https://hk.on.cc/hk/bkn/cnt/entertainment/20260830/bkn-20260830081030945-0830_00862_001.html


入行5年的 「聲夢小花」姚焯菲（Chantel）首個個人演唱會《姚焯菲Chantel 想飛Live Concert 2026》於昨晚（29日）假麥花臣場館圓滿結束。台下捧場者眾，除了Chantel父親外，還有一眾「聲夢」歌手，包括何晉樂、冼靖峰、張馳豪、鍾柔美、詹天文、潘靜文、蔡愷穎及林智樂，及曾合拍《愛．回家之開心速遞》的古佩玲，前輩鄭丹瑞、連詩雅、張彥博及音樂人舒文等。

https://www.instagram.com/p/DclkKXomu42/

https://www.youtube.com/watch?v=byliP0qW2GA

帶病上陣的Chantel與小朋友演出完後，她表示邀請了童年時芭蕾舞學校中的小朋友齊演出：「睇到小朋友就特別想起自己細個時，好感觸，因為在場好多人睇住我長大，2020年參賽後，推出人生第一首歌後，就去咗外國升學，2026年終於有屬於自己嘅舞台，喺呢段成長路上，多謝大家一直支持，我先有勇氣去飛和追夢。」

聲沙沙的她唱完3首歌後，問台下觀眾可留意到她不適，咳了兩聲後再說：「不過我會盡全力做好呢個騷，真係好開心，啱啱唱嗰3首歌係我好鍾意嘅，喺呢個舞台上，毫無保留咁分享畀大家，真係好開心，希望你哋都鍾意，啱啱只係熱身。」 說畢她身上的白短裙子突然鬆脫，令她露出驚訝表情，由着白短裙變白短褲，原來是她身邊的女Dancer偷偷幫她扯甩裙，難怪她可淡定表示：「唔緊要，因為我條裙都好興奮，我有Disco精選歌送畀大家。」

Chantel邀請了音樂人Johnny Yim擔任演唱會嘉賓。在致謝環節中，她感謝家人的支持和照顧，當中談及嫲嫲時爆喊說：「嫲嫲嚟唔到現場，佢喺天上睇着我表演，希望佢會睇得開心。」 個唱尾場時，觀眾大叫Encore ，穿上便服的她突然再在觀眾席出現再行上台，第二度encore後，她以參賽歌《戀愛預告》作結，還拋下震撼蛋：「12月26澳門見！」

Chantel接受訪問時，被問到是否開騷前兩周依然密集式工作才捱病？她說：「其實係唔知邊度感染病菌，病菌周圍都有，開騷前3日，先有喉嚨痛，初時仲以為唱歌太多所致，但醫生話唔係，因為聲帶有事唔會喉痛，之後有少少㷫嘅，再到鼻水，已經退咗燒，但仲有啲痰，唔太舒服，有擔心過影響開騷，所以中西合璧去醫，多謝身邊經理人提我食咗飯先食藥同飲水，好照顧我，中醫又嚟到呢度同我針灸，開騷3小時前仲針緊。」

問到「開騷先嚟病可會忟憎」？她豁達謂：「又唔會，反而覺得係個好難關，（下次舉行澳門騷前可向公司要求閉關？）之前都反映過，但明白宣傳要做，有商演係榮幸，同多啲觀眾去接觸，所以唔會強行公司唔安排工作，順其自然。」她完成手頭上輕鬆工作，將於日內飛返美國繼續升學，自感需要休息幾日，到12月再回港。

談及兩年前過世的嫲嫲即感觸落淚，她指嫲嫲陪伴她長大，90多歲時更為她學上網聽她歌曲，多謝嫲嫲的照顧。問到緋聞男友李立仁不見影，她婉拒說：「不如講番個騷啦，我唔想我嘅答法影響到其他人嘅。」又指知炎明熹開騷，事前有互相說加油，對於大部分「聲夢」歌手撐她場，是否代表人緣較好，她就說不知，但覺得跟自己的個唱是售票及對方是換門票有關，因開騷中，所以不知炎明熹造型性感。問她是否以甩裙取代性感，她表示：「係個設計嚟嘅，希望大家睇得出，其實除咗裙大唔大分別呢？（唔大分別，）唔緊要啦，都得意嘅。」

騷上，播出蕭正楠自爆跟Chantel一段昔事的短片，原來當年有保安員跟他說有「妹妹仔送信給他」，但他一直不知是誰，直至Chantel入行及相識後才知「妹妹仔」是Chantel，問到蕭正楠是否其偶像？她表示其實是小學時，很鍾意收看綜藝節目《美女廚房》及他的劇集，當知對方住同一屋苑，和同學送信給他表示支持其節目，但遇保安阻止，不過入行後曾在餐廳遇上對方，只是幕前未有合作，問為何不請蕭正楠任個唱嘉賓？她竟說：「唔知道。」問她下一站是否紅館，她坦言：「我都想，要先儲夠歌外，覺得在任何場館開騷，只要有歌迷在場，就覺得好warm及最relax。」

[video]https://video.hkhl.hk/00fa54d8a42c71f190d6150ad0e00102/049f1fdb8e0f4f699103391f2b3ec754-a32c3f5b391f2a30be8866db0491c91c-ld.mp4[/video]

嘩！ 對腳好向左走向右走豬wo !

聲夢臭雞

點知仲係處？

條褲吾要比我ok ?///