https://hk.on.cc/hk/bkn/cnt/entertainment/20260827/bkn-20260827120128192-0827_00862_001.html


藝人裕美狠撇男友林作，現偕母親於日本沖繩享受「單身」假期中，而昨晚在無預警下，突然在社交網派重磅福利，分享一輯入行24年來首曝光的泳裝照，雖然沒有波濤洶湧的倒奶畫面，但38歲的她身材勝在腰幼、腿長，顏值滿分，而最吸睛當然是她在夕陽斜照的美景下，攤在泳池邊露出高潮眼，相當反高潮。

https://www.instagram.com/p/DcgRgteIOqm/



有自知之明的裕美留言：「人生第一次派福利，iPad身材性感照，沒有太多着泳衣的經驗，對腳忘記搽防曬，已曬到變紅燒肉，影呢啲相原來咁辛苦。」好友陳敏之留言：「OMG!so healthy &Pretty!」而留港養眼傷的林作又留言:「你需要激烈的xx」。

裕美接受訪問時，問到對自己的身材自豪還是自卑？她說：「我梗係自豪啦，都就嚟4張嘢（40歲），人哋中年發福，我都冇發福，仲可以咁苗條，我冇發福過。」再問到受了甚麼刺激而影泳裝照，她又說：「我一年只有一次假期，咪趁阿媽沖涼，我咪搵啲嘢做囉，喺泳池梗係着泳衣啦，唔通着潛水衣咩？（做乜露高潮眼？）我覺得做靚女好悶，打開社交網九萬幾個，反眼我就覺得最頂癮，不過我唔會行性感路線，因為搵唔到錢嘅，我唔會嘥時間，間唔中影吓咪算囉。」

她又說雖然今次帶阿媽旅行比返工更辛苦，但想趁媽媽行動自如時，和她留下美好回憶，又指在酒店房煎腸仔，全因遇上大風雨，酒店隨時停電，加上惡劣天氣不直外出，惟有和媽媽自行煮食，但已雨過天青可自由出外玩。

又唔同左樣

人地4張野就到林作有無諗住埋單?

天空中的希冀

無誠意。。。