵嫁…』 「下…？」到底wynn妳係到講乜… 『總之…樂宜妳去後門個邊啦！個女仔…搏命搵更妳。』 女仔… 搏命…搵更我…？ 我雙手…顫抖得好利害… 點解…會係呢個時候…？偏偏…係呢個時候…？ 唔會既… 一定係其他人… 係啦，一定係小瑤…佢話過隨時都會黎搵我嫁嘛… 一定係佢！嗯… 戰戰競競既我，終於行到去後門… 見到個個背影… 點解… 點解喎… 點解…真係你… 或者係計算好一樣，個個背影擰轉身… 我地兩雙眼睛…同一時間對上… 時間彷彿因為我地既互望停頓一樣… 佢…同我之前印象無大不同… 都係咁靚…而且…衣著品味亦都好左好多… 或者…只要我行埋去細心睇，就會明白wynn所講既無敵係乜野意思… 『樂宜…』個把聲音終於開口…然後…佢慢慢行黎我身邊… 「家…蔚…」 眼睛…不自禁地開始朦起上黎… 『我遵守約定啦。』 「下…乜野約定…」 嘉為佢…慢慢舉起一隻手…手上面… 係個枝錄音筆。 『「再見啦，樂宜。」』嘉為講『我…對樂宜妳既約定。』

留名

「下…個…個個…點算…」 『仲有…錄音筆最後個段…我…清楚樂宜妳想講乜…』 錄音筆最後個段… 我…講講下中斷個段… 真係最後啦…就係…呢枝筆…如果我真係交左比你… 一…一定要記住… 『一定要記住…』 還比我啊… 『還比樂宜妳…』 大白痴！ 『之後一定會罵我一句…』嘉為佢…將我緊緊攬實『傻瓜…或者白痴…係咪？』 「我…嗚…嗚…嘉為…」 『所以…我親手黎還比妳…樂宜…連埋…約定一齊…』 「嗚…就為左咁…單純既原因…嗚…」 『唔單純…因為…』 『我愛妳…樂宜。』 王樂宜視角 完

嘉為

喊左

唔制呀

我唔想家蔚同阿彥分手呀