終於到(10)，呢個post會以主線為先， 如無意外應該會相當精彩

同之前一樣，投票！投票！投票！

正評負評無所謂，最緊要有投！

* 原作者為膠心密友巴打，因為佢中途放棄左繼續， 所以由小妹弟繼續作落去，希望各位多多支持

原文post http://forum.hkgolden.com/view.aspx?message=3327760 [騎劫][FF+甜故]如果我上輩子是美女(1) http://forum.hkgolden.com/view.aspx?message=3348563 [FF+甜故][變身]如果我上輩子是美女(2) http://forum.hkgolden.com/view.aspx?message=3381017 [FF+甜故][變身]如果我上輩子是美女(3) http://forum.hkgolden.com/view.aspx?message=3393898 [FF+甜故][變身]如果我上輩子是美女(4) http://forum.hkgolden.com/view.aspx?message=3414411 [FF+甜故][變身]如果我這輩子是美女(5) http://forum.hkgolden.com/view.aspx?message=3442580 [FF+甜故][變身]如果我這輩子是美女(6) http://forum.hkgolden.com/view.aspx?message=3471373 [FF+甜故][變身]如果我這輩子是美女(7) http://forum.hkgolden.com/view.aspx?message=3494317 [FF+甜故][變身]如果我這輩子是美女(8) http://forum.hkgolden.com/view.aspx?message=3520594 [FF+甜故][變身]如果我這輩子是美女(9) http://forum.hkgolden.com/view.aspx?message=3547071 打包link http://www.sendspace.com/file/iybodg 故事簡介： 一個無存在感既毒拎陳嘉為，因為受上世既自己(女性)所托， 係暑假某一日突然由男變女，以陳家蔚既身份繼續生活， 女體化既自己，係生活上發生左各種唔同既事，令到主角自己對於做男定做女感到非常迷茫... 基本人物簡介： 陳嘉為 (陳家蔚) - 本故事男(女)主角 王樂宜 - 主角既表妹 鄭青琪 - 阿kay, 王樂宜既同班同學 文冰瑤 - 主角曾經班級既女班長，亦係女神級人物 紫晴 - 王樂宜既同班同學 詳盡人物介紹：含劇透慎入 http://forum.hkgolden.com/view.aspx?type=SY&message=3414411&page=22 故事時間表：含劇透慎入 [url]http://forum.hkgolden.com/view.aspx?type=SY&message=3471373&pa

原本真係想寫多篇 不過比人攪到無心情+真係好累 聽日見啦

家蔚

你係咪發現左啲咩

家蔚早啲休息 Good night

家蔚,gd nite

我怕家蔚知道芷螢講咩之後會崩潰得仲勁...

真係比巴打講中

其實家蔚番去係歷史既一部分 姐係家蔚以為自己番左去改歷史 但其實歷史中已經有個佢係到做宜家做緊既野 我記得有套戲定卡通都係咁既意思嫁！

跟下跟下，終於跟到阿彥去到藝術館附近... 希望芷螢約阿彥既地方會係有遮掩既位置啦… 如果係空曠既位置，我就無得偷聽…要局住放棄… 不過， 芷螢佢而家就係藝術館外面，好多一條一條斜支援柱既位置企係到。 Good job！呢個係完美既偷聽位…千其唔好轉地方呀… 阿彥同芷螢見面之後，佢地好似真係無打算移動… 咁最好…一切簡直係為我而設呀！ 我慢慢，靜雞雞一格一格咁接近佢地… 唔好發現我啊…唔好發現我啊… 然後…我終於移動到佢地隔離大約三米， 用一條斜柱黎做掩護… 無得再接近…再接近就好易被發現… 如果無人係旁邊經過講野既話…呢個位置都勉強聽到既… 『唔可以轉個位置再講？』阿彥提議 唔係話？我咁難得行到黎就想轉位… 『呢個位比較少人…我…呃…唔想比其他人聽到我既事。』芷螢講 Nice！ 『所以呢…妳又係想講一d想我放棄小蔚既事？』阿彥再講 「下？」我愣住左係到… 原來芷螢…佢一直都有講到...呢d事？ 『點解你會…』芷螢用訝異既語氣講 『雖然妳平時講得好婉轉，但我唔多唔少都明白到。』阿彥講 『點解芷螢妳要咁做？妳咁樣同我以前識既妳根本好唔同！』 『我…我…』 『我之前鍾意妳，就係鍾意妳份人夠直接，有乜野都照直講… 雖然呢份直接令到妳無乜朋友…但我一直都…』 『唔好講啦。』芷螢打斷阿彥講野『我今日唔係想講呢樣野...』 『芷螢…』 『邦彥你記唔記得迪士尼件事？』 我瞄到芷螢向住我個方向行幾步，我即刻慌張黎… 『迪士尼…我…當然唔會忘記。』 『我都係一樣…』芷螢企返係到…背對住阿彥… 好彩姐…我洗唔洗再移一移前一格呢？ 但如果移動左…就可能聽唔到佢地講野… 『個一吻，如果我當時用左另一個回答方式，我地而家會點呢？』芷螢再講 另一個…回答方式？即係…唔係逃走…而係… 『雖然個刻你突然令我明白到… 原來我地係互相鍾意對方，但係我都係無勇氣講出黎…我無…』 芷螢…到底妳想講d乜…

