![[bouncer]](faces/lomore/bouncer.gif)
up緊，就快得
Siri !
7小時
吳浩康早年曾因出軌及藏毒而被觀眾唾棄，但近年他洗心革面，願意為養家而放下歌手身段，豁出去轉行做地盤搭架工人，就算日曬雨淋亦全無怨言，後來更榮升棚架工程公司老闆。結果，他被大讚「有膊頭」並彻底成功洗底，被網民稱為「真漢子」，更帶動演藝事業起飛，工作接踵而來，正面形象深入民心。
吳浩康近日捲入街頭衝突風波
不過，吳浩康近日卻捲入街頭衝突風波。日前網上流傳一段以「過氣明星把途人手機打掉」為題的影片，片中身穿紅衣的吳浩康與友人步出一幢商業大廈，打算上車離開之際，遭路人近距離舉機拍攝。吳浩康隨即走向拍片者，並一手拍掉對方的電話。影片瞬即成為網上熱話，然而風向卻幾乎一面倒力撐吳浩康。有份轉發影片的藝人湯沛宜亦忍不住發聲：「人哋叫咗你唔好影仲影，畀人拍電話，就話人過氣，咁你又影人？」
網民留言還原街頭風波真相
吳浩康捲入街頭衝突的影片曝光後，隨即有目擊者或知情網民留言還原真相：「人哋叫咗佢唔好影，係都要影人哋，一啲都唔尊重人，平時阿Deep（吳浩康）個人都勁Nice。」其後更有不少人附和：「試吓喺條街無啦啦有人舉起部手機影你，可能你哋嘅反應比佢更加大。」、「就算一個普通人，你咁樣影人，人哋都嬲啦。」、「見過吳浩康本人，就算路過都會對人報以笑容點頭，係一個好nice嘅藝人。」、「任何關係都係雙向嘅，互相尊重的話，無啦啦做咩要拍你啫。」
吳浩康的太太郭思琳亦有留言力撐老公：「無端端有個三唔識七嘅人拎住部機拍住你，係乜嘢人都會叫你唔好影啦！你估藝人就要私人時間畀你任影嘅咩？」不過，仍有酸民質疑：「條友叫nice？無x嘢嘛？大話多過x，咩做地盤，咪玩啦。」隨即有網民反擊撐吳浩康：「佢真係做地盤喎，佢之前同我朋友做同一個盤。」郭思琳更親自回嗆：「點樣講大話呢？人哋開埋棚架公司做埋老闆喇，你咪喺度搞笑啦！」
吳浩康親自回應拒拍原因
面對部分網民指責：「竟然有人話呢條友冇架子，根本爛仔，個格爛到X街」，吳浩康親自留言霸氣回應：「我無話過我係紳士。」
湯沛宜其後再度發文透露：「本身純粹分享下評論下私生飯，冇諗到收到本尊 DM 解釋件事。大家真係冇估錯，事出必有因，Deep 想保護家人，私生飯冇理會人哋當時意願。」從湯沛宜貼出的對話截圖所見，吳浩康傳訊息感謝她發聲，並解釋：「嗰條友喺抖音del咗個po，我噚日係落樓送親家姐上車，叫佢唔好影，係唔想佢影到我家姐。佢好似聽唔明廣東話咁，我咪撥開佢（電話）囉。」
