【感情台】離咗婚+屋企人彌留緊 by 穹蒼菀枯

穹蒼菀枯 · 2026-09-16T02:59:26.6200000Z

45歲，雙料一齊嚟。見過好多生離死別，但第一次發生喺自己同自己最親嘅人身上。個感覺我唔識形容。法庭已經批咗離婚令。已放棄撫養權、放棄層樓業權、放棄銀行存款。之前入咗離婚申請果陣成日自己一個果陣會喊，但依家已經唔會。睇見好笑嘅嘢會笑，但下一刻又可能突然想喊。個腦多咗好多亂七八糟嘅諗法，做嘢集中精神比之前難。由知道要離婚果陣開始個心就時不時「拿住拿住」咁痛，有時笑住都係咁。有時會諗，到咗呢個地步，我人生嘅意義到底係咩。我無想死，最起碼，要供埋已經屬於前妻層樓，可以留到俾兩個仔之前，唔會想死。有時候想打機，打開隻game ，望咗幾分鐘，又關咗佢。日日返工、放工、去醫院、返去訓，咁又一日。咩都做唔到，或者準確D 講，係想做到嘅，都做唔到。望住屋企人訓喺醫院張床到，吊住鹽水、帶住氧氣罩，我知佢好辛苦。我有時諗，佢走快D ，應該就會少D 痛苦。我又會諗，第日可以儲定D 錢，可以用嚟俾自己年紀大嘅時候安樂死。

勒老漢 1日

我唔知你手頭鬆唔鬆動，如果有啲閒錢可以洗，就叫雞，想正面啲，就買砌圖或者模型砌下，記住砌既時候唔好做其他野，專心一致

總之每日做啲有儀式感既野

型爸 1日

其他唔講，淨係中年離婚已經值得高興啦Hi ^3^

........

PlayJer-ism 1日

希望樓主屋企人少啲痛苦

條女個胸好細 1日

加油
事情總會過去

太平洋道人 1日

我唔知你手頭鬆唔鬆動，如果有啲閒錢可以洗，就叫雞，想正面啲，就買砌圖或者模型砌下，記住砌既時候唔好做其他野，專心一致

總之每日做啲有儀式感既野

彌留應該叫唔落。。。遲下先啦

原來係咁嫁 1日

如果父母走剩一個。樓主又無其他親人親戚。只能叫樓主加油

男技師 1日

係未性方面滿足唔到對方？呢個真係男人四十共同面對的問題，男人年過四十性功能下降，而女人正值需求巨大的年紀，好多人結婚破裂都係因為咁！有冇試下找點刺激？例如去下情趣酒店，玩性玩具，食偉哥，海狗丸，至補三鞭酒？講真，男人不能軟！可以的話講下性方面遇到咩困難，生老病死大家就幫你唔到，順其自然啦！係上帝責任，唔關你事！但性能力真係可以自我回春，唔好因為性無能而冇左個家，愛真係要造出嚟架！