『芷螢…』阿彥佢好驚訝『原來個陣…』 『無錯…至少係個一刻，我地的確係兩情相悅…』 短暫既沉默… 呢段沉默既時間，我個腦轉得好快… 芷螢佢…係而家呢刻講出黎有乜意思… 唔通…芷螢攪咁多野唔係想維持佢想要既未來… 而係想搶返阿彥…唔係掛？ 『雖然係咁…』聽語氣阿彥冷靜返落黎『但我而家…』 『我明…我明你心入面而家只有家蔚，我真係知道。』芷螢再講 知道就得啦…芷螢…妳知唔知道妳而家做更乜野呀… 『咁樣…』 『啊！』芷螢輕輕一嗌『講完出黎真係舒服哂。』 『下？』 下？ 『呢件事屈係我心入面太耐啦…今日終於可以講出黎。』芷螢再講 『我…唔明？』阿彥問應『芷螢妳...』 『無啦…其實我真係想講返呢件事姐…哈…啊！？』 『唔係…妳唔係！』阿彥…用雙手捉實左芷螢既雙肩… 『邦彥！？』 『我睇到…感覺到…妳明明有d野想講出黎但又收返埋左…』 『我…我無呀…』 『到底…係乜野事…妳之前做咁多野…一定唔係想我同小蔚分手咁簡單… 妳唔係呢種咁既人…一定有個更加深層既原因…一個善意既理由！』 『就係咁簡單…就係呀！』 『講大話！』 『我…無…真係無…唔好迫我…唔好…』芷螢好似快被迫得想哭咁… 『芷螢…妳到底係到隱瞞更d乜！？』 『我無…我…無啊呀！！！』芷螢推開阿彥，之後向住海旁方向走左去… 『芷螢！』阿彥嗌一嗌，之後都追左去… 我仍然係企係到…原因唔係因為岩岩芷螢同阿彥既事… 而係條頸鏈…突然變得好燙… 我知道呢個係一個警號…係一個提示… 但我都未曾反應得切…就已經… 回到屋企既床上面。 唔係芷螢房間，而係我自己張床， 時間，係十二月三十日既深晚。

「岩岩…到底係乜野一回事？」我嘗試努力回想… 芷螢…欲言又止既野… 阿彥話…佢係有第二個理由…善意既理由… 諗唔到…完全諗唔通… 唔係…呢件事其實應該係次要… 而家首先…係要確認一下未來有無改變… 如果阿彥無見到我同阿理kiss既話…未來應該… 我拎起部電話…如果有變既話…入面既內容都會變… 當我禁更部電話既時候…突然感到個腦有一下劇痛… 伴隨劇痛而黎既…係另一段記憶… 另一段…由十二月十七日到十二月三十日既記憶… 我同阿理無係馬路到kiss， 因為根本就無發生乜野事…假裝情侶好順利…非常順利… 考試最後一日，係門口見到小芋… 我係邦文手上面既阿彥電話知道芷螢打過比阿彥… 但因為小芋捉住左芷螢所以我唯有暫時唔理．．． 樂宜生日，後花園邦文既告白樂宜答應左…我感到好空虛… 二十九日，係cafe見思蔚…知道于子朗既過去， 然後真正既子朗現身，「我地」跳左場舞，仲錫左告別既一吻… 但係呢一吻…比阿彥發現左… 『不如…我地分開下？』 第二日…樂宜去左搵阿彥…我追唔切… ... ... ... 我隻手…震得好利害… 我禁一禁短訊個頁…樂宜封短訊… (我已經同邦彥講清楚啦，我感覺到佢有軟化到， 總之，你就好好休息啦 ^^ 所有野包係我身上！) 無變過，除左一開始我同阿理件事有唔同到之外… 所有野…都係一樣， 包括，阿彥要同我分開。

真正既聽日繼續

究竟係咩

時間太多變化…改到少少…但改唔到全部 btw無默絲打我真係越來越欣賞你既創作

今我諗起世界奇妙物語既"昨日公園", 但故事主角每改變一次, 事情只會越變越懷 唔似得家蔚都叫已經"改變"得好過之前 既然有時光機, 再返去"更之前既時間"再改變囉

唔通芷螢想搶阿彥？

今日出多篇得唔得? 事關.....小弟今日生日.. 不過無FB得閒..留左係屋企上高登

芷螢想家蔚x表妹都係想自己唔死姐.. 人之常情..邊個想自己消失呢? (雖然我真係毒到想自己消失既人....))

我覺得芷螢已經放棄左拆散佢地

今日出多篇得唔得? 事關.....小弟今日生日.. 不過無FB得閒..留左係屋企上高登

芷螢想家蔚x表妹都係想自己唔死姐.. 人之常情..邊個想自己消失呢? (雖然我真係毒到想自己消失既人....))

巴打...生日快樂

我覺得芷螢已經放棄左拆散佢地

應該係邦彥迫芷螢講左 關於未來的家蔚的事 只要家蔚同邦彥繼續一齊 芷螢就會消失....... 以上純粹亂估

即係代表無論做d咩…最後都係改變唔到命運？ 係唔係未來家蔚發生左d咩…令到芷螢不斷想阻止 佢同邦彥一齊？

我覺得芷螢已經放棄左拆散佢地

應該係邦彥迫芷螢講左 關於未來的家蔚的事 只要家蔚同邦彥繼續一齊 芷螢就會消失....... 以上純粹亂估

即係代表無論做d咩…最後都係改變唔到命運？ 係唔係未來家蔚發生左d咩…令到芷螢不斷想阻止 佢同邦彥一齊？

爸爸唔好唔要我呀.jpg召喚