伍富橋陷零性慾狀態，爆老婆梁兆楹懷孕期禁慾真相

毒豬拆膠 · 2026-09-21T02:55:27.8830000Z

「億萬駙馬」伍富橋（Alvin）與富貴老婆梁兆楹（Shirley）早前宣布造人成功，下月是兒子「伍梁液」的預產期，這對準父母已經做好心理準備，期待「伍梁液」的來臨。伍富橋近日在訪問自爆老婆懷孕後，身體竟然出現奇妙變化，甚至陷入「清心寡慾」的零性慾狀態，一度嚇得要上網向AI求救！伍富橋清心寡慾失去慾望在訪問中被問到在老婆懷孕期間如何「解決需求」時，他面紅地表示：「呢個要剪走佢」，隨後卻直率地坦白，驚爆自己真的完全失去了那方面的慾望：「我有上網查過，我覺得自己真的清心寡慾，講真。會唔會係我嘅問題呢？然後我上網問一下AI，佢話原來係正常。我真係冇個感覺。」伍富橋考取專為孕婦做運動的證書太太梁兆楹亦笑稱老公真的有懷疑過自己：「會唔會其實一直都冇嘅，只不過而家放大咗？」不過伍富橋續說：「最初都有少少諗會唔會影響BB，當然就會令到嗰個慾望會下降。但是去到後期，我會諗佢陀住BB好辛苦，呢個係其中一個因素，再加上原來都係有科學實證，原來真係會下降，而且我最近操腳操少咗，操腳係會push up慾望嘅，變咗睪丸素可能比較低，呢個都有關係。」伍富橋又稱早前已經考取一個專為孕婦做運動的證書：「除咗進修，本來都有諗過之後對太太係有用，呢個唔係年年搞，咁啱導師喺外國飛過嚟，咪報呢個堂，但我當時係冇plan打算生小朋友，點知考完嗰個牌之後冇幾耐，就有了，但係對佢嚟講冇乜用，因為佢係剖腹。」梁兆楹笑稱老公在這段期間很黐纏梁兆楹笑稱老公在這段期間很黐纏：「可能佢冇乜朋友，除咗老婆之外，咁我又係佢朋友，所以佢就想跟我分享一下日常做啲乜嘢，好似佢啱啱同我講佢食咗兩個飯糰，其實冇人問佢，是但喇，唔緊要，當係Happy Share，兩公婆最緊要都係乜都講一下，如果唔係好難溝通。」梁兆楹目前正計劃BB出世那一刻的安排：「到而家我哋都仲喺度爭議緊，究竟佢應唔應該入去（產房）。」伍富橋續說：「我係想嘅，到而家呢一刻都係。由最初有啲驚，到而家諗清楚，我覺得我係要入去。因為我見到血會暈，但係係見到自己嘅血，所以我冇試過真係到人哋好多血，我覺得係可以，我想聽到佢出世，離開個肚皮，第一下喊，即係佢嘅聲音，我想聽到呢個聲音。可能我自己對聲音好敏感，可能我唱歌啦，我會對一些特別的聲線或者點樣，我會好留意。所以我對聲線這些東西都比較，即係我擇偶條件其中一樣都係有聲線，把聲一定唔可以難聽。」