周星馳電影《少林足球》中，飾演「甜在心饅頭」老闆娘的徐美娜，一句「佢死咗喇！」深入民心。近日在網上有市民拍到，有一段時間冇在幕前演出的徐美娜，身上穿有九巴司機制服，原來已轉行揸巴士。美娜表示自己細細個就鍾意揸車，巴士就揸了接近兩年，當時一Take過考到牌，「這份工對自己是一份挑戰！」



早前有網民指出在東九龍一帶的巴士站，見到美娜姐的蹤影，懷疑對方已轉行揸巴士。記者聯絡到美娜姐，她亦大方承認相中是本人。「我而家的確做緊巴士司機，大概兩年時間左右。」期間都有市民認出她並打招呼︰「細個就好鍾意揸車，而揸巴士對我嚟講係一個挑戰，我好希望挑戰成功可以做好呢份工作。」

考巴士一Take過　「揸巴士都有好多嘢要學」

談到考巴士牌過程，美娜姐大概用了兩個月時間，一次過及格。有網民透露多數在東九龍區一帶見到對方，她則表示現時有十數條路線不定時地行走，冇固定一條路線，至於是哪一條，基於公司規定，不能透露。對於新工作，美娜姐笑言仍在適應中︰「算係慢慢熟悉緊公司工作嘅方式，講真揸巴士都有好多嘢要學，慢慢學習。」

翻查資料，美娜姐原來都有10年未有在幕前演出，會否再亮相幕前，就要看緣份。「演員呢份工作係講一種緣份，如果有機會我都願意重返銀幕㗎！不過當前都係想做好巴士司機呢份工先，以後再遇到機會先算啦。有時都會幻想，如果有部戲要我扮演巴士司機，都幾開心！」

25歲演老闆娘　霸氣贏觀眾關注

現年51歲的徐美娜，在北京長大，從小熱愛電影，經常租大量港產片回家看。爸爸是香港人，但她起初怕語言不通、不習慣等原因，抗拒來港發展。直至約18歲時突然想通，覺得一直在內地拍戲演路人甲沒甚前途，於是決心來港闖闖。有所不知，徐美娜拍攝《少林足球》時只有25歲，但在戲中潑辣的外表，加上幾場破口大罵的戲份，令影迷印象深刻。

原來拍少林足球嗰陣先25歲

原來拍少林足球嗰陣先25歲

真係睇唔出

原來拍少林足球嗰陣先25歲

已經50歲咁既樣

近日在網上有市民拍到，有一段時間冇在幕前演出的徐美娜，身上穿有九巴司機制服，原來已轉行揸巴士。

認到咁犀利？

徐美娜拍攝《少林足球》時只有25歲

原來拍少林足球嗰陣先25歲

已經50歲咁既樣

夠老成

佢除左老闆娘仲做過乜角色

佢除左老闆娘仲做過乜角色

演員 (10 電影)

少林足球 (2001) ... 饅頭店老闆娘
別戀 (2001) ... Jenny
嫁個有錢人 (2002)
旺角黑夜 (2004) ... 老六妻
神經俠侶 (2005)
早熟 (2005) ... 聖德蘭書院校長
我要成名 (2006) ... 士多老闆娘
家有喜事2009 (2009)
小魚吃大魚 (2012)
第7謊言 (2014)

大大聲鬧啲乘客